HEBRE 2:4 - Jinghpaw Common Language Bible 2009

⁴ Dai hta kaga Karai Kasang gaw shi nan lamik kumla ni, mauhpa amu amyu myu galaw dan ai hku nna mung, Chyoi Pra ai Wenyi hte seng ai chyeju kumhpa ni hpe shi a myit ai hku hte maren garan jaw ai hku nna mung, shanhte a sakse ni hta jat kahtap nna madun dan nga ai.

Jinghpaw Hanson Version Bible

⁴ Karai Kasang mung shi myit ra ai hte maren, lamik kumla, mauhpa amu, atsam rawng ai amu amyu myu hte mung, Chyoi pra ai Wenyi a karan jaw ai chyeju kumhpa hte mung, shanhte hte rau sakse dan ya ai.

HEBRE 2:4 ပူးပေါင်းရင်းမြစ်များ

Daniela 4:35

Shi gaw mungkan masha ni hpe hpa mi n re ai zawn yu nga ai; sumsing lamu na lamu kasa ni hte mungkan ga na masha ni gaw shi up hkang ai n pu hta taw nga ai. Kadai mung shi a sharawng awng ai hpe ninghkap lu ai n rai; shi galaw ai amu hpe kadai mung ga san n shapraw lu nga ai.

MARKU 16:20

Sape ni mung pru sa nna shara shagu hkaw tsun ma ai. Dai Madu mung, shanhte hte rau amu galaw nna shanhte hkaw tsun ai mungga teng man nga ai lam sakse madun na matu shanhte hpe, lamik kumla ni galaw lu na atsam jaw da mu ai.]

MARKU 6:14

Yesu a lam shiga shara shagu dan hkung chyam bra wa ai rai nna Herod hkawhkam gaw dai lam mahkra hpe na lu wu ai. Masha nkau mi gaw, Yesu hpe, “Hkalup Sara Yawhan si ai kaw na bai hkrung rawt wa ai wa re! Dai majaw she shi gaw lamik kumla ni hpe galaw lu nga ai,” nga nna tsun ma ai.

YAWHAN 15:26

Karai Kasang hte seng ai teng man ai lam hpe shadan dan ai dai Karum Ai Wa ngu ai Wenyi gaw Wa kaw na du sa na ra ai. Shi hpe nye Wa kaw na nanhte hpang de ngai shangun dat na we ai rai nna, shi gaw nye a lam sakse hkam ya na ra ai.

YAWHAN 4:48

Yesu gaw, “Nanhte gaw lamik kumla hte mauhpa amu ni n mu myit yang gaw, nanhte langai mi mung galoi mung kam na n rai myit dai,” ngu nna shi hpe tsun wu ai.

KASA 14:3

Kasa ni mung tsawmra na hkra dai yang e nga nna Madu a lam nden ja ai myit hte hkaw dan mu ai. Madu mung shanhte hkaw tsun ai Karai Kasang a chyeju hte seng ai mungga teng man nga ai lam sakse madun na matu shan hpe dai mauhpa amu hte lamik kumla ni madun lu ai atsam jaw mu ai.

KASA 4:10

nanhte nlang hte Israela amyu masha yawng chye ang myit dai, nanhte wudang hta jen sat kau nna Karai Kasang e jasi ni kaw na jahkrung sharawt la ai, Nazaret wa Yesu Hkristu a mying nsang hta ndai wa hkrak sha mai tsai mat nna nang kaw nanhte a man e tsap nga ai.

KASA 5:32

Anhte mung ndai lam ni a sakse rai nga ga ai; Shi a mungga madat mara ai ni hpe Karai Kasang jaw ya ai Chyoi Pra ai Wenyi mung, dai hte a sakse rai nga ai,” ngu mu ai.

EHPESU 1:5

Shi gaw shi a tsaw ra myit a majaw Hkristu a marang e anhte hpe shi a kasha ni ngu nna yin la na matu myit daw dan da nu ai. Dai gaw shi a ra sharawng ai hte shatawng shada ai lam rai nga lu ai.

EHPESU 1:9

Shi a hpaji byeng-ya hte mung, tau chye lu ai myit yawng hte mung, Karai Kasang gaw shi a shatawng da ai lam hpe galaw nu ai rai nna Hkristu a marang e shadik shatup na matu daw dan da sai, yaw shada da sai shi a makoi magap da ai galaw hkyen ai lam hpe shadan dan mani ai.

EHPESU 4:7

Anhte langai hte langai gaw Hkristu jaw ya ai laklai ai chyeju kumhpa hpe ren di nna hkam la ga ai.

HEBRE 6:4

Hpa majaw nga yang, dai makam masham kaw na htak mat wa sai ni hpe myit malai kalang mi bai lu shangun na lam kaning rai mai byin na kun? Shanhte gaw Karai Kasang a nhtoi hta kalang mi nga yu sai rai nna sumsing na chyeju kumhpa hpe chyim yu sai hte dai Chyoi Pra ai Wenyi hpe jawm hkam la yu sai ni rai ma ai.