HAGI 2:17 - Jinghpaw Common Language Bible 2009

¹⁷ Ngai gaw nanhte shakut nna hkai da ai hpa arai hpe rai tim jahten sharun kau na matu kahtet kang ai nbung hte sin marang ni hpe shangun dat ni ai. Rai ti mung, myit malai lu myit dai n rai.

Jinghpaw Hanson Version Bible

¹⁷ Ngai gaw nanhte galaw ai makan mahkra hpe, hkau pyi pyi ai, mam maru ru ai, sin hkrat ai tsin-yam hte shari timung, nanhte gaw ngai hpang de n kayin wa myit dai, nga nna Yehowa tsun ai.

HAGI 2:17 ပူးပေါင်းရင်းမြစ်များ

NINGPAWT NINGHPANG 42:23

Yosep gaw shanhte kaning nga tsun ai hpe chye na wu ti mung, shanhte dai lam hpe n chye mu ai; hpa majaw nga yang, shanhte mahtang shi hpe ga gale ai wa hte tsun tsun di wu ai majaw rai nga ai.

NINGPAWT NINGHPANG 42:27

Shanhte gaw shawng de lana mi but yu sai dabang sa ra hta langai wa mi gaw shi a lawze hpe lusha jaw na nga, shi a nhpye htingpa hpaw dat wu yang, dai nhpye htingpa mahka hta shi a gumhpraw ni hpe mu wu ai.

NINGPAWT NINGHPANG 42:6

Egutu mung a mungdu Yosep gaw mungkan shara shagu na du sa ai masha ni hpe nai mam ni dut ya nga wu ai. Yosep a kahpu ni du sa nhtawm shi man e ga du hkra dingnyawm dagup nga ma ai.

1 HKAWHKAM 8:37

“Dai mungdan hta hkuwa wa ai, ana zinli, kahtet kang ai nbung a majaw hten za mat ai nsi naisi, dinggam-yaw prang hkawm ai, na a amyu masha ni gumlau hpyen ni e htim gasat hkrum ai,

2 HKAWHKAM LABAU 28:22

Ahaza a ru yak ni gaw grai sawng wa ti mung dai masha Ahaza gaw shawng de na hta grau sawng hkra dai Madu hpe shut kau nga ai.

2 HKAWHKAM LABAU 6:28

“Dai mungdan hta hkuwa wa ai, ana zinli, kahtet kang ai nbung hte dinggam-yaw a majaw hten za mat ai nsi naisi, na a amyu masha gumlau hpyen ni e htim gasat hkrum ai, ana ahkya hte machyi makaw shanhte hta hkrum sha wa ai shaloi,

YOBA 36:13

Karai kata ni gaw masin apawt nga nna shanhte ari jaw hkrum yang pyi, karum la na matu akyu hpyi ma ai n rai.

SHAKAWN KUNGDAWN 128:2

Na a lata amu gaw na a ra kadawn nga ai lam ni hpe jahkum shatsup ya lu na ra ai; nang kabu gara wa lu ai hte ngamu ngamai wa na rin dai.

SHAKAWN KUNGDAWN 78:46

Shanhte a nsi naisi ni hpe sha kau ya na matu mung, shanhte a lagum hpun ni hpe hkyen hte mung, dinggam-yaw ni hpe mung shi shangun dat ya nu ai.

ESAIA 28:2

Dai Madu gaw shanhte hpe gasat na matu n-gun rawng nna daru magam rawng ai masha langai lu nga ai, dai wa gaw sin nbung laru, marang hka hpungtun hte hka hpungla kaba agre mat wa ai zawn mungdan hpe ka-up kau na ra ai.

ESAIA 37:27

Dai yang hkan nga ai masha ni gaw n-gun atsam kata rai ma ai; shanhte gaw hkrit gari ai hte sai kajawng nga ma ai. Shanhte yawng gaw pa layang hta tu ai tsingdu tsingman shing n rai nta ntsa e tu ai tsing hpe kahtet ai sinpraw nbung e dai ni hpe ahpawt kau ai zawn rai ma ai.

ESAIA 42:25

Dai rai nna, shi gaw shi a masin kahtet ai n-gun anhte hpe hkam sha shangun nna, kashun kashe du daw sai hkaw majan a nni nkri hpe hkrum sha shangun nga ai. Shi a masin kahtet ai gaw wan zawn Israela mung ting hta dinghkren hkru nga ai, rai ti mung hpa byin nga ai lam hpe anhte galoi mung n chye ga ai; anhte gaw shing re byin hkrum ai kata kaw na hpa mung n sharin la nga ga ai.

ESAIA 62:8

Dai Madu gaw dagam ga sadi tawn da nu ai, Shi a daru magam n-gun hte shi gaw dai hpe shadan jahkung na ra ai: “Na a nsi naisi gaw na a gumlau hpyen ni a matu galoi mung lusha tai sana n rai, Maigan masha ni galoi mung na a sabyi ntsin lu na mara ai n rai.

ESAIA 9:13

Chyahtum Chyalai N-gun rawng ai dai Madu gaw shanhte hpe ari jaw tim pyi, Israela amyu masha ni myit malai ma ai n rai, shanhte shi kaw nhtang wa ma ai n rai.

YEREMIA 3:24

Rai ti mung, kaya kahpa a karai, Bala hpe nawku ai gaw moi chyaloi nhkoi prat kaw nna anhte a kaji kawa ni galaw shakut da sai sut gan ngu ai dumsu uhpung, sagu bainam uhpung hte shayi shadang sha ni hpe jahtum kau ya nu ai.

YEREMIA 5:3

Dai Madu gaw kaja wa kangka ai hpe tam nga ai. Shi nang hpe kayat ti mung, nang hpa zawn n nawn nga ndai; shi nang hpe agrawp mani kau ti mung, sharin la na matu nang ningdang kau nga ndai. Nang gaw du ja nna na a yubak ni kaw na n kayin wa nga ndai.

AMO LAIKA (AMOS) 4:6

“Ngai gaw nanhte a mare shagu de hkuwa shabyin dat ai wa rai nga nngai, ti mung nanhte ngai hpang de nhtang wa myit dai n rai.

HAGI 1:11

Ngai gaw mungdan a kawng ntsa hkan e mung, hkai nmai hkai ai sun hkauna ni hta mung, sabyi sun ni hte tsanlun si sun ni hkan mung, ga ntsa tu ai nsi naisi hkum sumhpa hta mung, masha hte dusat ni hta mung, nanhte shakut sharang nna tu shangun ai nsi naisi ntsa e mung, jan gri na hkang dat ni ai.”

HAGI 1:6

Nanhte gaw law law gat hkai myit dai, rai ti mung kaji mi sha dan la lu myit dai. Nanhte gaw sha na lusha lu myit dai, rai ti mung hkru kat hkra sha lu ai n rai. Nanhte gaw lu na sabyi ntsin lu myit dai, rai ti mung nang hkra lu lu na myit dai n rai! Nanhte hpun palawng lu myit dai, rai ti mung nanhte lum hkra law ai n rai. Bungli galaw masha ni gaw tinang asak hkrung nga lu na matu law ai shang gumhpraw n lu tam ma ai.

HAGI 1:9

“Nanhte gaw law law lu dan la na re ngu, myit mada myit dai, rai ti mung kaji sha mi lu la ma ai. Nanhte gaw dai dan la lu ai hpe la mat wa myit dai shaloi, ngai gaw dai hpe kawut shapoi kau we ai. Nawku Htingnu hten run nga ai majaw nanhte gaw tinang dum nta hkan bungli law nga myit dai.

HAGI 2:16

nsi naisi dang hkun pru ai mam sumpum de sa myit yang, dang shi sha lu la nga myit dai. Nanhte gaw sabyi htumbyen de sabyi ntsin galan manga shi la na matu sa myit ti mung, galan hkun sha mu tam la nga myit dai.

MALAHKI 3:11

Ngai gaw nanhte a nsi naisi ni hpe shingtai ni hte jahten sharun kau shangun na n rai, nanhte a sabyi ru ni mung sabyi si ni hte sumbyau nga na ra ai.

TARA JAHPRANG 28:22

Dai Madu gaw nanhte hpe hpyi shan hta bum akawng nna machyi ai, kap chye ai ana ahkya hte nanhte hpe hkra shangun na ra ai; nanhte a nsi naisi ni hpe jahten kau ya ai jan gri ai hte kahtet kang ai nbung ni hpe shangun dat na ra ai. Dai tsin-yam tsindam ni gaw nanhte si htum mat ai aten du hkra nanhte kaw hkan nang na mara ai.

SHINGRAN 2:21

Ngai shi hpe yubak mara ni kaw na myit malai lu na aten jaw da rai ti mung, shi a hpye ai amu lam hta na myit malai n lu hkraw nga ai.