HEBRE 5:2 - Jinghpaw Common Language Bible 2009

² Shi hkum nan pyi lam amyu myu hta gawng kya nga ai rai nna, machye machyang kata ai ni, shut hpyit lam dam ai ni hpe sumnung ai myit madun lu ai wa rai nga ai.

Jinghpaw Hanson Version Bible

² shi hkum dai mung gawng kya ai hte shinggrup nga ai majaw, n chye n chyang ai ni hte lam dam mat wa ai ni hpe, galu kaba ai myit chye madun ai wa rai nga ai;

HEBRE 5:2 ပူးပေါင်းရင်းမြစ်များ

PRU MAT 32:8

Shanhte hkan sa na matu ngai hkang da ai lam hta na dam mat wa nhtawm ja shabyawng la let dumsu usu kasha langai galaw la nna dai hpe nawku ai hte shagu hkungga nawng jau ya nga masai. Shanhte gaw dai gaw Egutu mung kaw na shanhte hpe woi shapraw wa ai shanhte a hpara rai nga ai ngu tsun nga masai.

ESAIA 29:24

Angawk ai amyu masha ni chye la na matu sharin la na mara ai, tut nawng aput angun nga ai ni sharin achyin hkam la lu na matu kabu gara na mara ai.” ngu nna tsun wu ai.

ESAIA 30:11

Anhte a lam kaw na yen mu, anhte a lai lam hkum pat myit. Anhte gaw nanhte a Israela a chyoi pra ai Karai Kasang hte seng ai lam n na mayu ga ai.

LUKA 22:32

Rai ti mung, na a kam sham ai myit n hten lit ga ngu nna, nang Simun a matu ngai akyu hpyi da ni ai. Shing rai nang ngai hpang de bai kayin dum wa yang, na nhpu nnau ni hpe shangang shakang ya lu na rai ndai.”

2 KORINHTU 11:30

Ngai gumrawng na rai yang gaw, ngai gade gawng kya ai ngu ai lam hta she gumrawng na nngai.

2 KORINHTU 12:5

Dai rai nna dai wa a lam ngai gumrawng na nngai, rai ti mung ngai hkum nan gade gawng kya nga ai lam ni hta kaga nye a lam ngai n gumrawng na nngai.

GALATI 4:13

Shawng na lang ngai nanhte hpe dai Kabu Gara Shiga hkaw dan lu ai lam gaw, hkum hkrang machyi hkrum nna hkring nga ai majaw lu hkaw dan ai re ai hpe nanhte dum chye nga myit dai.

EHPESU 4:18

Shanhte a chye chyang ai nyan sin mak nga nna tsep kawp angawk angak re ai hte du ja nga ma ai majaw, Karai Kasang jaw ai asak kamhtaw hta n lawm mat ai ni rai nga ma ai.

1 TIMOHTI 1:13

Ngai chyawm gaw lai wa sai ten hta Madu hpe n kaja ai hku mara shagun tsun shatan ai zingri zingrat ai hte roi asawng re ai wa rai nngai. Rai ti mung Karai Kasang gaw ngai hpe matsan dum nga ai; hpa majaw nga yang, ngai hta makam masham garai n rawng ai rai nna ngai hpa galaw nga ai hpe ngai n chye we ai.

HEBRE 12:13

Ding ai lam ni hta matut nna hkawm sa nga mu, shaloi she hten ai lagaw n mai hkawm mat hkra n byin ai sha mai tsai mat wa na ra ai.

HEBRE 2:17

Dai re ai majaw shi gaw, masha ni a yubak mara ni hpe raw dat kau ya lu na matu matsan dum chye ai kangka re ai hkinjawng agyi kaba tai ai hku nna Karai Kasang a magam bungli gun hpai lu u ga, lam shagu hta shi a kahpu kanau ni mu hkrum hkam sha nga ai lam ni hpe shanhte hte rau rum hkam sha nu ai.

HEBRE 2:18

Ya shi gaw agung alau hkrum let shi hkum nan nni nkri hkrum yu sai majaw, agung alau hte nni nkri hkrum ai ni hpe karum lu nga ai.

HEBRE 4:15

Hpa majaw nga yang, anhte a Hkinjawng Agyi Kaba wa gaw, anhte a ra rawng gawng kya ai lam hpe matsan n chye dum ai wa n rai. Anhte zawn lam shagu hta gunglau hkrum yu ti mung yubak mara n galaw ai Hkinjawng Agyi Kaba she anhte lu ga ai.

HEBRE 7:28

Mawshe a tara gaw n-gun kya nna n hkum n tsup ai masha ni hpe Hkinjawng Agyi Kaba aya hta dang da nga ai; rai ti mung tara shapraw ai hpang e du sa ai, Karai Kasang dagam let jaw ai ga ndat gaw, htani htana hkum tsup ai Kasha wa hpe Hkinjawng Agyi Kaba aya hta dang da wu ai.

HEBRE 9:7

Rai ti mung sum kata maga na shara de chyawm gaw hkinjawng agyi kaba wa hkrai sha tinang nan a matu mung, masha ni a n dum n chye nna shut ai mara a matu mung, nawng ya ai asai lang let laning mi hta e lang mi sha, shang lu ai.

YAKU 5:19

Nye a hpu nau ni e, nanhte hta na marai langai ngai dai teng man ai lam kaw na dam mat wa ai wa hpe marai langai ngai bai woi nhtang wa ai ngu ga.

1 PETRU 2:25

Nanhte gaw lam dam mat ai sagu ni zawn rai nga myit dai; ya chyawm gaw sagu rem wa hte nanhte a myit masin ni hpe up madu da ya ai wa a hpang e hkan nang na matu shi hpang de bai woi du wa manit dai.

TARA AGYI 2:17

Rai ti mung Israela masha ni gaw shanhte a ningbaw ni a ga hpe n madat hkraw nga ma ai. Israela gaw dai Madu hta sadi sahka myit n rawng nga manu ai majaw kaga hpara ni hpe nawku ma ai. Dai Madu a hkang da ai ga ni hpe shanhte a kawa ni madat mara hkan sa nga ma ti mung, ndai ban prat nnan amyu masha ni mahtang n hkan n sa mat ma ai.