GALATI 6:9 - Jinghpaw Common Language Bible 2009

⁹ Dai rai nna kaja ai amu galaw na anhte n hki n sang nga ga; hpa majaw nga yang, anhte myit n yaw, myit n daw ga yang gaw, aten ladaw du jang anhte dan la na raga ai.

Jinghpaw Hanson Version Bible

⁹ Kaja ai amu galaw na, anhte n hki n sang nga ga: kaning rai nme law, anhte myit n yaw ga yang gaw, aten ladaw du jang, anhte dan la na ra ga ai.

GALATI 6:9 ပူးပေါင်းရင်းမြစ်များ

1 KORINHTU 15:58

Dai re ai majaw, ngai tsaw ngai ra ai hpu nau ni e, ngang ngang kang kang dinggrin dingyang tsap nga mu. Madu a bungli gun hpai ai lam gaw galoi mung kaman lila n rai nga ai hpe nanhte dum chye nga let, dai Madu a bungli hta tut nawng e tsam mari shakut sharang gun hpai nga mu law.

2 HTESALONI 3:13

Rai ti mung hpu nau ni e, nanhte mai kaja ai amu galaw na hkum hki ba dum nga myit.

HEBRE 12:3

Yubak mara lu ai ni e laja lana di nna n ju n dawng ai lam hpe dai Madu gaw gade daram hkam nu ai hpe nanhte myit tau yu mu. Dai rai nna nanhte hta myit daw myit hten asum jaw ai lam n nga shangun u ga.

1 PETRU 2:15

Hpa majaw nga yang, nanhte galaw ai mai kaja ai amu ni a marang e machye machyang n rawng ai angawk angak nga nna shaga ai masha ni a ga hpe nanhte shazim kau mu ga, Karai Kasang ra sharawng nga ai.

YAKU 5:7

Dai re ai majaw hpu nau ni e, dai Madu du sa ai du hkra hkam sharang nga mu. Yi sun hkauna galaw sha ai wa langai mi gaw shi a lamu ga kaw na hpu ging ai nsi naisi ni shapraw ya na ra ai hpe gara hku ala nga ai hpe yu yu mu! Shi gaw myit galu ai hte marang nhpaw hte marang shadoi htu ai ten du hkra ala nga ai.

1 PETRU 3:17

Hpa majaw nga yang, Karai Kasang a myit ra ai lam she rai yang gaw, mai kaja ai amu galaw ai a majaw nni nkri hkrum ai gaw n hkru n kaja ai lam galaw nna nni nkri hkrum ai hta grau kaja nga ai.

2 KORINHTU 4:16

Ndai lam ni a majaw anhte gaw galoi mung myit n hten, n-gun n yawm ga ai. Anhte a shinggan lam hku myi hte mu lu nga ai shinggyim hkrang gaw yat yat sha hten run mat wa nga ai, rai ti mung kata na wenyi hkrang gaw lani hte lani ningnan bai galai lajang ai hpe hkam la nga ga ai.

SHINGRAN 2:3

Nang hkam sharang lu nga ndai hte nye a mying nsang a matu mara tsin-yam tsindam hkam ai hte nang asum mung n jaw ndai.

1 PETRU 4:19

Dai rai nna shanhte a matu Karai Kasang a myit ra ai hku hte maren nni nkri hkrum ai ni gaw kaja ai amu bungli galaw nga let galoi mung sadi dung nga ai tinang a Hpan Da Madu hta awm dawm kam hpa nga mu ga.

LUKA 18:1

Dai hpang Yesu gaw, tut nawng akyu ahpyi nga mu ga hte myit n hten malu ga, sape ni hpe ga shadawn langai mi hte sharin shaga mu ai.

MAHTE 10:22

Nye a majaw masha shagu gaw nanhte hpe n dawng n wawm na mara ai. Rai ti mung, htum hkra shakut sharang ai wa gaw, hkye hkrang la ai hkrum na ra ai.

2 KORINHTU 4:1

Karai Kasang gaw shi a matsan dum ai myit a jaw e, anhte hpe ndai magam gun hpai na amu ap ya mani ai rai nna, anhte hta myit daw n-gun yawm ai lam n nga ai.

MAHTE 24:13

Rai ti mung jahtum du hkra shakut sharang ai wa gaw hkye hkrang la ai hkrum na ra ai.

SHINGRAN 2:7

“Wenyi gaw hpung ni hpe kaning nga tsun ai gaw, na tu ai wa na la u ga! “Awng padang lu ai wa hpe Karai Kasang a Sun e tu ai asak hpun a asi hpe sha lu na ahkang ngai jaw na we ai.

ROMA 2:7

Masha nkau mi gaw kaja ai amu galaw nga let, hpung shingkang hpe mung, arawng sadang hpe mung, n si n mat ai asak hkrung lam hpe mung tam nga ma ai; Dai ni hpe Karai Kasang htani htana asak jaw na ra ai.

TARA JAHPRANG 11:14

Nanhte hkan galaw myit yang gaw nanhte a matu nsi naisi, sabyi ntsin hte tsanlun sau re ai ni hpe shu la lu hkra mung, nanhte a yam nga hpung ni a matu tsingdu tsingman ni hpe mung mahpawng hpaw marang, hpang shadoi htu marang shi jahtu ya na ra ai.

SHINGRAN 2:17

“Wenyi gaw hpung ni hpe kaning nga tsun ai gaw, na tu ai wa gaw na la u ga! “Awng padang lu ai ni hpe, makoi da ai manna muk nkau mi hpe mung, shanhte langai hkrai hpe ahpraw n san ai lungdin hpe mung, ngai jaw na nngai. Dai lungdin hta ka da ai mying ningnan hpe chyawm gaw, lungdin lu la ai wa hta kaga kadai mung n chye ya lu ai.

SHAKAWN KUNGDAWN 145:15

Asak hkrung ai ni yawng hte gaw nang hpe myit mada let, mada yu nga ma ai rai nna, shanhte hta lusha shahpa kadawn wa ai shaloi, shanhte hpe nang lusha jaw ya nga ndai.

HEBRE 3:6

Hkristu chyawm gaw Karai Kasang a nta hpe up ai Kasha re ai hku nna kangka rai sadi dung nga ai. Anhte nden marai rawng nna tinang ni a kabu gara myit mada ai lam hpe jahtum du hkra myit mu myit hkut ai hte ngang ngang kang kang manoi nga ga yang gaw, Karai Kasang a nta masha ni rai nga ga ai.

ZEHPANI 3:16

Shanhte gaw Yerusalem hpe ning ngu tsun na aten aten du wa nga sai, “Ziun mare e, hkum hkrit nga et! Na a lata hkum shakya kau nga et!

HEBRE 3:14

Hpa majaw nga yang, Hkristan shawng nnan tai wa ai shaloi na zawn myit mu myit hkut ai makam masham hta jahtum du hkra ngang ngang manoi manat nga ga yang gaw, anhte yawng gaw Hkristu hte rau rum magam gunhpai ai ni rai ga ai.

EHPESU 3:13

Dai rai nna nanhte a matu mara ngai hkam ai tsin-yam tsindam a majaw nanhte myit n daw n hten myit ga, ngai hpyi nem nga nngai. Dai gaw nanhte a akyu a matu ngai hkam ai rai nga ai.

SHAKAWN KUNGDAWN 104:27

Dai ni yawng gaw ra ai aten hta lusha shahpa jaw ya na matu; nang Madu hpe shamyet shanat nga ma ai.

HEBRE 12:5

Chyum Laika hta Karai Kasang gaw, “Ngai sha e, dai Madu nang hpe sharai shading yang, madat mara u, shi nang hpe daru sharin yang, myit daw myit hten hkum rai et.

MALAHKI 1:13

Nanhte gaw, ‘Ndai lam yawng mayawng a majaw anhte kade sha hki ba saga a hka!,’ ngu nna tsun let ngai hpe ladi sharawt dan myit dai. Lagu la ai, shing n rai lagaw hten ai, shing n rai machyi ai dusat langai ngai nanhte la sa nna ngai hpe nawng ya myit yang, nanhte kaw na dai hpe ngai hkap la na re ngu, myit nawn da myit ni?

SHAKAWN KUNGDAWN 126:5

Shanhte a nsi naisi ni hpe myi prwi hte gat hkai ai ni gaw kabu gara ai hte bai shu la lu mu ga!

GA SHAGAWP 11:18

Tara n lang ai masha ni gaw teng teng hpa mung lu la nga ai n rai ti mung; teng man ai amu hpe, nang galaw nga ai rai yang chyawm gaw shagrau sha-a ai kumhpa hpe nang teng teng hkam la lu na rin dai.

HPAJI NINGLI 11:1

Na a gumhpraw hpe maigan hpaga ga ai amu hta arang bang u, nhtoi langai ngai hta nang amyat lu la na rin dai.

YEREMIA 45:3

nang gaw, ‘Ngai asum jaw ni ai! Dai Madu gaw nye a ru tsang ai hta yawn hkyen ai mung kahtap jaw ni ai, ngai gaw yawn madai ai hte hki ba nga nngai, ban sa la na lam hpa mung ngai n mu lu nngai!,’ nga nna tsun nga ndai.

2 KORINHTU 9:6

Nli loi sha mi gat ai wa gaw nsi naisi loi sha mi dan la lu na ra ai, nli law law gat ai wa gaw law law shu la lu na ra ai hpe nanhte myit dum sadi nga mu.

NINGPAWT NINGHPANG 29:7

Yaku mung, “Yu mu, jan naw rawng nga ai; sagu ni hpe jahpawng da na aten garai n du ai mi; nanhte hpa majaw dai ni hpe hka jaw nga myit ni? Dai ni hpe udat shara de naw gau sa wa mu,” ngu nna shanhte hpe tsun wu ai.

MAHTE 9:19

Shing rai Yesu rawt nna, shi a sape ni hte rau, dai wa kaw hkan nang ma ai.

MAHTE 25:17

Joi lahkawng lu ai wa mung dai hte maren ga nna joi lahkawng bai myat la nu ai.

MARKU 3:3

Yesu gaw dai masha hpe, “Shawa hpawng a man de sa pru tsap rit,” ngu nna tsun wu ai.