GALATI 5:6 - Jinghpaw Common Language Bible 2009

⁶ Kaning rai nme law, anhte gaw Hkristu Yesu hta e rai nga ga yang gaw, matu gadoi hkam ai n hkam ai ngu ai gaw hpa ahkyak n rai nga ai; ra ahkyak ai lam gaw tsaw ra myit dan dawng hkra amu galaw ai dai makam masham she rai nga ai.

Jinghpaw Hanson Version Bible

⁶ Kaning rai nme law, Hkristu hta e matu gadoi hkam ai lam rai timung, matu gadoi n hkam ai lam rai timung, hpa akyu n nga ai rai nna, tsawra myit hte shachyen ai makam masham hkrai sha, akyu rawng nga ai.

GALATI 5:6 ပူးပေါင်းရင်းမြစ်များ

GALATI 6:15

Marai langai ngai gaw matu gadoi hkam ai lam rai ti mung, n hkam ai lam rai ti mung ahkyak madung n rai; ningnan hpan da hkrum ai wa tai na she ahkyak madung rai nga ai.

1 KORINHTU 7:19

Masha langai mi matu gadoi hkam ai, n hkam ai ngu ai gaw hpa lachyum n pru nga ai. Karai Kasang a htet da ai lam hkan nang na chyu sha ahkyak madung rai nga ai.

1 HTESALONI 1:3

Hpa majaw nga yang, nanhte a makam masham hta ta tut gara hku hkan sa nga myit dai hpe mung, nanhte a tsaw ra ai myit a majaw gade daram amu galaw shakut shaja nga myit dai hpe mung, Madu Yesu Hkristu hta nanhte a myit mada ai lam gade ngang kang nga malit dai hpe mung, anhte a Wa Karai Kasang a man e anhte myit dum nga ga ai.

GALATI 3:28

Dai rai nna nanhte hta shada da ginhka ginrang na lam n nga sa; Yuda amyu masha ni hte Grik masha ngu na mi n nga, mayam hte shanglawt ngu na mi n nga, lasha hte numsha ngu na mi n nga, nanhte yawng mayawng hte gaw Hkristu hta e langai sha rai nga myit dai.

2 KORINHTU 5:14

Anhte hpe Hkristu a tsaw ra ai myit e up hkang da mi ai. Hpa majaw nga yang, marai langai mi masha yawng mayawng a matu mara si hkam sai hpe anhte myit mu myit hkut saga ai. Dai rai nna dai gaw shi a si hkam ai hta yawng mayawng si hkam lawm sai ngu ai lachyum rai nga ai.

1 PETRU 1:8

Nanhte gaw Yesu hpe n mu yu myit ti mung, shi hpe tsaw ra nga manit dai; shi hpe n mu yu myit ti mung, shi hpe kam sham nga manit dai. Dai rai nna nanhte gaw n-gup aga hte tsun n dang lu hkra re ai kabu gara ai lam kaba hte kabu gara nga lu manit dai.

KOLOSE 3:11

De a majaw, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, masha chyazai chyalam ni, mayam ni, shanglawt masha ni ngu nna shanhte a lapran e naw ginhka chyai nga na lam mi n nga sai. Hkristu gaw nanhte yawng mayawng a kraw lawang hta shanu nga ai rai nna Hkristu gaw yawng mayawng hta ahkyak dik ai wa mung rai nga ai.

HEBRE 11:8

Abraham gaw, Karai Kasang shi hpe jaw na ngu nna ga sadi jaw da ai mung de pru sa wa na matu makam masham gaw shi hpe madat mara shangun wu ai. Dai rai nna shi gaw gade sa wa nga ai hpe shi n chye ti mung, shi a mungdan kaw na pru hkawm mat wa ai.

1 KORINHTU 13:13

Ya chyawm gaw makam masham, myit mada ai hte tsaw ra ai myit ngu ai ndai hte masum nga ai, rai ti mung, dai hte hta grau kaba ai gaw tsaw ra ai myit rai nga ai.

GALATI 3:26

Hpa majaw nga yang, Hkristu Yesu hta e kam sham nga myit dai majaw, nanhte nlang hte gaw, Karai Kasang a kashu kasha ni rai nga myit dai.

EHPESU 6:23

Kawa Karai Kasang hte Madu Yesu Hkristu gaw Hkristan hpu nau ni yawng hpe ngwi pyaw ai, tsaw ra ai hte, makam masham jaw ya u ga law.

KOLOSE 1:4

Hpa majaw nga yang, nanhte gaw Hkristu Yesu hpe gade daram kam sham nga ai lam, Karai Kasang a masha nlang hte hpe gade daram tsaw ra nga myit dai lam, anhte na lu saga ai.

LUKA 7:5

Hpa majaw nga yang anhte amyu masha ni hpe shi tsaw ra ai hte anhte a matu tara jawng langai mi, shi nan gap ya mani ai,” nga nna akroi anoi shi hpe hpyi ma ai.