GALATI 5:4 - Jinghpaw Common Language Bible 2009

⁴ Jep ai Tara hpe shatup shadik ai hku nna Karai Kasang a man e ding hpring ai hpe lu la na shakut ai ni nanhte gaw Hkristu hte daw hka wa nna Karai Kasang a chyeju hta na hkrat mat wa manit dai.

Jinghpaw Hanson Version Bible

⁴ Jep ai tara hta dinghpring mayu ai ni, nanhte gaw Hkristu hte daw hka wa manit dai; nanhte chyeju hta na hkrat mat wa manit dai.

GALATI 5:4 ပူးပေါင်းရင်းမြစ်များ

ROMA 11:6

Shi lata la ai lam gaw, shanhte galaw ai magam bungli hta madung n dat ai sha, shi a chyeju lam hku nna she rai nga ai. Hpa majaw nga yang, Karai Kasang lata la ai lam gaw masha ni galaw ai magam bungli hta lama madung dat ai rai yang gaw, shi a chyeju gaw teng man ai chyeju n rai nga sai.

ROMA 3:20

Hpa majaw nga yang, dai jep ai Tara a hkang da ai lam ni hpe hkan shatup shadik ai hte kadai mung Karai Kasang a man e ding hpring wa lu ai n rai; Dai jep ai Tara e galaw ai amu gaw, masha gaw yubak mara galaw nu ai ngu ai hpe chye shangun na matu rai nga ai.

GALATI 2:21

Ngai gaw Karai Kasang a chyeju hpe ningdang kau na hkraw nngai n rai; hpa majaw nga yang masha gaw jep ai tara hte Karai Kasang a man e ding hpring wa lu ai rai yang gaw, Hkristu gaw kaman lila sha si hkam kau nu ai.

GALATI 5:2

Madat mu! Nanhte matu gadoi hkam myit yang gaw, Hkristu gaw nanhte a matu hpa akyu n nga ai, ngu nna ngai Pawlu nan nanhte hpe tsun dan made ai.

HEBRE 12:15

Karai Kasang a chyeju kaw na htak mat wa ai lam n byin u ga, makawp maga nga mu. Hka ai hpun ru gaw tu kaba wa nna shi a gung hte jam jau law law jaw lu ai zawn, nanhte kadai hta mung dai zawn n byin u ga, sadi nga mu.

HEBRE 4:1

Ya Karai Kasang gaw anhte hpe ngwi pyaw ban sa ai lam hkam la shangun na nga nna tsun da ai ga ndat jaw da mani ai. Dai ga ndat jaw da sai ngwi pyaw ban sa ai lam hpe nanhte hta na langai mi mung n lu la ai n nga myit ga, anhte sadi nga ga.

SHINGRAN 2:5

Dai rai nna nang gade daram di hkrat yu mat wa sai lam hpe myit yu u! Na a yubak mara ni kaw na kayin wa nna shawng de na zawn bai hkan sa galaw u. Na a yubak mara ni kaw na bai n kayin wa yang gaw, ngai nang kaw du nna na a pyengdin hpe de a shara na sit kau ya na de ai.