HEBRE 2:2 - Jinghpaw Common Language Bible 2009

² Lamu kasa ni a n-gup hte anhte a ji wa ni hpe tsun da ai mungga gaw teng man ai tara rai nna, dai tara hpe n madat n mara tawt lai ai ni gaw tinang hte ging dan ai ari hkam la na ma ai lam teng yang gaw,

Jinghpaw Hanson Version Bible

² Kaning rai nme law, lamu kasa ni a n-gup hte tsun da ai ga gaw, agrin nga ai rai nna, shut hpyit tawt lai ai hte n madat n mara ai lam yawng hte gaw, dai hte ging ang ai ari hkrum lu ai rai yang gaw,

HEBRE 2:2 ပူးပေါင်းရင်းမြစ်များ

SHAKAWN KUNGDAWN 68:17

Dai Madu gaw hkying mun law la nna, n-gun rawng ai shi a hpyen leng ni hte Sina kaw nna chyoi pra ai shara de sa wa nga ai.

BU HKAWM 11:33

Shanhte sha na u preng shan alaw alam naw lu nga yang, dai Madu gaw dai amyu masha ni hpe pawt nna shanhte a ka-ang e ana zinli shabyin dat ya wu ai.

BU HKAWM 16:49

Kora a gumlau ai amu hta si lawm ai amyu masha ni yawng 14,700 hte rai nga ai.

BU HKAWM 21:6

Dai hpang dai Madu gaw amyu masha ni a lapran de atuk rawng ai lapu ni hpe shangun dat wu ai. Israela masha law law hte gaw achye hkrum ai hte si mat ma ai.

BU HKAWM 25:9

rai ti mung sat kau hkrum sai amyu masha ni gaw mun lahkawng e hkying mali rai nga masai.

KASA 7:53

Nanhte gaw lamu kasa ni a lata hku nna shalai jaw ya ai tara lu ai ni rai nga myit ti mung, dai hpe madat mara hkan sa myit dai n rai,” ngu nna Stehpan tsun wu ai.

GALATI 3:19

Dai rai yang gaw, jep ai Tara a yaw shada ai lam gaw hpa rai ta? jep ai Tara hpe Karai Kasang jat bang tawn da ya ai lam gaw shut hpyit yubak mara ni a masa lam hpe shapraw dan na matu rai nna dai gaw, ga ndat da ai Abraham a aru arat wa garai n du ai aten laman du hkra sha grin nga na matu rai nga ai. Karai Kasang gaw dai jep ai Tara hpe lamu kasa ni hku nna lapran e htinglet ya ai wa langai mi a lata hte jaw ya sai.

TARA JAHPRANG 17:12

Amu gun hpai ai hkinjawng wa hte tara agyi langai ngai a ga hpe dingsa sa n madat ai wa kadai mung sat kau ai hkrum na rai wu ai. Ndai hku nna Israela amyu hta na n hkru n shawp ai amu yeng seng kau lu na rai myit dai.

TARA JAHPRANG 17:2

“Nanhte nga ai mare langai ngai hta lasha nkau mi shing n rai numsha nkau mi gaw dai Madu hpe yubak galaw shut nna shi a ga shaka hpe jahten sharun kau na nga,

TARA JAHPRANG 17:5

dai wa hpe mare shinggan de woi shapraw la nna nlung hte si hkra kabai sat kau na rai myit dai.

TARA JAHPRANG 27:26

“ ‘Karai Kasang a tara hte sharin shaga ai ga ni yawng hpe n hkan shatup ai wa kadai mung Karai Kasang jaw ai dagam dala hkrum u ga law.’ “Shaloi, amyu masha ni yawng gaw, ‘Amen!,’ ngu nna htan na mara ai.

TARA JAHPRANG 32:2

Nye a sharin shaga ai ga gaw marang si ni zawn htu hkrat nna, ginding aga ntsa e numri zawn rai nga na ra ai. Nye a ga mung hpun bawng ni a ntsa e marang mahpawng zawn, tsit lali ai tsingdu ni a ntsa e marang shaya zawn htu bun na ra ai.

HEBRE 1:1

Moi prat hta Karai Kasang gaw anhte a ji wa ni hpe ga shaga ai lam law law lang, lai ladat amyu myu hku nna myihtoi ni a n-gup hte htawn tsun lai wa sai.

HEBRE 10:28

Mawshe a Tara hpe n madat n mara tawt lai ai wa kadai mung, sakse lahkawng masum a ga hte mara lu ai ngu nna daw dan hkrum ai rai yang, matsan n dum ai sha si ari jaw ai hkrum ma ai.

HEBRE 10:35

Dai re ai majaw nanhte a nden marai hpe hkum kau hkum tat myit, shing rai yang, nanhte shabrai kaba lu la na marin dai.

HEBRE 11:26

Shi gaw Meshia a matu jahpoi asawng hkrum ai gaw Egutu mungdan a sutgan yawng mayawng hta grau kaja reng nga ai ngu nna myit nawn wu ai, hpa majaw nga yang, shi gaw du na ra ai aten hta bai lu la na shagrau kumhpa hpe myit nga ai.

HEBRE 11:6

Makam masham n rawng yang kadai mung Karai Kasang hpe sharawng awng shangun lu ai n rai, hpa majaw nga yang, Karai Kasang kaw sit shang ai wa kadai mung, Karai Kasang nga nga ai hte shi hpe hkan tam ai ni hpe chyeju htang jaw nga ai, ngu ai hpe kam sham ai wa rai lu na rai nga ai.

HEBRE 12:25

Nanhte gaw, dai mungga tsun ai wa hpe n madat ya ai sha ningdang kau ai lam n byin u ga, sadi nga mu. Ndai ga ntsa e shadum shahprang ai wa a ga hpe na la na ningdang kau ai ni yubak ari hta na n lawt lu ma ai, Dai rai nna, anhte gaw, Sumsing lamu kaw nna tsun ai wa hpe shingdu kayin kau ga yang gaw yubak ari kaw na anhte lawt na lam grau n nga mali ai.

2 PETRU 1:19

Dai re ai majaw anhte gaw myihtoi ni htawn tsun ai shingran mungga hpe grau nna myit mu myit hkut lu saga ai. Nanhte dai mungga hpe atsawm sha madat mara nga mu; hpa majaw nga yang, dai gaw nanhte a myit masin ni hta htoi leng wa nna, nhtoi gintawng pru wa ai aten du hkra, nsin sin ai shara hta htoi tu nga ai pyengdin zawn rai nga ai.

YUDA 1:5

Karai Kasang gaw Israela amyu masha ni hpe Egutu mung kaw na kalang mi gara hku shaw la sai hpang shi hpe n kam n sham ai ni hpe jahten shabya kau sai lam nanhte chye nga myit ti mung, nanhte hpe ngai bai shadum mayu nngai.