HEBRE 4:9 - Jinghpaw Common Language Bible 2009

⁹ Dai rai nna sanit ya shani hta Karai Kasang ban sa nga ai zawn Karai Kasang a amyu masha ni a matu ban sa na shani nhtoi lani mi naw nga nga ai.

Jinghpaw Hanson Version Bible

⁹ Dai rai nna, Karai Kasang a amyu masha ni a matu mara laban ban sa ai nhtoi naw nga nga ai.

HEBRE 4:9 ပူးပေါင်းရင်းမြစ်များ

SHAKAWN KUNGDAWN 47:9

Masha amyu baw ni a du salang ni gaw Abraham a Karai Kasang a amyu masha ni hte rau hpawng nga ma ai. Hpyen dap ni yawng hta daru magam n-gun shi grau kaba nga ai; shi gaw tsaw htum ai hku up hkang nga ai.

PRU MAT 16:30

Dai rai nna, amyu masha ni sanit ya shani e amu n galaw nga ma ai.

ESAIA 11:10

Dawi a hkawhkam aru asai kaw nna hkawhkam nnan gaw masha amyu baw ni a matu masat kumla tai na ra ai nhtoi gaw du wa nga ai. Shanhte gaw shi a hkawhkam htingnu mare hta zup hpawng nna shi hpe shagrau sha-a na mara ai.

ESAIA 57:2

Mai kaja ai asak hkrun lam hta hkawm sa ai ni gaw si hkrung si htan hta ngwi pyaw sim sa ai hte ban sa lu nga ai.

MAHTE 1:21

Shi gaw shadang sha shangai na ra ai rai nna, nang shi a mying hpe, Yesu ngu nna shamying lu na rai nga ai; hpa majaw nga yang, shi a amyu hpe tinang a yubak mara kaw na hkye hkrang la na shi rai nga ai,” ngu wu ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

HEBRE 11:25

Shi gaw tawng marang mi sha, yubak a pyaw daw kadaw na hta Karai Kasang a amyu masha ni hte rau tsin-yam tsindam hkrum na hpe mahtang shi grau ra sharawng nga ai.

HEBRE 3:11

Ngai pawt bu ai hte shanhte gaw, ‘Ngai shanhte hpe jaw na rai nga ai ban sa ai shara de galoi mung n shang lu na ma ai!,’ ngu nna ngai dagam da se ai.’”

HEBRE 4:1

Ya Karai Kasang gaw anhte hpe ngwi pyaw ban sa ai lam hkam la shangun na nga nna tsun da ai ga ndat jaw da mani ai. Dai ga ndat jaw da sai ngwi pyaw ban sa ai lam hpe nanhte hta na langai mi mung n lu la ai n nga myit ga, anhte sadi nga ga.

HEBRE 4:10

Hpa majaw nga yang, Karai Kasang ga ndat jaw da ai ban sa ai hpe hkam la sai ni kadai mung, Karai Kasang ban sa ai zawn, shi a amu bungli hta na ban sa na ra ai.

HEBRE 4:3

Kam sham ai ni anhte chyawm gaw, Karai Kasang ga ndat jaw da sai ngwi pyaw ban sa ai lam hpe hkam la lu ga ai. Dai gaw, “Ngai shanhte hpe pawt sindawng mawe ai rai nna, ‘Shanhte hpe ngai jaw na ngu ai ngwi pyaw ban sa ai mung de galoi mung n shang lu mu ga,’ ngu nna ngai ga ndat hte dagam da ni ai,’” nga nna shi tsun ai ga hte maren sha rai nga ai. Mungkan ga hpe shi nnan hpan da ai ten kaw nna shi galaw ra ai amu hpe yawng shangut da nu ai. Rai tim ndai ga hpe shi naw tsun wu ai.

HEBRE 4:8

Lama wa Karai Kasang ga sadi jaw da sai ban sa ai lam hpe Yawshu gaw amyu masha ni hpe jaw ngut sai rai yang, nhtoi kaga a lam Karai Kasang hpang e bai tsun sana n rai.

1 PETRU 2:10

Nanhte gaw shawng de kalang mi Karai Kasang a amyu masha ni n rai myit dai; rai ti mung ya gaw, shi a masha ni rai wa manit dai. Shawng de kalang mi nanhte gaw Karai Kasang a matsam dum lama ai hpe n hkap la lu myit dai; ya chyawm gaw hkap la lu manit dai.

SHINGRAN 14:13

Dai hpang sumsing lamu kaw nna, “Ka da u: ya kaw nna Madu a magam bungli hpe gunhpai let si wa ai ni gaw a lu ma ai!,” nga ai nsen langai mi ngai na nngai. Wenyi mung, “Rai sa! Shanhte a amu bungli galaw shakut shaja ai kaw na hkring sa ai lam lu la na mara ai. Hpa majaw nga yang, shanhte galaw ai amu bungli a akyu gaw, shanhte kaw hkan nang nga ai,” nga nna tsun ai.

SHINGRAN 21:4

Shi gaw shanhte a myi hta na myi prwi pru mapru yawng katsut kau ya na ra ai: htawm hpang de si hkrung si htan ngu ai n nga lu na sai; sharung shayawt, hkrap ngu hkrap ngoi ai hte machyi makaw, hki si ba si ai mung n nga lu na sai. Shawng na byin ga ai lam dingsa nga manga hte gaw hkoi mat wa sai,” nga nna tsun ai.