HEBRE 10:3 - Jinghpaw Common Language Bible 2009

³ Ya gaw shaning shagu nawng jau ai shagu hkungga ni gaw masha ni hpe shanhte a yubak mara ni a lam myit dum shangun na matu rai nga ai.

Jinghpaw Hanson Version Bible

³ Ya gaw, dai nawng ya ai lam hta, yubak hpe myit dum myit hprang na lam, shaning shagu a rawng nga ai;

HEBRE 10:3 ပူးပေါင်းရင်းမြစ်များ

1 HKAWHKAM 17:18

Shi gaw Elia hpe, “Karai Kasang a masha wa e, nang hpa majaw ndai zawn ngai hpe galaw kau n ta? Karai Kasang hpe nye a yubak shadum ya nhtawm nye a kasha hpe si mat shangun na matu ndai yang e nang du sa ai n rai ni?,” ngu nna san wu ai.

PRU MAT 30:10

Arun gaw laning mi hta kalang yubak mara a matu nawng jau ya ai yam nga asai hpe tawn hkungri a nrung mali hta chya nhtawm tawn hkungri jasan jaseng na rai wu ai. Ndai amu hpe shaning shagu prat mi hte prat mi galaw na rai nga ai. Dai tawn hkungri gaw tsep kawp chyoi pra mat nna, nye a matu ap nawng da na rai nga ai,” ngu nna tsun wu ai.

JAW JAU 16:34

Ndai tara ni gaw prat mi hte prat mi galaw nga na lam rai nga ai. Israela amyu masha ni shanhte tawt lai ai yubak mara yawng hpe jasan jaseng na matu laning mi hta kalang galaw na rai ma ai. Dai rai nna Mawshe gaw dai Madu hkang da ai hte maren galaw wu ai.

MAHTE 26:28

Ndai gaw yubak hpe raw dat kau myit ga, law law a matu ru kau ya ai, dai ga shaka hte seng ai, nye a asai rai nga li ai.

YAWHAN 2:17

Dai shaloi shi a sape ni gaw, “Na a nta hta manoi ai nye a n ja n hpra myit gaw, nye a kraw lawang kata e wan zawn hkru nga ai,” nga nna ka da ai ga hpe dum ma ai.

HEBRE 9:7

Rai ti mung sum kata maga na shara de chyawm gaw hkinjawng agyi kaba wa hkrai sha tinang nan a matu mung, masha ni a n dum n chye nna shut ai mara a matu mung, nawng ya ai asai lang let laning mi hta e lang mi sha, shang lu ai.