HEBRE 11:3 - Jinghpaw Common Language Bible 2009

³ N mu lu ai arai ni kaw nna mu lu ai arai ni byin tai wa na matu Karai Kasang a mungga hte ndai nga yawng nga pra hpe hpan da sai lam anhte chye lu ai gaw dai makam masham a majaw rai nga ai.

Jinghpaw Hanson Version Bible

³ Nga yawng nga pra gaw Karai Kasang a mungga hte hpajang tawn da nga ai rai nna, mu lu ai arai ni gaw, dandawng nga ai arai ni hta na n byin wa ai hpe, kamsham ai hte anhte dum chye ga ai.

HEBRE 11:3 ပူးပေါင်းရင်းမြစ်များ

NINGPAWT NINGHPANG 1:1

Shawng ningpawt e, Karai Kasang gaw ninggawn tawa hpe hpan da yang,

SHAKAWN KUNGDAWN 33:6

Madu gaw shi a hkang da ai mungga hte sumsing lamu ni hpe hpan da nu ai; jan, shata hte shagan ni mung, shi tsun dat ai mungga hte byin wa sai.

SHAKAWN KUNGDAWN 33:9

Shi ga shaga dat ai shaloi, mungkan ga byin pru wa sai; shi a hkang da ai mungga a jaw e, arai yawng mayawng dan pru wa sai.

ESAIA 40:26

Sumsing lamu de mada yu mu! Nanhte mu ai shagan ni hpe kadai hpan da a ni? Hpyen luksuk hpe zawn lam woi ai wa gaw dai yang e kade nga nga ai hpe shi chye ai hte dai ni langai hte langai hpe amying shaga lu nga ai! Shi a daru magam n-gun gaw grai galu kaba nga ai- dai ni hta na langai mi gaw galoi mung yet lu na n rai.

YEREMIA 10:11

(Sumsing lamu hte ginding aga hpe n hpan da ai hpara sumla ni gaw shamyit kau ai hkrum na mara ai. Shanhte gaw ginding aga ntsa, gara shara hta rai tim, loi hkring mi pyi nga lu na ra ai n rai, ngu nna nang shanhte hpe sa tsun lu na rai ndai.)

YEREMIA 10:16

Yaku a Karai Kasang chyawm gaw shanhte hte n bung nga ai; shi gaw yawng mayawng hpe hpan da ai wa rai nna, Israela hpe shi a amyu masha majing shatai na matu lata la nu ai. Chyahtum Chyalai N-gun Rawng ai dai Madu gaw shi a mying nsang rai nga ai.

YAWHAN 1:3

Karai Kasang gaw dai Mungga hku nna arai yawng mayawng hpe hpan da nu ai. Hpan da ai arai yawng mayawng hta dai Mungga n lawm ai tai wa ai gaw langai mi mung n nga ai.

KASA 14:15

Hkau hte e, “Hpa rai dai galaw wa myit ta? An mung nanhte hte maren shinggyim masha yan sha arai ga ai! Ndai kaman lila amu ni hpe kau da nna, sumsing lamu hte ginding aga nammukdara hte dai hta rawng ai nga manga hpe hpan tawn da ai ahkrung nga ai Karai Kasang hpang de kayin wa myit ga, ngu nna she nanhte hpe dai Kabu Gara Shiga hkaw dan ai rai ga ai.

KASA 17:24

Mungkan ga hte dai hta nga ai yawng mayawng hpe hpan tawn da ai Karai Kasang gaw sumsing lamu hte ginding aga a Madu rai nga ai rai nna masha lata hte shachyaw ai nawku nta ni hta rawng nga ai n rai.

ROMA 4:17

Dai gaw, “Ngai nang hpe masha amyu law law a kawa shatai sade ai,” nga nna Chyum Laika hta tsun da ai hte maren rai nga ai. Dai rai nna Abraham kam sham ai Karai Kasang a man e dai ga sadi gaw mai kaja ai hte grin nga malit dai. Shi gaw Abraham kam sham ai Karai Kasang, si mat ai ni hpe jahkrung ya ai Karai Kasang, shawng de garai n byin yu ai arai ni byin tai paw pru wa hkra hkang da ai Karai Kasang, shi nan rai nga ai.

1 KORINHTU 2:7

Ngai hkaw tsun ai hpaji byeng-ya gaw masha amyu ni n mu n chye hkra makoi magap da ai Karai Kasang a sung htum ai hpaji byeng-ya a lam rai nga ai. Dai gaw ginding aga garai n lat kaw nna anhte hpung shingkang hkam la na matu Karai Kasang tawn da ai yaw shada ai lam rai nga ai.

1 TIMOHTI 4:5

Hpa majaw nga yang, Karai Kasang a mungga hte akyu hpyi ai ga gaw dai hpe shachyoi shapra ya nga ai rai nna Karai Kasang hkap la ging ai shahpa shabyin shatai ya nga ai.

HEBRE 1:2

Rai ti mung ndai hpang jahtum na nhtoi ladaw ni hta chyawm gaw shi a Kasha a n-gup hte anhte hpe shi a mungga jaw da mani ai. Dai Kasha wa hte nan nga yawng nga pra hpe hpan tawn da nu ai hte jahtum e mungkan yawng mayawng hpe up madu ai wa tai wa na shi hpe lata san da nu ai.

HEBRE 6:5

Bai nna shanhte gaw Karai Kasang a mungga gaw mai kaja nga ai hpe mung, htawm hpang prat hte seng ai hpung shingkang atsam hpe mung, tinang nan mu hkrum hkam sha nna chye sai ni rai ma ai.

2 PETRU 3:5

Karai Kasang gaw shawng npawt e sumsing lamu hte ginding aga hpe shi a hkang da ai ga hte hpan da sai hpe mung, ginding aga hpe hka kata kaw na hka hte shapraw da sai hpe mung,

SHINGRAN 4:11

“Anhte a Madu Karai Kasang e! Nga yawng nga pra hte hpe nang hpan tawn da nna, dai hte gaw na a myit ra ai hku sha grin nga ma ai hte asak hkrung nga ma ai. Dai majaw nang gaw, hpung shingkang arawng sadang hte, hpung dagu lu la na gingdan nga ndai law!,” nga nna tsun ma ai.