GALATI 5:1 - Jinghpaw Common Language Bible 2009

¹ Hkristu gaw anhte hpe mayam kaw nna shalawt dat mi ai rai nna, anhte mayam n rai saga ai. Dai re majaw shanglawt masha ni re ai hku nna tsap nga ga ai. Mayam a kandang npu e bai hkum ahkang nga masa.

Jinghpaw Hanson Version Bible

¹ Anhte shanglawt tai na matu, Hkristu gaw anhte hpe shalawt dat mi ai: dai re ai majaw agrin nga nna, dai mayam a kandang npu e bai hkum ahkang nga myit.

GALATI 5:1 ပူးပေါင်းရင်းမြစ်များ

SHAKAWN KUNGDAWN 51:12

Na a hkye hkrang la ai kaw na lu la ai kabu gara ai lam, ngai hpe bai jaw ya e; nang hpe madat mara mayu ai myit ngai hta bang ya e.

GA SHAGAWP 23:23

Teng man ai, hpaji byeng-ya sharin achyin ai hte chye chyang ai ni hpe manu jahpu jaw nna mari la ging nga ai rai tim, dai gaw manu nau dan ai majaw dut kau na lahpawt lama kaba rai nga ai.

ESAIA 61:1

Tsaw Htum ai dai Madu gaw ngai hpe shi a Wenyi hte jahpring ya ni ai. Matsan mayan ni hpang de kabu gara shiga gun sa na matu mung, Myit daw mat sai ni hpe shamai shatsai ya na matu mung, Bawng dung ai ni hpe raw dat na matu mung, Htawng hta shareng da hkrum ai ni hpe shalawt dat na matu mung, Shi ngai hpe lata la nna shangun dat nu ai.

MAHTE 23:4

Shanhte gaw li la ai hte hpai yak ai lit hpe masha shingma hta gyit shakap mara da nhtawm, shanhte gaw tinang a yunghkyi hte sha pyi n kam mala sharawt karum mayu ma ai.

LUKA 5:38

Sabyi nnan hpe sabyi ndum nnan hta bang da na rai nga ai.

KASA 15:10

Dai rai yang, ji wa ni e mung n hpai dang anhte mung n dang ai lit hpe sape ni a lahpa hta shagun ga nga nna ya nanhte hpa rai Karai Kasang hpe chyam yu mayu nga myit ta?

ROMA 6:14

Hpa majaw nga yang nanhte gaw jep ai Tara n pu e n rai, Karai Kasang a chyeju n pu e rai nga myit dai majaw, yubak mara gaw nanhte a ntsa e up madu lu na n rai.

ROMA 6:18

Nanhte gaw yubak kaw na shalawt dat ai hkrum manit dai majaw ding hpring ai a mayam ni nanhte tai wa manit dai.

ROMA 7:3

Dai re ai majaw madu wa garai n si yang la kaga kaw wa a yang gaw, la shaw ai num langai mi re ngu na rai nga ai; rai ti mung madu wa si mat sayang chyawm gaw, tara hta na lawt sai rai nna la kaga hte hkungran ti mung la shaw ai amu tawt lai nu ai n rai.

ROMA 7:6

Ya chyawm gaw, anhte hpe sharen da ai jep ai Tara hte si hka mat saga ai majaw dai jep ai Tara hta na anhte lawt lu saga ai. Dai rai nna ka da ai tara dingsa hku n hkan ai sha, Wenyi lam ningnan hku sha Karai Kasang hpe daw jau nga ga ai.

ROMA 8:15

Hpa majaw nga yang Karai Kasang nanhte hpe jaw ya ai Wenyi gaw nanhte hpe mayam shatai myit dai n rai, hkrit myit mung rawng shangun myit dai n rai, shing rai na malai dai Wenyi gaw nanhte hpe Karai Kasang a kashu kasha tai shangun manit dai hta n ga, dai Wenyi a n-gun atsam hte shi hpe Wa e! Nye a Wa e! ngu nna nanhte gang shaga lu na ahkang lu nga ai.

ROMA 8:2

Hpa majaw nga yang Hkristu Yesu hte rau langai sha tai shangun ai asak jahkrung ya ai Wenyi hte seng ai tara gaw yubak a tara hta na mung si mat ai tara hta na mung ngai hpe shalawt dat ni ai.

1 KORINHTU 15:58

Dai re ai majaw, ngai tsaw ngai ra ai hpu nau ni e, ngang ngang kang kang dinggrin dingyang tsap nga mu. Madu a bungli gun hpai ai lam gaw galoi mung kaman lila n rai nga ai hpe nanhte dum chye nga let, dai Madu a bungli hta tut nawng e tsam mari shakut sharang gun hpai nga mu law.

1 KORINHTU 16:13

A maja nga mu, dai makam masham hta ngang ngang kang kang tsap nga mu, nden marai rawng nga mu, n-gun lapyin ja nga mu.

1 KORINHTU 7:22

Hpa majaw nga yang, mayam rai nga yang dai Madu e shaga la hkrum ai wa gaw, Madu a shanglawt masha rai nga ai; dai hte maren, shanglawt masha langai mi rai nna Madu e shaga lata la hkrum ai wa gaw, Hkristu a mayam rai nga ai.

2 KORINHTU 11:20

Nanhte gaw, nanhte hpe reng sha ai ni, nanhte a ntsa e ahkaw ahkang la ai ni, nanhte hpe mahkam hte rim la ai ni, nanhte hpe yu kaji ai ni, nanhte a myi man kahpret ya ai ni kadai hpe mung nanhte hkam mana nga myit dai.

2 KORINHTU 3:17

Ya “Madu” ngu ai gaw dai Wenyi hpe ngu ai rai nga ai. Madu a Wenyi shanu ai shara hta shanglawt ahkang mung nga nga ai.

GALATI 2:4

Dai masha ni gaw anhte Hkristu Yesu hte langai sha tai nna asak hkrung ai a marang e anhte lu la ai shanglawt ahkang hpe kin-yu yu na matu Hkristan hpu nau ni tai masu let anhte a hpawng de mayun shang wa ai ni rai ma ai. Shanhte gaw anhte hpe mayam shatai mayu da mi ai.

GALATI 3:25

Rai ti mung, dai makam masham ya du sai majaw sharin sara a npu e anhte naw rai nga ga ai n rai.

GALATI 4:26

Rai ti mung, kaga num wa gaw sumsing lamu na Yerusalem a shadawn sumla rai nga ai. Shi chyawm gaw shanglawt lu ai jan rai nna anhte a kanu mung rai nga mali ai.

GALATI 4:31

Dai rai nna hpu nau ni e, anhte gaw mayam num a kasha ni n rai; mayam num n re ai jan a kashu kasha ni rai nga ga ai.

GALATI 4:9

Ya chyawm gaw nanhte Karai Kasang hpe chye wa manit dai hta n-ga, Karai Kasang mung nanhte hpe chye nga sayang me, n-gun kya ai hte matsan mayan re ai nat minla ni a hpang de nanhte hpa rai nhtang mat wa mayu myit ta?

GALATI 5:13

Nanhte chyawm gaw hpu nau ni e, shanglawt ahkang lu la myit ga, nanhte hpe shaga la ai hkrum manit dai, rai ti mung dai shanglawt ahkang hpe jahpai nna hkum shan a ra marit ai lam tam na matu ginshan hkum shatai mu; shing rai na malai, nanhte gaw tsaw ra myit hte shada da daw jau hkat nga mu.

EHPESU 6:14

Dai rai nna nanhte a nshang hpe teng man ai hte shingkyit zawn kyit da nna, ding hpring ai hpe sinda magap zawn dagap nhtawm,

HPILIPI 1:27

Ya e nanhte a matu grau nna ra ahkyak dik ai lam gaw Hkristu a kabu gara shiga e hkan sa shangun ai hte maren asak hkrung nga pra na lam rai nga ai. Shing rai jang ngai nanhte hpang de sa du ai rai ti mung, n du lu ai rai ti mung, Wenyi e yaw shada ai lam langai sha hte nanhte lahpran tsap nga nna, myit ra sharawng ai lam langai sha hte dai kabu gara shiga a makam masham lam ngang grin galu kaba wa na matu rau sha majan jawm gasat nga ai lam hpe ngai na lu na nngai.

1 HTESALONI 3:8

Hpa majaw nga yang, nanhte Madu Yesu hta langai sha tai nna asak hkrung ai lam hta ngang ngang kang kang tsap nga ai majaw myit dik ai hku hkrung nga lu saga ai.

2 HTESALONI 2:15

Dai re ai majaw, Hpu nau ni e, anhte a hkaw tsun ai mungga hku nna mung, shagun dat ai laika hku nna mung, nanhte hpe anhte sharin ya sai dai teng man ai lam ni hta ngang ngang kang kang lahpran tsap nna magra noi nga mu.

HEBRE 10:23

Anhte yin la kam sham ai makam masham a myit mada ai lam hta n shamu n shamawt hkra anhte maju jung nga ga; hpa majaw nga yang, Karai Kasang gaw shi tawn da ai ga sadi hta kangka re ai wa rai nga ai hpe anhte kam hpa lu ga ai.

HEBRE 3:14

Hpa majaw nga yang, Hkristan shawng nnan tai wa ai shaloi na zawn myit mu myit hkut ai makam masham hta jahtum du hkra ngang ngang manoi manat nga ga yang gaw, anhte yawng gaw Hkristu hte rau rum magam gunhpai ai ni rai ga ai.

HEBRE 3:6

Hkristu chyawm gaw Karai Kasang a nta hpe up ai Kasha re ai hku nna kangka rai sadi dung nga ai. Anhte nden marai rawng nna tinang ni a kabu gara myit mada ai lam hpe jahtum du hkra myit mu myit hkut ai hte ngang ngang kang kang manoi nga ga yang gaw, Karai Kasang a nta masha ni rai nga ga ai.

HEBRE 4:14

Dai rai nna anhte yin la kam sham nga ai nawku htung makam masham hta maju jung nga ga, hpa majaw nga yang, Karai Kasang a man de hkrang shang wa sai Karai Kasang a Kasha Yesu ngu ai Hkinjawng Agyi Kaba langai mi hpe anhte lu nga ga ai.

1 PETRU 2:16

Nanhte gaw shanglawt lu ai masha re ai hku nga mu; rai ti mung n hkru n kaja ai lam hpe magap shinggang kau na matu nanhte a shang lawt ahkang hpe hkum jai lang myit, Nanhte gaw Karai Kasang a mayam ni zawn rai nna nga mu.

2 PETRU 2:19

Shanhte gaw shanhte nan hten bya ai arawn alai ni a mayam rai nga da nna kaga masha ni hpe shalawt dat ai ga sadi jaw ma ai. Hpa majaw nga yang, masha gaw tinang hpe dang ka up kau ai arai nga manga a mayam rai nga ai.

YUDA 1:3

Nye a tsaw ra ai ni e, anhte yawng jawm kam sham hkap la da sai hkye hkrang la ai lam nanhte hpang de ka dat na ngai grai shakut shaja nga nngai shaloi e, Karai Kasang gaw shi a masha ni hpe prat dingsa a matu lang mi hte sha ap ya da sai makam masham a matu matut nna dakring dalang gasat gala makawp maga sa wa na lam nanhte hpang de kalang ta laika ka nna n-gun jaw shadum shahprang na ra nga ai hpe ngai mu hkrup nngai.

SHINGRAN 2:25

Rai ti mung nanhte lu ai made hpe, ngai du ai du hkra ngang ngang kang kang manat da mu.

SHINGRAN 3:3

Dai re ai majaw, nang hpa baw sharin hkam la lu sai hte, na la lu ai lam hpe bai dum u; dai hpe madat mara nna, na a yubak mara ni kaw na myit malai kayin wa u. Nang n maja nga taw gaw, lagu lagut zawn ngai nang kaw du na ring ngai; gara aten e ngai nang kaw du sa na ra ai hpe pyi nang n chye na ndai.