HEBRE 1:9 - Jinghpaw Common Language Bible 20099 Nang gaw ding hpring ai hpe tsaw ra nna, shut ai lam hpe n dawng nga ndai. Dai majaw na a Karai Kasang ngu ai, Karai Kasang gaw, nang hpe lata la nna, na a manang hpe jaw ai hta grau kaba ai kabu gara ngu ai namman jaw ya nna shagrau sha-a nit dai,” nga ai. အခန်းကိုကြည့်ပါ။Jinghpaw Hanson Version Bible9 Nang dinghpring ai tsaw nna, yubak hpe n dawng ndai; Dai majaw Karai Kasang gaw, na a Karai Kasang, Na a manang ni hta, kabu gara namman hte nang hpe grau nna chya ya nit dai.” အခန်းကိုကြည့်ပါ။ |
HEBRE 1:9
42 ပူးပေါင်းရင်းမြစ်များ
Tsaw Htum ai dai Madu gaw ngai hpe shi a Wenyi hte jahpring ya ni ai. Matsan mayan ni hpang de kabu gara shiga gun sa na matu mung, Myit daw mat sai ni hpe shamai shatsai ya na matu mung, Bawng dung ai ni hpe raw dat na matu mung, Htawng hta shareng da hkrum ai ni hpe shalawt dat na matu mung, Shi ngai hpe lata la nna shangun dat nu ai.
Ziun hta sharung shayawt nga ai ni hpe yawn madai na malai Kabu gara ai hte kabu pyaw ai lam, Yawn hkyen ai a malai mahkawn shakawn na lam jaw ya na matu shangun dat ni ai. Shanhte gaw dai Madu shi nan hkai da sai Hpun ni zawn tai na mara ai. Shanhte gaw ding man ai amu yawng mayawng hpe galaw na mara ai, Karai Kasang gaw shi galaw sai amu ni a majaw shakawn kungdawn ai hkrum na ra ai.
Yesu gaw, “Ngai e hkum hkra et, hpa majaw nga yang, ngai Wa hpang de garai n lung wa nngai. Rai ti mung ngai nau ni hpang de wa nna nye a Kawa ngu ai nanhte a Kawa, nye a Karai Kasang ngu ai nanhte a Karai Kasang hpang de ngai lung wa sana da, ngu nna shanhte hpe wa tsun dan su,” ngu nna shi hpe tsun dat wu ai.
Nazaret wa Yesu gaw Karai Kasang kaw na Chyoi Pra ai Wenyi hte n-gun atsam gara hku hkam la lu ai hpe mung nanhte chye nga myit dai. Karai Kasang gaw Yesu hte rau rai nga ai majaw shi gaw shara shagu kawan katsan hkawm nna masha ni hpe mai kaja ai amu galaw ya let, nat gumlau e zingri zingrat hkrum ai ni yawng mayawng hpe shamai shatsai ya nga ai.
Rai ti mung anhte mu lu ai wa gaw Karai Kasang a chyeju a majaw yawng mayawng a matu si hkam lu hkra aten ladaw chyahkring mi laman sha lamu kasa ni hta shagrit da hkrum ai Yesu Hkristu nan rai nga ai. Dai Madu chyawm gaw si hkrung si htan a nni nkri hkam la wu ai majaw, ya hpung shingkang hte arawng sadang janmau shagup da nga ai hpe anhte mu lu ga ai.
Dai rai nna Yesu gaw anhte hta byin nga ai ra kadawn ai lam ni hpe karum kapa ya ai, anhte a matu hkrak ai Hkinjawng Agyi Kaba wa rai nga ai. Shi gaw chyoi pra san seng nna shi hta shut ai lam shing n rai yubak mara hpa mung n rawng nga ai; shi gaw yubak lu ai ni hta n lawm ai sha ginhka la nna sumsing lamu du hkra shagrau shatsaw da hkrum ai wa rai nga ai.
Anhte gaw Madu Yesu Hkristu a Kawa Karai Kasang hpe shagrau sha-a nga ga; hpa majaw nga yang, shi a matsan dum ai myit kaba hte Yesu Hkristu hpe si mat ai kaw nna bai hkrung sharawt la ai a marang e shi anhte hpe asak sumdam ningnan bai jaw da mani ai rai nna anhte hta ahkrung nga ai myit mada shara jahpring shatsup ya mani ai.
ကြော်ငြာတွေ