HAGI 2:9 - Jinghpaw Common Language Bible 2009

⁹ Nawku Htingnu nnan gaw dingsa hta grau hkik hkam na ra ai. Ngai gaw nye a amyu masha ni hpe ngamu ngamai ai hte ngwi pyaw sim sa lam jaw na we ai.” Chyahtum Chyalai N-gun rawng ai dai Madu tsun nu ai.

Jinghpaw Hanson Version Bible

⁹ Ndai nta a hpang jahtum na hpung shingkang gaw, shawng na hta grau kaba na ra ai, nga nna Zaw nawng zaw wa up ai Yehowa tsun ai: ndai shara hta e ngwipyaw lam ngai tawn da na nngai, nga nna Zaw nawng zaw wa up ai Yehowa tsun ai.

HAGI 2:9 ပူးပေါင်းရင်းမြစ်များ

ESAIA 60:7

Kedara mung hte Nebaiot mung na sagu ni yawng Nang hpang de la sa nna shagu hkungga ni zawn Dai Madu awng sharawng na matu tawn hkungri ntsa hta nawng ya nga masai. Dai Madu gaw shi a Nawku Htingnu hpe shawng na hta grau nna hpung shingkang rawng shangun na ra ai.

ESAIA 66:12

Dai Madu gaw, “Ngai gaw nang hpe agrin nga ai ngamu ngamai lam jaw ya na nngai; masha amyu baw ni a sut gan gaw galoi mung n hkyet mat ai hka nu zawn nang hta lwi sa wa na ra ai. Nang gaw kanu e bau maka nna shi a lata hta pawn da nhtawm tsaw ra myit hte makrai chyai ai ma zawn tai na rin dai.

EZEKELA 43:5

Dai Madu a wenyi gaw ngai hpe pawn let, kata wang de woi wa yang, yu u, dai Madu a hpung shingkang hte hpring nga ai Nawku Htingnu hpe ngai mu nngai.

MIHKA 5:5

shi gaw ngwi pyaw sim sa ai hpe la sa wa na ra ai. Asuri masha ni anhte a mung de shang gasat nna anhte a makawp maga dap ni hpe jahten kau ma ai shaloi, anhte mung shanhte hpe gasat na matu n-gun atsam rawng htum ai ningbaw ni hpe dat dat na ga ai.

HAGI 1:8

Ya chyawm gaw kawng ni de lung nna hpunngau shaw wa marit. Nawku Htingnu bai gaw gap mu; dai hpang ngai mung awng sharawng wa nna ngai hpe nanhte nawku wa na marin dai.

HAGI 2:3

“Nanhte hta na marai langai ngai gaw Nawku Htingnu kade daram hkik hkam ai hpe naw myit dum ai ni nga nga a ni? Ya nanhte dai hpe gara hku mu mada nga myit ni? Dai gaw nanhte a matu hpa mung n re ai zawn rai nga ai.

ZEHKARIA 2:5

Dai Madu chyawm gaw dai mare hpe makawp maga na matu mare grup grup e shi nan wan bunghku tai nna, shi a hpung shingkang hte dai yang e shanu nga na nngai, nga nna ga sadi jaw da nu ai,” nga nna tsun dan wu ai.

LUKA 2:14

“Matsaw lahta tang e Karai Kasang gaw hpung shingkang rawng nga u ga; Ga ntsa e mung, shi sharawng awng ai masha ni hta, ngwi pyaw ai gaw anga nga nu ga law!” nga ma ai.

YAWHAN 1:14

Mungga gaw shinggyim hkum hkrang dagraw la nna, chyeju hte teng man ai hpring let anhte hta nga nga yu sai. Anhte gaw shi a hpung shingkang hpe mu lu sagaw ai. Dai hpung shingkang gaw Kawa Karai Kasang a Kasha shingtai ngu ai hpe shi hkam la lu ai lam rai nga ai.

YAWHAN 14:27

“Ngwi pyaw sim sa ai gaw ngai nanhte hpe tawn da ya ma sade ai; Nye a ngwi pyaw simsa ai nanhte hpe ngai jaw made ai, mungkan ga na ni jaw ai zawn ngai nanhte hpe jaw made ai n rai. Nanhte myit hkum ru myit, hkrit mung hkum hkrit myit.

KASA 10:36

Nga yawng nga pra a Madu rai nga ai Yesu Hkristu hku nna Israela amyu masha ni hpang de Karai Kasang ndau shana shagun jaw dat ai ngwi pyaw sim sa ai hte seng ai Kabu Gara Shiga hpe nanhte chye nga myit dai.

1 TIMOHTI 3:16

Anhte a nawku htung makam masham a sung htum ai lam gaw gade kaba la nga ai hpe kadai mung ningdang shara n nga ai gaw lawu de na hte maren rai nga ai. Shinggyim masha a hkum hkrang hte dan pru wa ai hte ding hpring ai wa rai nga ai lam dai Chyoi pra ai Wenyi e shadan dan sai, lamu kasa ni mung shi hpe mu lu manu ai. Shi a lam masha amyu yawng hpe htawn tsun dan manu ai. Mungkan masha ni shi hpe kam sham masai, shing rai shi gaw sumsing lamu de shalun la ai hkrum nu ai.

YAKU 2:1

Nye a hpu nau ni e, nanhte gaw hpung shingkang rawng ai Madu anhte a Madu Yesu Hkristu hpe kam sham ai ni re ai hte maren, masha ni hpe shinggan lam hku mu mada da ai hta hkan nna langai hte langai hpe shai ai hku galoi mung hkum kanawn mazum nga myit.