HAGI 2:5 - Jinghpaw Common Language Bible 2009

⁵ Nanhte Egutu mung na pru wa myit dai shaloi, ngai gaw nanhte hte galoi mung rau anga nga na nngai ngu ga sadi tawn da ni ai. Ngai gaw nanhte hte rau naw anga nga ai rai nna hkum hkrit nga myit.

Jinghpaw Hanson Version Bible

⁵ kaning rai nme law, Egutu mung na pru wa nna, nye a Wenyi nanhte hte rau shanu nga yang, ngai nanhte hte tawn da ai ga shaka hte maren, ngai nanhte hte rau rai nga nngai; hkum hkrit myit, nga nna Zaw nawng zaw wa up ai Yehowa tsun ai.

HAGI 2:5 ပူးပေါင်းရင်းမြစ်များ

2 HKAWHKAM LABAU 20:17

Nanhte gaw ndai majan hpe n gasat ra na myit dai; shara sha la nna ala nga mu; dai Madu gaw nanhte hpe awng padang jaw ai hpe mu lu na marin dai. Yuda mung hte Yerusalem mare e nga ai amyu masha ni e, hkum hkrit, hkum kanung nga myit, majan pa de pru sa wa mu; dai Madu gaw nanhte hte rau rai na ra ai,” ngu nna tsun wu ai.

NEHEMIA 9:20

Na a mai kaja ai lam hta, shanhte hpa galaw ang ai lam nang shanhte hpe tsun ndai; nang gaw shanhte hpe manna jaw sha nna, lu hka ntsin jaw ndai.

NEHEMIA 9:30

Nang gaw shanhte hpe laning hte laning hkam sharang ai hte shadum jahprang nga ndai. Nang gaw na a myihtoi ni ga shaga na matu wenyi n-gun jaw ya nga ndai, rai ti mung na a amyu masha ni madat ai n rai, dai rai nna nang gaw shanhte hpe kaga amyu ni a lata de ap kau nga ndai.

PRU MAT 19:4

“Ngai Madu nan Egutu masha ni hpe kaning di kau ai lam hte ngai gaw nanhte hpe galang gaw shi a hkalung ni hpe shi a singkaw ntsa hta hpai mat wa ai zawn kaning rai woi la ma sade ai gaw nanhte mu manit dai.

PRU MAT 19:6

ngai hta chyu sha ap nawng da ai amyu masha ni tai ai hte nanhte gaw hkinjawng ni zawn ngai hpe daw jau na rai myit dai.”

PRU MAT 24:3

Mawshe gaw yu sa nhtawm amyu masha ni yawng hpe dai Madu hkang da ai lam ni hte hkan sa na tara ni yawng hpe tsun shana wu ai; Amyu masha ni yawng gaw, “Dai Madu anhte hpe tsun matsun mahkra hpe anhte hkan galaw na ga ai,” ngu nna rau sha tsun ma ai.

PRU MAT 24:8

Dai hpang Mawshe gaw jarung ni hta rawng ai asai la nhtawm amyu masha ni a ntsa e lapri bun wu ai. Shi gaw, “Da ndai gaw hkang da mada yawng hpe shi jaw ai shaloi, dai Madu nanhte hpe galaw da ai ga shaka hpe dazik shakap ai asai rai nga ai,” ngu nna tsun wu ai.

PRU MAT 34:10

Dai Madu gaw Mawshe hpe, “Ya ngai Israela amyu masha ni hte ga shaka langai shagrin da na nngai. Ga ntsa ting na mungdan amyu mahkra hta galoi mung n galaw yu ai mauhpa amu kaba ni hpe shanhte a man e ngai galaw shapraw na we ai. Na a matu ngai galaw na amu gaw hkrit hpa amu rai nga ai majaw, Ngai Madu nan galaw lu ai amu kaba ni hpe amyu masha ni yawng mu lu na mara ai.

PRU MAT 34:8

Mawshe mung ga de du hkra tin tin gum dagup nhtawm nawku wu ai.

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

ESAIA 41:13

Ngai gaw dai Madu na a Karai Kasang rai nga nngai; Ngai gaw nang hpe n-gun jaw nna nang hpe, ‘Hkum hkrit et; ngai nang hpe karum na nngai,’ ngu nna tsun nngai.

ZEHKARIA 4:6

Dai lamu kasa gaw Madu kaw na pru ai ndai mungga Zerubabela hpe jaw ya na matu ngai hpe ning nga nna tsun ai: “Nang gaw hpyen dap n-gun hte mung n rai, na a n-gun atsam hte mung n rai; rai ti mung nye a wenyi hte sha awng dang lu na rai ndai.

ZEHKARIA 8:13

Yuda hte Israela amyu masha ni e! Lai sai aprat e, maigan masha ni langai hte langai ning ngu tsun let dagam lai wa masai: ‘Nanhte a ntsa e hkrat bun ai tsin-yam tsindam nan Yuda hte Israela a ntsa e mung hkrat bun u ga law! Rai ti mung, ngai nanhte hpe hkye hkrang la na nngai, shaloi dai maigan masha ni langai hte langai gaw, ‘Yuda hte Israela ntsa e jaw ai shaman chyeju nan nanhte hkam la lu myit ga law!,’ nga nna tsun na mara ai. Dai re ai majaw nden marai shaja mu; hkum hkrit nga myit.”

ZEHKARIA 8:15

Rai ti mung, ya chyawm gaw Yerusalem hte Yuda mung na amyu masha ni hpe shaman chyeju jaw ya na shatawng shada nga nngai majaw hkum hkrit nga myit.

MAHTE 28:5

Dai lamu kasa mahtang numsha yan hpe tsun mu ai gaw, “Nan hkum hkrit myit, wudang hta jen da sai Yesu hpe, nan tam nga myit dai hpe ngai chye nga nngai.

KASA 27:24

‘Pawlu e, hkum hkrit e! Hkawseng Kehta a man e nang tsap lu na rin dai; Karai Kasang gaw nang hpe matsan dum nga ai rai nna, nang hte rau ndai sanghpaw li hta jawn ai ni yawng a asak sum shangun na ra ai n rai,’ nga nna ngai hpe tsun sai.

YAWSHU 1:9

Ngai nang hpe hkang da sade ai hte maren, myit jahkut daw dan nna kam hpa nga na hpe adum nga u! Hkum hkrit et; myit hkum daw hkum hten et. Dai Madu na a Karai Kasang ngai gaw nang hkawm sa ai shara shagu hta nang hte rau rai nga nngai,” ngu nna tsun wu ai.

YAWSHU 8:1

Dai Madu gaw Yawshu hpe, “Nang hte rau hpyenla ni hpe woi nna Ai mare de lung wa su. Hkum hkrit nga et; myit hkum htum et. Ai hkawhkam hpe dang kau lu na awng padang ngai nang hpe jaw na de ai; shaloi shi a mung masha, mare hte lamu ga ni hpe mung nang madu lu na rai ndai.

SHINGRAN 1:17

Dai wa hpe ngai mu jang, shi a lagaw nhpang e si ai wa zawn ngai kadawng taw mat nngai. Shi gaw shi a hkra lata nye a ntsa e mara ya nna, “Hkum hkrit et! Ngai gaw ningshawng wa mung, jahtum wa mung rai nga nngai.

1 SAMUELA 12:20

Samuela gaw, “Hkum hkrit myit, ndai zawn re ai n hkru ai amu hpe nanhte galaw shut kau nga myit ti mung, dai Madu kaw na hkum yit mat myit; nanhte a myit masin mahkra hte shi hpe daw jau nga myit.