HAGI 2:22 - Jinghpaw Common Language Bible 2009

²² mungkan mungdan ni hpe agrawp jahten kau nna shanhte a daru magam n-gun hpe jahten kau ya na nngai. Ngai gaw shanhte a hpyen leng ni hte gau ai masha ni hpe yeng seng kau na we ai, gumra ni si htum mat na mara ai. Gumra jawn ai ni langai hte langai shada da sat hkat na mara ai.

Jinghpaw Hanson Version Bible

²² hkawhkam mungdan ni a tingnyang hpe, ngai gale galau kau na nngai: maigan amyu ni a hkawhkam mungdan ni a n-gun atsam hpe, ngai agrawp kau na nngai; hpyen leng ni hte dai hta jawn ai ni hpe, ngai gale galau di kau na nngai; gumra ni hte gumra jawn ai ni gaw, langai hte langai tinang a hpunau wa a nhtu hte kadawng hkrat na mara ai.

HAGI 2:22 ပူးပေါင်းရင်းမြစ်များ

2 HKAWHKAM LABAU 15:6

Karai Kasang gaw ru yak tsin-yam tsindam hte myit ru myit yak lam shanhte hpe shapraw dan wu ai majaw amyu baw ni gaw kaga amyu baw wa hpe, mare mi gaw kaga mare mi hpe dip gamyet hkat ma ai.

2 HKAWHKAM LABAU 20:22

Ya shanhte mahkawn mangoi hpang wa ma yang, dai Madu gaw shang gasat nga ai hpyen luksuk ni kata de kajawng kaja re ai gumle gumlau lam shabyin dat wu ai.

2 HKAWHKAM LABAU 20:23

Amon hte Moba masha ni gaw Edom hpyen luksuk hpe tsep kawp gasat shamyit kau ma ai; dai hpang shan shada da grai laja ai hku gasat ma ai.

SHAKAWN KUNGDAWN 46:9

Shi gaw mungkan ga na majan ni yawng hpe shazim kau nna; ndan ni hpe shi shadaw kau let, ri ni hpe jahten kau nhtawm, hpyen ninggang ni hpe wan hta nat kau nga ai.

SHAKAWN KUNGDAWN 76:6

Yaku a Karai Kasang e, nang shanhte hpe jahkrit shama dat ai shaloi; gumra ni hte dai hta jawn nang nga ai ni di hkrat si mat masai.

PRU MAT 14:17

Ngai gaw Egutu masha ni hpe masin shaja ya ai hte shanhte mung dai ni a hpang e hkan shang nang na mara ai; hkawhkam wa hte shi a hpyen luksuk ni, shi a gumra leng ni hte hpyen leng hkang ai ni a ntsa e nye a awng padang hpe shagrau sha-a hkam la na we ai.

PRU MAT 14:28

Dai hka gaw bai lwi wa nna Israela masha ni hpe hkan shachyut nang ai hpyen leng ni, hkang ai ni hte Egutu hpyen hpung ni yawng hpe ka-up kau nga ai rai nna shanhte hta na langai mi mung n lawt lu nga ai.

PRU MAT 15:19

Dai Israela amyu masha ni gaw panglai hta hkun hkraw ai ga ntsa hku hkawm sa wa ma ai. Rai ti mung, Egutu hpyen leng ni hte hpawn shanhte a gumra ni hte hkang ai ni, panglai de shang ma ai rai nna, dai Madu gaw hka hpe nhtang lwi shangun nhtawm shanhte hpe ka-up kau nga ai.

PRU MAT 15:4

“Shi gaw Egutu hpyen luksuk hte de a hpyen leng ni hpe panglai kata de kabai gumpye kau nu ai; de a kaja htum ai du salang ni mung Nawng Hkyeng hta lup mat masai.

ESAIA 19:2

Dai Madu gaw, “Ngai gaw Egutu mung kata hta dinghku majan shabyin dat nna, kahpu kanau shada da, htingbu htingbyen shada da hpe hpyen tai shangun na we ai. Shingjawng kashun mare ni hte shanhte shada da htim gasat wa nna, shingjawng kashun ai hkawhkam ni mung shanhte a magam tingnyang a matu malan da ting shakut wa na ra ai.

ESAIA 60:12

Rai ti mung nang hpe n daw jau ai masha amyu Baw ni gaw tsep kawp shamyit kau hkrum na mara ai.

ESAIA 9:19

Chyahtum Chyalai N-gun rawng ai dai Madu gaw pawt sindawng nga ai majaw, shi jaw ai ari gaw mungdan ting hkru mat wa ai wan zawn hkru nga nna, amyu masha ni hpe jahten kau nga ai, masha ni gaw shanhte a kahpu kanau ni hpe ngam da na n rai.

EZEKELA 21:27

Hten run, hten run! Rai sa, ngai gaw mare hpe jahten sharun kau na nngai. Rai ti mung, dai mare hpe jahten sharun kau na matu ngai lata san da ai wa garai n du dingsa, dai lam byin wa na ra ai n rai. Dai hpe shi a lata hta ngai ap ya na nngai.

EZEKELA 26:16

Panglai ntsa bu hkawm ai masha amyu baw ni a hkawhkam ni yawng gaw shanhte a tingnyang kaw nna yu mat na mara ai. Shanhte gaw palawng galu hte maka ka da ai palawng ni hpe raw kau nna hkrit gari ai hte ga e dung nga na mara ai. Shanhte gaw nang hta byin ai gam maka a majaw, nau hkrit mat nna gari ai pyi n hkring hkraw na mara ai.

EZEKELA 38:21

Ngai gaw dai zawn re ai ru yak tsin-yam tsindam yawng hte Goga hpe jahkrit na nngai. Tsaw Htum ai dai Madu ngai nan tsun ni ai. Shi a masha ni gaw shanhte a nhtu ni hte shada da kayin kahtam hkat na mara ai.

EZEKELA 39:20

Shanhte gaw nye a sha ku hta gumra ni, leng jawn ai ni, hpyenla ni, hte gasat masha ni hpe hkru kat hkra sha lu na mara ai. Tsaw Htum ai dai Madu ngai nan tsun ni ai.

Daniela 8:25

Shi hkalem chye nga ai majaw, shi a masu hkalem ai lam ni hta awng dang wa na ra ai. Shi hkum nan gumrawng gumtawng wa nna sadi jaw ai n nga ai sha masha law law hte hpe jahten kau na ra ai. Shi gaw yawng mayawng hta galu kaba htum ai Hkawhkam wa hpe pyi hkap daw na ra ai. Rai ti mung, shi chyawm gaw masha a n-gun atsam hpa mung n lang ra ai sha, jahten kau ai hkrum na ra ai.

AMO LAIKA (AMOS) 2:15

Ndan lang ai wa mung tsap lu na n rai, kagat chyang ai wa mung hprawng lawt lu na n rai; gumra jawn ai ni mung shanhte a asak a matu lawt lu na ma ai n rai.

MIHKA 5:10

Dai Madu gaw, “Dai aten hta, ngai gaw na a gumra ni hpe la kau ya nna, na a hpyen leng ni hpe jahten agrawp kau na we ai.

MIHKA 5:15

Nye a ja la ai masin kahtet ai a majaw, nye a ga n madat n mara nga sai masha amyu baw ni yawng a ntsa e ngai matai htang na we ai,” ngu nna tsun ai.

MIHKA 5:8

Naw ngam nga ai ni gaw masha amyu baw ni a ka-ang e nam mali shing n rai udat shara hkan lu sha tam gyam sha nga ai hkanghkyi zawn tai na ra ai. Shi gaw sagu ni a lapran de shang nna adaw achyen di gang amya je kau na ra ai; dai shara hta mawai la na matu myit mada shara nga na n rai.

MIHKA 5:9

Israela gaw shi a gumlau hpyen ni hpe awng dang kau na ra ai, shanhte yawng hpe jahten shaza kau na ra ai.

MIHKA 7:16

Masha amyu baw ni dai amu hpe mu wa nna shanhte a n-gun atsam yawng hpe dum na malai, dingbai dingna hkrum na mara ai. Shanhte gaw hkrit gari ai hte shanhte a n-gup magum nna shanhte a na ni pat mat na mara ai.

ZEHPANI 3:8

Dai Madu gaw, “Sha ala nga mu,” ngu nna tsun wu ai. Masha amyu baw ni hpe mara jaw na matu ngai rawt sa wa ai nhtoi du hkra ngai hpe ala nga mu; Masha amyu baw ni hte hkawhkam mungdan ni nye a masin kahtet ai hpe shanhte hkam sha lu na matu shanhte hpe zup hpawng shangun na nga, ngai shatawng shada da nngai. Nye a sindawng kahtet ai masin a majaw ginding aga ting jahten kau hkrum na ra ai.

ZEHKARIA 10:11

Shanhte panglai tsin-yam hku lai di ai shaloi, dai Madu ngai nan panglai hka leng ni hpe kayat na nngai; Nila hka a sung ai ai shara ni hkun hkraw mat na ra ai. Gumrawng gumtawng ai Asuri gaw shagrit kau ai hkrum nna, chyalai n-gun hte hpring ai Egutu mung n-gun daw mat na ra ai,

ZEHKARIA 10:5

Yuda amyu masha ni gaw shanhte a gumlau hpyen ni hpe nmaw lam ntsa na hkumpup kata de kabye bang kau dat ai hte hpyenla ni zawn awng padang hkam la lu na mara ai. Dai Madu gaw shanhte hte rau rai nga ai majaw, shanhte gasat nna gumlau hpyen gumra jawn ai ni hpe pyi dang kau na mara ai.

ZEHKARIA 12:9

Dai aten hta Yerusalem hpe gasat shakut mayu ai masha amyu baw shagu hpe ngai shamyit kau na nngai.

ZEHKARIA 14:3

Dai hpang, shi gaw lai sai aten ni hta majan gasat gala nga ai hte maren dai Madu pru sa nna masha amyu baw ni hpe gasat na mara ai.

ZEHKARIA 4:6

Dai lamu kasa gaw Madu kaw na pru ai ndai mungga Zerubabela hpe jaw ya na matu ngai hpe ning nga nna tsun ai: “Nang gaw hpyen dap n-gun hte mung n rai, na a n-gun atsam hte mung n rai; rai ti mung nye a wenyi hte sha awng dang lu na rai ndai.

ZEHKARIA 9:10

Dai Madu gaw, “Hpyen leng ni hpe Israela kaw na la kau nhtawm Yerusalem na gumra ni hpe seng kau na nngai; majan hta lang ai ndan ni hpe jahten kau na nngai. Nanhte a hkawhkam wa gaw masha amyu baw ni a lapran e ngwi pyaw sim sa shangun nna, shi gaw panglai kaw nna panglai du hkra, Uhprat hka nu kaw nna ginding aga a jahtum du hkra up na ra ai,” ngu nna tsun ai.

MAHTE 24:7

Masha amyu mi hte amyu mi, mung mi hte mung mi, shada da majan byin na mara ai.

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.

TARA AGYI 7:22

Gidon a masha ni pahtau dum dat ma ai shaloi, dai Madu gaw dai dap na hpyen laba nlang hte hpe shada da a lapran nhtu hte kahtam si shangun wu ai majaw Zarehtan shara na Bet Shita mare hte Tabat makau na Abela Mehola de du hkra hprawng htaw mat wa ma ai.

1 SAMUELA 14:16

Shawlu a masha ni gaw Benyamin a lamu ga na Gibea shara hta sin yu nga ma yang, Hpilisti masha ni dumbri dumbra, kashuk kashak rai hprawng kagat hkawm nga ma ai hpe mu ma ai.