HAGI 2:15 - Jinghpaw Common Language Bible 2009

¹⁵ Dai Madu gaw, “Nanhte hta hpa byin nga sai hpe n mu myit ni? Nanhte ndai Nawku Htingnu garai n gaw gap hpang wa myit yang,

Jinghpaw Hanson Version Bible

¹⁵ Dai rai yang, myit yu mu; Yehowa nawku Htingnu hta, nlung langai mi gaw langai mi a ntsa e garai n mara ai shani kaw nna, dai ni du hkra, sawn yu mu:

HAGI 2:15 ပူးပေါင်းရင်းမြစ်များ

EZRA 3:10

Htingnu gaw gap masha ni Nawku Htingnu npawt nhpang jahkrat hpang wa ma ai shaloi, hkinjawng ni gaw shanhte a palawng galu hpun nna lata hta pahtau lang let shara la shajang ma ai; Asap amyu lakung na Lewi masha ni mung shup sheng lang let dai yang e tsap nga ma ai. Shanhte gaw Hkawhkam Dawi a prat kaw nna hkang da ai matsun madun ga ni hte maren, dai Madu hpe shakawn kungdawn ma ai.

EZRA 4:24

Persi Hkawseng Dari hkaw dung ai lahkawng ning du hkra Nawku Htingnu gaw gap ai amu hpe dai hku naw jahkring tawn da ma ai.

SHAKAWN KUNGDAWN 107:43

Hpaji rawng ai ni ndai amu ni a lam hpe myit sawn yu nga mu ga; shanhte gaw dai Madu a dinggrin tsaw ra myit hpe myit yu nga mu ga law.

ESAIA 5:12

Na a lusha poi ni hta dawraw tingse, dumbu, sumpyi, larung sumhkran, hte sabyi ntsin ni lawm nga ai. Rai ti mung nang gaw dai Madu hpa galaw nga ai hpe n chye nga ndai,

HOSEA 14:9

Ndai ka da sai laika hpe hpaji rawng nna chye na hkawn hkrang ai ni kadai mung dai hpe chye nna myit masin hta bang da lu mu ga. Dai Madu a lam ni gaw jaw nga ai rai nna, ding hpring ai masha ni dai hta hkan hkawm ma ai; rai ti mung yubak mara lu ai ni chyawm gaw dai ni hpe hpa n nawn nga ma ai majaw ahtu kataw nga ma ai.

HAGI 1:5

Nanhte hta hpa byin nga ai hpe mu mada nga myit ni?

HAGI 1:7

Hpa majaw ndai zawn byin mat sai hpe nanhte n mu myit ni?

HAGI 2:16

nsi naisi dang hkun pru ai mam sumpum de sa myit yang, dang shi sha lu la nga myit dai. Nanhte gaw sabyi htumbyen de sabyi ntsin galan manga shi la na matu sa myit ti mung, galan hkun sha mu tam la nga myit dai.

HAGI 2:18

Dai ni shata jahku a hkun mali ya shani gaw Nawku Htingnu a npawt nhpang jahkrat ai shani rai nga ai. Dai ni kaw nna hpa byin wa na lam yu mu.

ZEHKARIA 8:10

Dai aten a shawng e, kadai mung nchyang hkan tam lu na n rai; masha rai tim, dusat yam nga rai tim, tinang a gumlau hpyen ni a lata kaw na shim nga lu ai n rai, ngai mahtang amyu masha ni langai hte langai hpe hpyen shangun da we ai.

ZEHKARIA 8:11

Rai ti mung, ya chyawm gaw ndai naw ngam nga ai amyu baw hpe shawng na hte n bung ai hku ngai di na nngai.

ROMA 6:21

Dai aten hta nanhte hkan sa galaw ai amu ni gaw hpa akyu mi n shabyin ai hta n ga ya e nanhte dai ni a majaw kaya kahpa hkrum manit dai. Dai ni a jahtum ai gaw si mat ai rai nga ai.

1 KORINHTU 11:31

Anhte gaw tinang dai shawng gawn dinglik yu ga yang gaw, Karai Kasang a jeyang daw dan ai hkrum na ga ai n rai.