HEBRE 3:3 - Jinghpaw Common Language Bible 2009

³ Nta langai mi hpe gaw gap da ai wa gaw, dai nta hta grau ai arawng sadang lu ai hte maren Yesu mung Mawshe hta grau ai arawng sadang hte shagrau sha-a ai hpe hkam la ging nga ai.

Jinghpaw Hanson Version Bible

³ Kaning rai nme law, nta de da ai wa gaw, dai nta hta grau ai arawng sadang lu ai made, Yesu gaw Mawshe hta grau ai hpung shingkang lu ging nga ai.

HEBRE 3:3 ပူးပေါင်းရင်းမြစ်များ

ZEHKARIA 4:9

Shi gaw, “Zerubabela gaw Nawku Htingnu a npawt nhpang jahkrat da nu ai; dai Htingnu hpe shi shangut na ra ai. Ndai lam byin wa ai shaloi, shanhte hpang de ngai nang hpe shangun dat ai hpe nye a amyu masha ni chye lu na mara ai.

MAHTE 16:18

Bai, nang hpe ngai tsun de ga, lunghkrung ngu ai lachyum pru ai Petru rai nga ndai hte dai lunghkrung ngu ai npawt nhpang ntsa e nye a hpung hpe ngai de da na we ai rai nna, si hkrung si htan pyi gaw dai hpe dang kau lu na n rai.

1 KORINHTU 3:9

Hpa majaw nga yang, anhte gaw Karai Kasang a matu amu bungli galaw nga ai shingdep shingtau ni rai nga ga ai. Nanhte gaw Karai Kasang a yi hkauna hte Karai Kasang a wahpang htingnu rai nga myit dai.

2 KORINHTU 3:7

Lungpa hta ka da ai jep ai tara hpe jaw ai shaloi, Karai Kasang a hpung shingkang htoi kabrim dan pru nga ai. Dai hpung shingkang a htoi ahkung ai gaw Mawshe a myi man kaw na yat yat hkoi mat wa magang nga ai. Rai ti mung nachying wa naw htoi kabrim nga ai majaw Israela amyu masha ni shi a myi man hpe n azi yu lu ma ai. Si hkrung si htan hpe byin shangun ai jep ai tara hpe dai zawn re ai hpung shingkang hte jaw ya ai rai yang gaw,

KOLOSE 1:18

Shi gaw shi a hkum hkrang ngu ai Hpung a baw rai nga ai. Shi nan dai hkum hkrang hte seng ai asak a npawt rai nga ai. Shi chyu sha lam shagu hta nambat langai shara la da nna yawng mayawng a nhtung nhka tai wa u ga, si mat ai ni kaw na hkrung sharawt la ai Kasha alat ningshawng rai nga ai.

HEBRE 2:9

Rai ti mung anhte mu lu ai wa gaw Karai Kasang a chyeju a majaw yawng mayawng a matu si hkam lu hkra aten ladaw chyahkring mi laman sha lamu kasa ni hta shagrit da hkrum ai Yesu Hkristu nan rai nga ai. Dai Madu chyawm gaw si hkrung si htan a nni nkri hkam la wu ai majaw, ya hpung shingkang hte arawng sadang janmau shagup da nga ai hpe anhte mu lu ga ai.

HEBRE 3:4

Nta ngu ai hpe marai langai ngai e gaw gap da nga ai; yawng mayawng hpe gaw gap ai wa chyawm gaw Karai Kasang rai nga ai.

HEBRE 3:6

Hkristu chyawm gaw Karai Kasang a nta hpe up ai Kasha re ai hku nna kangka rai sadi dung nga ai. Anhte nden marai rawng nna tinang ni a kabu gara myit mada ai lam hpe jahtum du hkra myit mu myit hkut ai hte ngang ngang kang kang manoi nga ga yang gaw, Karai Kasang a nta masha ni rai nga ga ai.