HEBRE 13:3 - Jinghpaw Common Language Bible 2009

³ Nanhte gaw htawng rawng hkrum nga ai ni hte rau htawng rawng nga ai ni zawn shanhte hpe adum nga mu. Tinang ni nan nni nkri hkrum sha nga ai ni zawn, nni nkri hkrum sha nga ai ni hpe adum nga mu.

Jinghpaw Hanson Version Bible

³ Sharen rau hkrum ai ni zawn, bawng dung ai ni hpe mung; nanhte hkumhkrang hte naw rai nga myit dai majaw, nhtum nni hkrum ai ni hpe mung, adum nga mu.

HEBRE 13:3 ပူးပေါင်းရင်းမြစ်များ

NINGPAWT NINGHPANG 40:23

Rai ti mung, sabyi jau ai wa mahtang Yosep hpe galoi mung n myit dum ai sha shi a lam yawng hpe malap kau wu ai.

MAHTE 25:36

singgu krin rai jang, nanhte ngai hpe jahpun myit dai; machyi hkrum jang, nanhte ngai hpe gawn lajang myit dai; htawng rawng nga yang, nanhte ngai hpe kawan yu myit dai,’ ngu na mu ai.

MAHTE 25:43

Ngai manam tai hkawm yang, nanhte a nta ni hta ngai hpe n hkap hkalum la myit dai; singgu krin rai jang, nanhte ngai hpe n jahpun myit dai; ngai machyi hkrum ai hte htawng rawng nga yang, nanhte ngai hpe n gawn lajang myit dai,’ ngu na mu ai.

KASA 24:23

Bai Hpilik gaw Pawlu hpe sin langa hte di nna sin da na hte shi a jinghku jingyu ni hku nna Pawlu a ra kadawn ai lam ni hpe sa galaw daw ya lu na shanglawt ahkang loi li jaw da na lam hpyen latsa up ai du wa hpe hkang da wu ai.

KASA 27:3

Hpang shani e anhte Sidon mare de du ga ai, Yuli gaw Pawlu hpe matsan dum nna shi a jinghku ni kaw sa jahkrum na hte shi hta ra kadawn ai lam ni jaw ya, galaw da na ahkang jaw mu ai.

ROMA 12:15

Kabu gara re ai ni hte rau kabu gara nga mu, hkrap ngu hkrap ngoi re ai ni hte rau hkrap ngu hkrap ngoi nga mu.

1 KORINHTU 12:26

Shing rai daw shan langai mi nji nmu hkrum yang, daw shan kaga ni yawng mung, dai hte rau machyi hkrum ma ai. Daw shan langai mi shakawn shagrau ai hkrum yang, daw shan kaga ni yawng mung rau kabu gara nga ma ai.

EHPESU 4:1

Dai re ai majaw dai Madu hpe daw jau ai a majaw bawng dung ai wa ngai Pawlu gaw nanhte hpe shi shaga la ai kaw nna Karai Kasang e madat da ya sai sak hkrung lam madung hte maren, sak hkrung hkawm sa na matu ngai nanhte hpe shadut jahkat dat made ai.

KOLOSE 4:18

Ngai Pawlu nan nye a lata hte ndai shakram ai ga ni hpe ka dat nngai. Ngai htawng e bawng dung nga ai hpe nanhte hkum malap kau nga myit! Karai Kasang a chyeju gaw nanhte hte rau anga nga u ga law.

HEBRE 10:34

Nanhte gaw bawng dung ai ni hkrum ai nni nkri hpe hkap shalan shabran lawm myit dai; nanhte a arung arai ni hpe kashun kashe di la kau hkrum ai shaloi mung kabu gara ai hte asum hkam myit dai, hpa majaw nga yang, grau nna kaja reng ai dinggrin anga nga ai arung arai lama mi nanhte naw lu nga myit dai hpe nanhte chye nga myit dai.

HEBRE 11:37

Shanhte gaw nlung hte kabai sat ai, zingret hte ret dut sat ai, nhtu hte htau sat kau ai hkrum sha ma ai. Shanhte gaw matsan mayan rai nna zingri zingrat ai, nni nkri aroi arip re ai hkrum let sagu hpyi, bainam hpyi hpun nna htawt hkawm nga ma ai.

1 PETRU 3:8

Hpungdim hku nna tsun mayu ai gaw, nanhte yawng hte hta maren mara re ai myit masa hte myit hta hkam sha ai lam rawng nga lu na rai nna; shada da shinggyim nau na zawn tsaw ra ai hte shada da matsan dum nna shagrit shanem hkat nga mu.