HEBRE 4:2 - Jinghpaw Common Language Bible 2009

² Hpa majaw nga yang, anhte gaw moi shawng de na masha ni hte maren, dai Kabu Gara Shiga hpe na yu saga ai. Rai ti mung shanhte na lu ai Kabu Gara Shiga gaw, shanhte a matu akyu n nga malu ai, hpa majaw nga yang, shanhte na la ai shaloi shanhte dai hpe makam masham hte n hkap la ma ai.

Jinghpaw Hanson Version Bible

² Kaning rai nme law, shanhte hpe kabu gara shiga hkaw dan ai zawn, anhte hpe mung hkaw dan ma ni ai; rai timung, dai na la ai mungga gaw, na la ai ni hta kamsham ai hte n kayau gumhpawn ai majaw, shanhte a matu akyu n byin malu ai.

HEBRE 4:2 ပူးပေါင်းရင်းမြစ်များ

KASA 13:46

Pawlu yan Barnaba mung grau nna nden ja ai myit hte, “Dai Karai Kasang a mungga nanhte hpe shawng tsun dan na ra nga ai, rai ti mung nanhte mahtang dai hpe n hkap la nna nhtum nwai asak hte n ging dan ai ni rai ga ai ngu nna tinang dai myit nawn daw dan la myit dai majaw anhte gaw, nanhte kaw na pru mat wa nna kaga maigan amyu ni hpang de sa wa na saga ai.

KASA 3:26

Dai rai nna nanhte langai hte langai tinang a n hkru n shawp ai lam ni hta na myit malai kayin wa ai hte shaman chyeju hkam la lu mu ga nga Karai Kasang gaw shi a shangun ma hpe paw pru shangun ai hte nanhte hpang de shawng shangun dat ya sai,” ngu nna tsun mu ai.

ROMA 2:25

Dai jep ai Tara hpe hkan shatup myit yang gaw, matu gadoi hkam ai lam akyu rawng nga ai; rai ti mung tara hpe tawt lai ai wa nang rai nga n yang gaw, matu gadoi ai hking galoi mung n hkam la ai mahtang grau kaja nga ai.

ROMA 3:3

Dai rai yang lama wa shanhte hta na nkau mi sadi n dung yang gaw, shanhte a sadi n dung ai lam a majaw Karai Kasang mung sadi n dung na re ngu nna tsun lu na kun?

1 KORINHTU 13:3

Ngai lu ai nye a arai yawng hte hpe ngai gam kau nna nye a hkum hpe nat kau na matu ap kau rai ti mung, tsaw ra ai myit n rawng yang gaw, ngai hta hpa akyu nga na n rai.

GALATI 3:2

Dai Wenyi hpe nanhte lu la ai gaw jep ai Tara hpe hkan sa shadik ai magam bungli a majaw rai kun? Dai lam langai sha nanhte a n-gup na ngai chye la mayu nngai.

GALATI 3:8

Dai Chyum laika mung, “Karai Kasang gaw makam masham hte sha maigan masha ni hpe ding hpring shangun na maru ai,” nga nna tau tsun da sai. Dai rai nna Chyum Laika gaw, “Amyu baw shagu gaw na gawp e gumring gumrat hkrum na mara ai,” nga nna Abraham hpe dai Kabu Gara Shiga shana ya mu ai.

GALATI 4:13

Shawng na lang ngai nanhte hpe dai Kabu Gara Shiga hkaw dan lu ai lam gaw, hkum hkrang machyi hkrum nna hkring nga ai majaw lu hkaw dan ai re ai hpe nanhte dum chye nga myit dai.

TARA JAHPRANG 1:32

Rai ti mung nanhte dabang but na shara tam nna nanhte sa wa na lam hpe madun na nga, shana e wan shadaw, shani e sumwi shadaw hte nanhte a shawng e shi tut nawng hkawm sa wa nga ai ngu nna ngai tsun tim pyi, nanhte gaw dai Madu hpe naw n kam n sham nga myit dai.

1 HTESALONI 1:5

Hpa majaw nga yang, anhte gaw dai Kabu Gara Shiga hpe ga hte sha n rai, n-gun atsam hte mung, Chyoi Pra ai Wenyi hte mung, dai Kabu Gara Shiga a teng man ai hpe tsep kawp kam sham ai myit hte mung, nanhte hpang de la sa nna hkaw tsun ga ai. Anhte gaw nanhte hte rau nga nga ai ten hta, nanhte a mai kaja ai lam a matu mara anhte kaning rai asak hkrung hkawm sa saga ai lam, nanhte nan chye nga myit dai.

1 HTESALONI 2:13

Bai Karai Kasang a chyeju hpe n sim n sa shakawn na lam kaga langai mi naw nga nga mali ai. Nanhte hpang de anhte dai Karai Kasang a mungga sa hkaw tsun dan ai shaloi masha a mungga hpe zawn n rai, Karai Kasang a mungga re ai hku nanhte na nna kam sham ai hte hkap la manit dai. Dai mungga gaw nanhte kam sham ai ni a kata hta bungli galaw ya nga ai majaw Karai Kasang a mungga majing nan rai nga ai.

1 TIMOHTI 4:8

Hkum hkrang hte seng nna sha shaman shakyang ai lam gaw akyu loi sha mi nga ai; rai ti mung wenyi makam masham lam hta shaman shakyang ai gaw lam shagu hta akyu nga nga ai; hpa majaw nga yang dai gaw ndai prat hte htawm hpang prat a matu ga ndat rawng nga ai.

HEBRE 11:6

Makam masham n rawng yang kadai mung Karai Kasang hpe sharawng awng shangun lu ai n rai, hpa majaw nga yang, Karai Kasang kaw sit shang ai wa kadai mung, Karai Kasang nga nga ai hte shi hpe hkan tam ai ni hpe chyeju htang jaw nga ai, ngu ai hpe kam sham ai wa rai lu na rai nga ai.

HEBRE 3:12

Kam sham ai hpu nau ni e, ahkrung nga ai Karai Kasang kaw na htak mat wa hkra n hkru n shawp kam shut chye ai myit masin rawng ai masha nanhte hta na langai mi mung n lawm malit ga, sadi nga mu.

HEBRE 4:6

Dai Kabu Gara Shiga hpe shawng na la ai ni gaw, dai shiga hpe n kam n sham ma ai majaw dai ban sa ai de n shang lu ma ai. Dai rai nna, dai ban sa ai hpe kaga masha ni hpe mahtang hkam la na ahkang jaw kau mu ai.

YAKU 1:21

Dai re ai majaw matsat shabat re ai sat lawat shagu hte n hkru n kaja ai arawn alai yawng hte hpe yeng seng kau mu. Karai Kasang kaw sumnung ai hte shawng kaw nna nanhte a kraw lawang ni hta e shi hkai da ya sai nanhte hpe hkye hkrang la lu ai mungga hpe hkap la mu.

1 PETRU 1:12

Shanhte shachyen nga ai hkaw tsun ai amu gaw shanhte a akyu ara a matu n rai; nanhte a matu rai nga ai lam Karai Kasang gaw ndai myihtoi ni hpe shadan dan manu ai. Nanhte hpang de dai Kabu Gara Shiga la sa wa ai ni gaw dai myihtoi ni tau hkrau nna hkaw tsun ai ni hpe sumsing lamu kaw nna shangun dat ai Chyoi Pra ai Wenyi a n-gun atsam hte nanhte hpe tsun madun dan ai majaw nanhte na lu manit dai. Ndai lam hpe lamu kasa ni pyi chye na mayu ma ai.