HEBRE 5:3 - Jinghpaw Common Language Bible 2009

³ Shi nan gawng kya nga ai majaw, masha kaga ni a yubak mara a matu sha n rai, shi nan a yubak mara a matu mung hkungga nawng la ra nga ai.

Jinghpaw Hanson Version Bible

³ shing rai, mung masha ni a yubak a matu hkungga nawng ya ra ai zawn, tinang dai a yubak a matu mung nawng la ra nga ai.

HEBRE 5:3 ပူးပေါင်းရင်းမြစ်များ

JAW JAU 16:15

Dai hpang amyu masha ni a matu htingrai hkungga shatai na bainam hpe mung shi sat nna, de a asai hpe Chyoi Pra Htum ai Shara de la sa nhtawm magap a ntsa e mung, Ga Shaka Sumpu a man e mung, usu sai hpe galaw ai zawn dai hpe lapri bun na rai wu ai.

JAW JAU 16:6

Shi gaw shi hte shi a dinghku masha ni a yubak mara ni hpe la kau ya na matu usu hpe shagu hkungga shatai nna nawng jau na rai wu ai.

JAW JAU 9:7

Dai hpang shi gaw Arun hpe, “Tawn hkungri de sit sa nhtawm nang hte amyu masha ni a yubak mara ni la kau ya na matu, htingrai hkungga hte wan nat hkungga ni nawng ya na rai ndai. Dai Madu hkang da sai hte maren amyu masha ni a yubak mara hpe la kau ya na matu, dai hkungga nawng jau na rai ndai,” ngu nna tsun wu ai.

1 KORINHTU 15:3

Hpa majaw nga yang, ngai hkam la sai ahkyak dik ai lam ni hpe, ngai nanhte hpe ap ya made ai. Dai gaw, Chyum Laika ni hta ka da nga ai hte maren, Hkristu gaw anhte a yubak mara a matu si hkam sai lam,

HEBRE 10:12

Hkristu chyawm gaw yubak mara raw dat na matu, prat dingsa na matu akyu nga ai hkungga langai sha hpe nawng ya ngut jang, Karai Kasang a hkra maga de wa dung nga sai.

HEBRE 7:27

Shi gaw kaga hkinjawng agyi ni zawn shawng e tinang lu ai yubak mara ni a matu shani shagu hkungga nawng ya ra ai n rai. Shi gaw shi hkum nan hpe hkungga shatai nna nawng ya ai shaloi kalang mi hte ngut hkra nawng kau nu ai.

HEBRE 9:7

Rai ti mung sum kata maga na shara de chyawm gaw hkinjawng agyi kaba wa hkrai sha tinang nan a matu mung, masha ni a n dum n chye nna shut ai mara a matu mung, nawng ya ai asai lang let laning mi hta e lang mi sha, shang lu ai.