HAGI 1:6 - Jinghpaw Common Language Bible 2009

⁶ Nanhte gaw law law gat hkai myit dai, rai ti mung kaji mi sha dan la lu myit dai. Nanhte gaw sha na lusha lu myit dai, rai ti mung hkru kat hkra sha lu ai n rai. Nanhte gaw lu na sabyi ntsin lu myit dai, rai ti mung nang hkra lu lu na myit dai n rai! Nanhte hpun palawng lu myit dai, rai ti mung nanhte lum hkra law ai n rai. Bungli galaw masha ni gaw tinang asak hkrung nga lu na matu law ai shang gumhpraw n lu tam ma ai.

Jinghpaw Hanson Version Bible

⁶ Nanhte law law gat hkai timung, kaji sha shu la lu myit dai; sha timung, n hkru kat myit dai; lu timung, hkru lu ai, n rai; bu hpun timung, lum ai n rai; shabrai sha ai wa gaw, tinang a shabrai hpe, waw ai tingsan hta bang da wu ai.

HAGI 1:6 ပူးပေါင်းရင်းမြစ်များ

2 SAMUELA 21:1

Dawi up hkang nga ai laman, masum ning tup laja lana re ai hkuwa byin wa sai. Dai rai nna Dawi gaw dai hte seng nna dai Madu hpe san yu wu ai shaloi, dai Madu gaw, “Shawlu hte shi a dinghku masha ni masha sat ai amu shut kau ai mara lu nga ma ai. Shi gaw Gibeon masha ni hpe sat kau nu ai,” ngu nna tsun wu ai.

1 HKAWHKAM 17:12

Shi gaw, “Ngai muk hpa mung n lu nngai gaw, ahkrung nga ai dai Madu na a Karai Kasang hta ngai dagam lu nga nngai. Ban hta muk shadung latup mi hte yam e tsanlun sau kahte mi sha lu nngai; dai gaw ngai lu ai yawng rai sai. Nang e ju hpun loi mi hpe ngai sa hta nna dai hpe nta de la wa nhtawm nye kasha hte nye a matu ngai lu ai kachyi mi hte lajang shachyip na nngai. Dai gaw an nu a matu hpang jahtum ngu na lusha rai sai; dai hpang an gaw kyet si mat na saga ai,” ngu nna htan wu ai.

NEHEMIA 5:2

Nkau mi gaw, “Anhte gaw dinghku kaba lu shajang ga ai, anhte asak hkrung nga lu na matu nai mam ra nga ga ai law,” ngu nna tsun ma ai.

YOBA 20:22

Shanhte awng dang ai madang wa tsaw nga yang, Nchyi nmu re ai namnak yawng gaw shanhte hpe apyet kau na ra ai.

YOBA 20:28

Shanhte a sut gan yawng mayawng gaw Karai Kasang a pawt sindawng ai mawru hta jahten kau hkrum na mara ai.

SHAKAWN KUNGDAWN 107:34

Dai mungdan hta shanu nga ai ni a tara n lang ai lam a majaw, shi gaw ga sau hpring ai shara ni hpe jum ga shatai kau ya nu ai.

GA SHAGAWP 11:24

Masha nkau mi shanhte a gumhpraw hpe ndut ndang jai lang kau ti mung, grau sut su wa nga ma ai; nkau mi sadi sahka let jai lang ti mung, grau matsan jat wa nga ma ai.

ESAIA 5:10

Lamu ga eka manga hta tu nga ai sabyi ru ni hta na sabyi ntsin galan manga sha shup la lu na ra ai. Nli dang shi gaw nsi dang mi sha shu la lu na ra ai.

YEREMIA 12:13

Nye a amyu masha ni gaw hkaulan mam hkai ti mung, tsing sha dan la lu na mara ai; shanhte gaw bungli galaw shaja ma ai, rai ti mung bungli shabrai a matu kaman lila hkam la nga ma ai. Nye a masin kahtet ai a majaw, nsi naisi ni sum mat nga manu ai,” nga nna tsun ai.

YEREMIA 14:4

Dai shara hta marang n htu, lamu ga hkun hkraw mat ai majaw hkauna galaw ai ni myit yu machyi nga ma ai; shanhte a myi man ni hpe makoi da nga ma ai.

YEREMIA 44:18

Rai ti mung, anhte gaw Sumsing lamu a hkawhkam jan hpe shagu hkungga nawng jau ai hte sabyi hkungga ru jaw ai amu hpe hprai kau ai rai yang, anhte hta hpa akyu mung n hkam la lu na ga ai; anhte a amyu masha ni mung, hpyen majan hte kawsi hpang gara ai hta si htum mat na mara ai,” ngu nna tsun ma ai.

HOSEA 4:10

Nanhte gaw nanhte a matu hkungga hkambum hpe sha myit ti mung, naw kawsi kyet na myit dai. Nanhte gaw mayat maya karai ni hpe nawku myit ti mung, ngai kaw nna kayin mat wa nna karai shaje ni a hpang de hkan nga myit dai majaw kashu kasha lu na myit dai n rai.

HOSEA 8:7

Shanhte nbung gat hkai ai shaloi, nbung laru shu la na mara ai! Yi hkauna na n myin ai nsi naisi gaw galoi mung muk n lu shapraw ya nga ai. Dai hta rawng tim pyi, maigan masha ni sha kau na mara ai.

JAW JAU 26:20

Nanhte galaw shaja ai bungli yawng gaw kaman lila rai na ra ai, hpa majaw nga yang nanhte a lamu ga gaw nsi naisi n shakat ya ai hte hpun ni hta asi si jaw na ra ai n rai.

JAW JAU 26:26

Ngai gaw n nanhte hpe shadaw ai malu masha hpe dawm kau ya na nngai, shaloi numsha marai shi gaw wan mang langai hta sha shanhte a muk yawng kabaw ra na mara ai. Shanhte gaw dai hpe karan jaw na mara ai, nanhte gaw dai ni yawng sha kau ti mung, naw kawsi kyet na rai myit dai.

HAGI 1:10

Dai re ai majaw marang n htu ai hte hpa mung tu lu nga ai n rai.

HAGI 1:5

Nanhte hta hpa byin nga ai hpe mu mada nga myit ni?

HAGI 1:7

Hpa majaw ndai zawn byin mat sai hpe nanhte n mu myit ni?

HAGI 1:9

“Nanhte gaw law law lu dan la na re ngu, myit mada myit dai, rai ti mung kaji sha mi lu la ma ai. Nanhte gaw dai dan la lu ai hpe la mat wa myit dai shaloi, ngai gaw dai hpe kawut shapoi kau we ai. Nawku Htingnu hten run nga ai majaw nanhte gaw tinang dum nta hkan bungli law nga myit dai.

HAGI 2:16

nsi naisi dang hkun pru ai mam sumpum de sa myit yang, dang shi sha lu la nga myit dai. Nanhte gaw sabyi htumbyen de sabyi ntsin galan manga shi la na matu sa myit ti mung, galan hkun sha mu tam la nga myit dai.

HAGI 2:17

Ngai gaw nanhte shakut nna hkai da ai hpa arai hpe rai tim jahten sharun kau na matu kahtet kang ai nbung hte sin marang ni hpe shangun dat ni ai. Rai ti mung, myit malai lu myit dai n rai.

ZEHKARIA 5:4

Chyahtum Chyalai N-gun rawng ai dai Madu gaw ndai dagam dala ga hpe shapraw dat na lam tsun wu ai; dai gaw lagu ai masha shagu a nta de dagam let masu magaw ga tsun ai masha shagu a nta de shang na mara ai. Dai gaw shanhte a nta hta naw ngam nga nna shanhte hpe jahten sharun tawn na mara ai,” ngu nna tsun ai.

ZEHKARIA 8:10

Dai aten a shawng e, kadai mung nchyang hkan tam lu na n rai; masha rai tim, dusat yam nga rai tim, tinang a gumlau hpyen ni a lata kaw na shim nga lu ai n rai, ngai mahtang amyu masha ni langai hte langai hpe hpyen shangun da we ai.

MALAHKI 2:2

Nanhte galaw ai amu hte ngai hpe shagrau sha-a lu na rai myit dai. Nanhte gaw ngai tsun ai ga hpe n madat myit dai rai yang, nanhte hpe dagam dala hkrum shangun na nngai. Nanhte a matu ngu nna hkam la lu ai karum arai ni hta dagam dala tawn da na nngai. Nanhte gaw nye a hkang da ai ga hpe ahkyak n la ya myit dai majaw shanhte hpe teng teng dagam tawn da ya mase ai.

TARA JAHPRANG 28:17

“Dai Madu gaw hkainu nsi naisi hte dai ni hte galaw ai nanhte a malu masha hpe dagam kau na ra ai.