HAGI 1:11 - Jinghpaw Common Language Bible 2009

¹¹ Ngai gaw mungdan a kawng ntsa hkan e mung, hkai nmai hkai ai sun hkauna ni hta mung, sabyi sun ni hte tsanlun si sun ni hkan mung, ga ntsa tu ai nsi naisi hkum sumhpa hta mung, masha hte dusat ni hta mung, nanhte shakut sharang nna tu shangun ai nsi naisi ntsa e mung, jan gri na hkang dat ni ai.”

Jinghpaw Hanson Version Bible

¹¹ Dai hta n-ga ngai gaw, ga ntsa e mung, bum lang ntsa e mung, nai mam ntsa e mung, tsabyi ru ntsa e mung, sau hpun ntsa e mung, mam nhpan ntsa e mung, masha ntsa e mung, yamnga ntsa e mung, makan mahkra ntsa e mung, jan gri na hkang da nngai.

HAGI 1:11 ပူးပေါင်းရင်းမြစ်များ

1 HKAWHKAM 17:1

Gilead mung Tishbi mare kaw na Elia mying ai myihtoi langai mi gaw Hkawhkam Ahab hpe, “Dai Madu a mying ningsang hta mung, ngai daw jau nga ai dai ahkrung nga ai Israela a Karai Kasang hta mung ngai bai tsun ai aten du hkra, ndai lahkawng masum ning laman numri mung n hkrat, marang mung n htu na ra ai gaw ngai nang hpe tsun nga nngai,” ngu nna tsun wu ai.

2 HKAWHKAM 8:1

Ya Elisha gaw shi asak jahkrung ya yu sai ma kanu ngu na Shunem mare na numsha hpe ndai mung e dai Madu gaw sanit ning tup hkuwa wa shangun na rai nu ai majaw shi hte shi a dinghku masha ni hpe shara ra de sa shanu nga na matu tsun wu ai.

YOBA 34:29

Karai Kasang gaw hpa mung n galaw na hku daw dan ai rai yang, kadai mung shi hpe sharu lu ai n rai. Shi a myi man makoi kau ai rai yang, masha gaw karum la lam kata rai na wu ai.

YEREMIA 14:2

“Yuda mung gaw sharung shayawt nga nna de a mare ni gawng kya taw nga sai, de a amyu masha ni gaw yawn hkyen ai hte ga ntsa e kaleng taw nga ma ai, Yerusalem gaw karum la na matu hkrap shabam nga ai.

SHARUNG SHAYAWT 1:21

“Nye a madai sharung ai nsen ni hpe madat ya et; ngai hpe shalan shabran la na langai mi mung n nga nga ai. Nang gaw nye a ntsa e ru yak tsin-yam tsindam shapraw dat nit dai majaw, nye a gumlau hpyen ni kabu nga ma ai. Nang ga sadi tawn da ai nhtoi hpe shadu nna, ngai hkam sha ai zawn nye a gumlau hpyen ni hpe nni nkri hkam sha shangun u.

AMO LAIKA (AMOS) 5:8

Dai Madu gaw Kru Majan hte Nhtoi Gintawng shagan ni hpe hpan da nga sai. Shi gaw nsin hpe shani nhtoi, shani hpe shana kayin kau nga ai. Shi gaw panglai hka ni hpe shaga dat nna dai ni hpe ginding aga ntsa e ru dat nga ai. Shi a amying shingteng gaw dai Madu rai nga ai.

AMO LAIKA (AMOS) 7:4

Ngai gaw kaga shingran langai mung Tsaw Htum ai Madu kaw na lu la nngai. Dai shingran hta shi a amyu masha ni hpe wan hte ari jaw hkyen nga ai hpe mu nngai. Dai wan gaw mungkan ga a npu tsang hta nga ai nammukdara hka kaba hpe hkru kau nna mungkan ga a lamu ga hpe mung hkru magang shangun nga sai.

AMO LAIKA (AMOS) 9:6

Dai Madu gaw shi a nta hpe sumsing lamu ni hta gap da nna, ginding aga a ntsa e lamu madin tawn da nga ai. Shi gaw panglai hka ni hpe shaga dat nna dai ni hpe ginding aga ntsa de ru dat wu ai. Shi a mying shingteng gaw dai Madu rai nga a hka!

HAGI 2:17

Ngai gaw nanhte shakut nna hkai da ai hpa arai hpe rai tim jahten sharun kau na matu kahtet kang ai nbung hte sin marang ni hpe shangun dat ni ai. Rai ti mung, myit malai lu myit dai n rai.

HAGI 2:19

Nai mam rai ti mung, sabyi ru rai ti mung, lakum hpun ni, hkainu si hpun ni hte tsanlun hpun ni hpa mi n htuk shapraw ya ai rai ti mung, ya aten kaw nna ngai nanhte hpe shaman chyeju jaw ya na nngai,” ngu nna tsun ai.

MALAHKI 3:11

Ngai gaw nanhte a nsi naisi ni hpe shingtai ni hte jahten sharun kau shangun na n rai, nanhte a sabyi ru ni mung sabyi si ni hte sumbyau nga na ra ai.

MALAHKI 3:9

Amyu ting ngai hpe masu hkalem nga myit dai majaw nanhte yawng dagam dala hkrum nga myit dai.

TARA JAHPRANG 28:22

Dai Madu gaw nanhte hpe hpyi shan hta bum akawng nna machyi ai, kap chye ai ana ahkya hte nanhte hpe hkra shangun na ra ai; nanhte a nsi naisi ni hpe jahten kau ya ai jan gri ai hte kahtet kang ai nbung ni hpe shangun dat na ra ai. Dai tsin-yam tsindam ni gaw nanhte si htum mat ai aten du hkra nanhte kaw hkan nang na mara ai.