HAGI 1:13 - Jinghpaw Common Language Bible 2009

¹³ Dai hpang, Hagi gaw dai Madu a mungga hpe amyu masha ni a man e ning ngu hkang dat wu ai: “Ngai gaw nanhte hte rau nga nga na nngai; dai gaw nye a ga sadi rai nga li ai.”

Jinghpaw Hanson Version Bible

¹³ Dai rai nna Yehowa a kasa Hagi gaw, Yehowa tsun ai: Ngai nanhte hte rau rai nga nngai, ngu nna mung masha ni hpe Yehowa a mungga htawn tsun mu ai.

HAGI 1:13 ပူးပေါင်းရင်းမြစ်များ

1 HKAWHKAM LABAU 28:20

Hkawhkam Dawi gaw shi a kasha Shawlumon hpe, “Kam sham ai hte myit jahkut daw dan u. Bungli galaw hpang sanu; hpa mung nang hpe myit n daw shangun nga u ga. Ngai daw jau ai dai Madu Karai Kasang gaw nang hte rau rai nga na ra ai. Shi nang hpe kau da na ra ai n rai; shi a Nawku Htingnu galaw na amu shangut shakre lu ai aten du hkra, shi gaw nang hte rau rai nga na ra ai.

2 HKAWHKAM LABAU 15:2

shi gaw Hkawhkam Asa hpe sa hkrum na nga pru sa mat wa wu ai. Dai hpang shi gaw, “O Hkawhkam Asa hte Yuda hte Benyamin amyu masha ni yawng hte e, nye a ga madat mu! Nanhte shi hte rau nga nga dingsa, dai Madu mung nanhte hte rau nga nga ai. Nanhte shi hpe tam myit yang shi nanhte hpe mu shangun na ra ai; rai ti mung nanhte shi hpe kayin kau myit dai rai yang shi nanhte hpe kau da na ra ai.

2 HKAWHKAM LABAU 20:17

Nanhte gaw ndai majan hpe n gasat ra na myit dai; shara sha la nna ala nga mu; dai Madu gaw nanhte hpe awng padang jaw ai hpe mu lu na marin dai. Yuda mung hte Yerusalem mare e nga ai amyu masha ni e, hkum hkrit, hkum kanung nga myit, majan pa de pru sa wa mu; dai Madu gaw nanhte hte rau rai na ra ai,” ngu nna tsun wu ai.

2 HKAWHKAM LABAU 32:8

Shi gaw masha a daru magam n-gun lu wu ai; rai ti mung anhte chyawm gaw anhte hpe karum la nna anhte a majan ni hpe gasat ya na dai Madu anhte a Karai Kasang hpe lu ga ai,” ngu nna tsun wu ai. Shaloi amyu masha ni gaw shanhte a hkawhkam wa tsun ai ga ni a majaw myit n-gun lu la shajang nga ma ai.

SHAKAWN KUNGDAWN 46:11

Chyahtum Chyalai n-gun rawng ai dai Madu gaw anhte hte rau nga nga ai; Yaku a Karai Kasang gaw anhte a shingbyi shara rai nga ai law.

SHAKAWN KUNGDAWN 46:7

Dai Chyahtum Chyalai N-gun rawng ai Madu gaw anhte hte rau rai nga ai; Yaku a Karai Kasang gaw anhte a shingbyi shara rai nga ai.

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

ESAIA 42:19

Nye a shangun ma wa hta jan nna grau myi kyaw ai wa nga nga a ni? Ngai shangun dat ai dat kasa wa hta grau na lahpang ai wa nga nga a ni?

ESAIA 43:2

Sung ai hka hku nang rap wa ai shaloi, ngai nang hte rau rai nga na nngai; na a ru yak tsin-yam tsindam ni nang hpe ka-up kau na ra ai n rai. Nang gaw wan hku kabye lai wa ai shaloi, hkru na ndai n rai; dai laja lana re ai chyam dinglik ai gaw nang hpe machyi hkra na ra ai n rai.

ESAIA 44:26

Rai ti mung, nye a shangun ma wa myihtoi ga tsun ai mung, nye a yaw shada lam ni shadan dan na matu kasa langai shangun dat ai shaloi mung, ngai gaw ndai yaw shada lam ni hte myihtoi ga ni hpe teng sha byin shangun nngai. Amyu masha ni Yerusalem hta bai shanu nga na lam mung, shanhte gaw Yuda mung na mare ni hpe bai de da na lam ni hpe mung ngai tsun nngai. Ndai mare ni hten run mat sai kaw na rawt wa na mara ai.

YEREMIA 15:20

Ngai gaw nang hpe shanhte hte seng nga dingsa, ngang ai magri mang bunghku zawn shatai na we ai. Shanhte gaw nang hpe gasat na mara ai, rai ti mung shanhte gaw nang hpe dang na mara ai n rai. Nang hpe makawp maga la na hte shim nga lu na matu, ngai nang hte rau arai nga na nngai.

YEREMIA 20:11

Rai ti mung, Madu e, nang gaw n-gun ja ai hte n-gun chyalai rawng nga ndai rai nna ngai hpang maga de nga nga ndai, ngai hpe zingri zingrat ai ni sum mat na mara ai. Shanhte n dang lu nga ma ai majaw, htani htana kaya hkrum na mara ai. Shanhte a kaya hkrum ai lam gaw galoi mung malap kau lu na ra ai n rai.

YEREMIA 30:11

Ngai gaw nanhte kaw du sa nna hkye la na nngai. Ngai gaw nanhte hpe shabra kau dat ai shara na masha amyu baw ni yawng hpe shamyit kau na nngai, rai ti mung, ngai gaw nanhte hpe shamyit kau na nngai n rai. Ngai gaw nanhte hpe ari n jahkrum ai sha dat dat na n rai; rai ti mung ngai nanhte hpe ari jaw ai shaloi, matsan dum la na nngai. Dai Madu ngai nan tsun ni ai.”

EZEKELA 3:17

Shi gaw, “Si chye ai masha wa e, ngai nang hpe Israela amyu masha ni a matu sin langa shatai nngai. Dai re ai majaw, ngai nang hpe tsun dan ai shadum jahprang ga ni hpe shanhte hpang de htawn shalai ya lu na rai ndai.

HAGI 2:4

Rai ti mung, ya chyawm gaw nanhte myit n-gun hkum daw myit. Amu galaw mu, hpa majaw nga yang ngai gaw nanhte hte rau anga nga nngai.

MALAHKI 2:7

Karai Kasang a teng man ai machye machyang hpe sharin ya na gaw hkinjawng ni a lit rai nga ai. Nye a myit ra ai lam hpe sharin la na matu, masha gaw shanhte hpang de sa ang nga ma ai, hpa majaw nga yang, shanhte gaw Chyahtum Chyalai N-gun rawng ai dai Madu a kasa ni rai ma ai.

MALAHKI 3:1

Chyahtum Chyalai N-gun rawng ai dai Madu gaw, “Nye a matu lam lajang ya na kasa hpe ngai shangun dat na nngai. Dai hpang nanhte hkan tam nga ai Madu gaw shi a Nawku Htingnu de akajawng sha sa wa na ra ai. Nanhte mu mayu nna marit nga ai dai kasa wa gaw du sa nhtawm nye a ga shaka htawn tsun na ra ai,” ngu nna htan wu ai.

MAHTE 1:23

Shi gaw, “Yu u, dai hkawn sek gaw na-um nasin rai wa nna, shadang sha shangai na ra ai, shi a mying, Emanuela ngu shamying ya na maru ai,” nga ai. De a lachyum gaw, “Karai Kasang anhte hte rau rai nga ai!,” nga ai re.

MAHTE 18:20

Hpa majaw nga yang marai lahkawng masum nye a mying hpe gang nna zuphpawng nga ma yang gaw, dai yang shanhte a ka-ang e ngai mung lawm nga nngai,” ngu mu ai.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, lamu ga aprat htum hkra ngai nanhte hte rau dinggrin anga nga na nngai law,” ngu nna shanhte hpe matsun dat mu ai.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

2 KORINHTU 5:20

Dai rai nna anhte gaw Hkristu a lam htinglet ya ai kasa ni tai let, Karai Kasang shi nan anhte a n-gup aga hku nna nanhte hpe lajin nga ai. Nanhte gaw shi hpe hpyen ai ni tai nga ai kaw nna shi a jinghku ni tai wa mu ngu, Hkristu a malai anhte hpyi nem nga ga ai.

2 TIMOHTI 4:17

Rai ti mung Madu gaw ngai hte rau nga nna ngai hpe n-gun lagaw shaja ya nga ai majaw ngai gaw maigan amyu masha ni yawng na lu hkra dai Kabu Gara Shiga hpe hkum hkum tsup tsup hkaw dan lu u ga, sat kau na daw dan hkrum ai kaw na mawai la ai hkrum ni ai.

2 TIMOHTI 4:22

Dai Madu gaw na a wenyi hte rau anga nga u ga. Karai Kasang a chyeju gaw nanhte hte rau anga nga u ga law.

TARA AGYI 2:1

Dai Madu a lamu kasa gaw Gilgala kaw nna Bohkim de sa wa nhtawm, Israela amyu masha ni hpe, “Ngai gaw nanhte hpe Egutu mung kaw nna woi shapraw wa let, nanhte a kaji kawa ni hpe ga sadi jaw da ai mungdan de woi wa ni ai. Ngai gaw, ‘Nanhte hte tawn da ai ga shaka hpe galoi mung n jahten kau na we ai.