HEBRE 3:2 - Jinghpaw Common Language Bible 2009

² Mawshe gaw Karai Kasang a nta na shi a bungli hta kangka ai zawn, ndai amu galaw na matu lata la ai Karai Kasang a ntsa e kangka rai nga ai.

Jinghpaw Hanson Version Bible

² Mawshe gaw Karai Kasang a nta ting hta kangka re ai zawn, Yesu gaw shi hpe san da ai wa a matu kangka rai nga ai.

HEBRE 3:2 ပူးပေါင်းရင်းမြစ်များ

PRU MAT 40:16

Mawshe gaw dai Madu hkang da sai hte maren, lam shagu hpe hkan galaw wu ai.

BU HKAWM 12:7

Nye a shangun ma Mawshe hte ngai ga shaga ai shaloi, dai gaw shai ai lam rai nga ai; dai nye a amyu masha Israela ni yawng hpe woi hpareng na matu, ngai shi hpe san da ni ai.

YAWHAN 15:10

Ngai gaw nye Wa a hkang da ai ga ni hpe madat mara hkan shatup nna, shi a tsaw ra ai hta maju jung nga nngai zawn, nanhte mung nye a hkang da ai ga ni hpe madat mara hkan shatup myit yang gaw, nye a tsaw ra ai hta maju jung na myit dai.

YAWHAN 17:4

Ga ntsa e ngai gaw na a hpung shingkang shapraw ya ni ai; ngai gun hpai na matu nang ngai hpe ap ya ai amu hpe gun hpai ngut se ai.

YAWHAN 7:18

Tinang myit hte tsun ai wa gaw, tinang a arawng sadang tam ai wa rai nga ai. Rai ti mung shi hpe shangun dat ai wa a arawng sadang hpe tam ai wa chyawm gaw, teng man nga ai rai nna, shi hta n ding n man ai n rawng lu ai.

YAWHAN 8:29

Dai hta n ga, ngai hpe shangun dat ai wa gaw, ngai hte rau anga nga ai; shi sharawng awng ai amu hpe, ngai tut nawng agalaw nga nngai majaw, shi gaw ngai hpe hkrai sha n tawn kau da nngai,” ngu tsun wu ai.

EHPESU 2:22

Nanhte mung Hkristu hte langai sha tai nna kaga masha ni yawng hte jawm de ai hpe hkam la nhtawm, shi a Wenyi a marang e Karai Kasang shanu nga ai shara tai wa manit dai.

TARA JAHPRANG 4:5

“Dai Madu nye a Karai Kasang ngai hpe tsun ai tara ni yawng ngai nanhte hpe sharin achyin ya mani ai. Nanhte shang madu la hkyen nga ai mungdan hta dai matsun maroi ga hte hkang da ai tara ni hpe madat mara nga mu.

1 TIMOHTI 1:12

Ngai galaw gun hpai nga ai bungli a matu ngai hpe n-gun lagaw jaw ya ai anhte a Madu Hkristu Yesu hpe ngai chyeju dum shakawn nngai. Shi gaw ngai hpe ging dan ai wa re ai ngu nna sawn la nna shi hpe daw jau na matu san da hkrum ni ai majaw mung shi hpe chyeju dum shakawn nngai.

1 TIMOHTI 3:15

Rai ti mung lama wa ngai alawan n lu du sa wa ai rai yang hkrung nga ai Karai Kasang a hpung ngu ai dai teng man ai lam a npawt hkridun rai nga ai Karai Kasang a nta dinghku hta anhte kaning re ai arawn asam sat lawat hkan sa mai ai lam chye lu u ga, ndai laika hpe ka dat nngai.

HEBRE 2:17

Dai re ai majaw shi gaw, masha ni a yubak mara ni hpe raw dat kau ya lu na matu matsan dum chye ai kangka re ai hkinjawng agyi kaba tai ai hku nna Karai Kasang a magam bungli gun hpai lu u ga, lam shagu hta shi a kahpu kanau ni mu hkrum hkam sha nga ai lam ni hpe shanhte hte rau rum hkam sha nu ai.

1 SAMUELA 12:6

Samuela gaw, “Dai Madu gaw nanhte a kaji kawa ni hpe Egutu mung kaw nna woi shapraw wa ai Mawshe yan Arun hpe lata san tawn ai wa rai nga ai.