HEBRE 5:4 - Jinghpaw Common Language Bible 2009

⁴ Kadai wa mung tinang a hkum hpe hkinjawng agyi kaba tai ai arawng hta lata dang da lu ai n rai; Arun hpe zawn Karai Kasang e shaga la hkrum ai masha wa chyu sha hkinjawng agyi kaba byin tai lu nga ai.

Jinghpaw Hanson Version Bible

⁴ Dai hta kaga, kadai wa mung dai aya a arawng hpe tinang dai dang la lu ai n rai; Arun hpe zawn Karai Kasang shaga yang she, dang ya lu ai:

HEBRE 5:4 ပူးပေါင်းရင်းမြစ်များ

PRU MAT 28:1

“Na a nhpu Arun hte shi a shadang Nadab, Abihu, Eleaza hte Ihtama ni hpe shaga la nna shanhte hpe Israela amyu masha ni kaw na garan jahka tawn na lam tsun u; shanhte gaw hkinjawng amu gun hpai let ngai hpe daw jau na rai ma ai.

BU HKAWM 16:40

Dai Madu hpe manam pyaw ai baw nat nawng na nga, Arun a amyu matu n re ai Israela masha langai mi mung tawn hkungri nga ai de n sit sa lu na matu sadi jaw ai lam rai nga ai. Shing n rai yang, dai wa gaw Kora hte shi a masha ni hpe zawn shamyit kau ai hkrum na rai wu ai. Ndai lam yawng gaw Mawshe hku nna Eleaza galaw na matu dai Madu hkang da ai lam rai nga ai.

BU HKAWM 16:5

Dai hpang shi gaw Kora hte shi a manang ni hpe, “Shi hte kadai seng nga ai lam mung, hpawt de dai Madu anhte hpe madun dan na ra ai; shi hte seng ai wa hpe shi lata la nhtawm tawn hkungri nga ai de shani la na ra ai.

2 HKAWHKAM LABAU 26:18

shi hpe hkap hkum let shanhte gaw, “Uzia e! Nang gaw dai Madu hpe manam pyaw ai baw nat nawng ya na ahkang n lu nga ndai. Arun a amyu matu kaw nna yu hkrat wa ai hkinjawng ni chyu sha ndai amu hpe galaw na matu nawng da hkrum sai ni sha mai nga ai. Dai re ai majaw ndai chyoi pra ai shara kaw nna pru mat wa u; nang gaw Madu Karai Kasang hpe shut hpyit kau nit dai majaw shi a shaman chyeju hpe galoi mung hkam la lu na ndai n rai,” ngu nna tsun wu ai.

1 HKAWHKAM LABAU 23:13

Shi a kasha alat Amram mahtang Arun hte Mawshe yan a kawa rai nga ai. (Arun hte shi a amyu matu ni gaw chyoi pra ai arung arai ni hpe tut nawng woi hpareng na matu san da hkrum ma ai; dai Madu a nawku shara hta manam pyaw ai baw hpe nat nawng nna shi hpe daw jau ai hte shi a mying ningsang hta amyu masha ni hpe shaman ya na rai ma ai.

YAWHAN 3:27

Shaloi Yawhan gaw, “Karai Kasang kaw na jaw ai sha n rai yang gaw masha gaw hpa amu lit hpe mung hkam la lu ai n rai.

BU HKAWM 16:35

Dai hpang dai Madu gaw wan shachyi dat nna manam pyaw ai baw hpe nawng jau ai masha 250 hte hpe hkru kau nga ai.

BU HKAWM 18:7

Rai ti mung, nang hte na a shadang sha ni chyu sha Chyoi Pra Htum ai Shara hte tawn hkungri hta jaw jau ra ai hkinjawng amu yawng galaw shatup na rai myit dai. Nanhte galaw na hkinjawng amu hpe kumhpa zawn ap ya ma sade ai majaw ndai amu ni gaw na a lit rai nga ai. Dai rai nna chyoi pra ai arai nga ai de sit sa ai ra rawng ai masha kadai mung sat kau ai hkrum na rai wu ai,” ngu nna tsun wu ai.

BU HKAWM 16:10

Shi gaw nang hte kaga Lewi ni yawng hpe dai zawn re ai shagrau sha-a ai amu jaw ya manit dai-ya chyawm gaw nanhte hkinjawng aya naw hkam la lu na matu shakut nga myit hka!

JAW JAU 8:2

shang wa chyinghka lam de Arun hte shi a shadang sha ni hpe woi shang wa nna, hkinjawng hpun palawng, chya na namman, htingrai hkungga a matu usu, sagu la lahkawng, hte matsi n rawng ai muk ka la sa na rai ndai.

BU HKAWM 3:3

Shanhte gaw namman chya hkam nna hkinjawng aya dang la ma ai;

EZRA 7:5

Buki gaw Abishua a kasha, Abishua gaw Hpineha a kasha, Hpineha gaw Eleaza a kasha, Eleaza gaw Arun a kasha rai nga ai.