GALATI 4:9 - Jinghpaw Common Language Bible 2009

⁹ Ya chyawm gaw nanhte Karai Kasang hpe chye wa manit dai hta n-ga, Karai Kasang mung nanhte hpe chye nga sayang me, n-gun kya ai hte matsan mayan re ai nat minla ni a hpang de nanhte hpa rai nhtang mat wa mayu myit ta?

Jinghpaw Hanson Version Bible

⁹ Ya chyawm nanhte gaw Karai Kasang hpe chye nga ai hta n-ga, Karai Kasang gaw nanhte hpe chye sayang me, n-gun kya ai hte matsan mayan re ai hkang ai tara hpang de, nanhte hpa rai bai nhtang nna, de a mayam bai tai mayu nga myit hka?

GALATI 4:9 ပူးပေါင်းရင်းမြစ်များ

1 HKAWHKAM 8:43

shi a akyu hpyi ga hpe madat ya u. Sumsing lamu na nang nga ai shara hta, shi a ga hpe madat ya nna, galaw na matu nang hpe hpyi tsun ai lam hpe galaw ya u, shaloi mungkan ting na masha amyu ni yawng gaw na a amyu masha Israela ni galaw ai zawn nang hpe chye chyap wa nna na a ga hpe madat mara hkan sa na mara ai. Dai shaloi shanhte gaw nang hpe nawku na matu ngai galaw da sai ndai Nawku Htingnu rai nga ai hpe chye lu na mara ai.

1 HKAWHKAM LABAU 28:9

Shi gaw Shawlumon hpe, “Ngai sha e, na nwa a Karai Kasang hta yin la nna labra ai myit n rawng ai sha, awng sharawng ai myit masin hte shi hpe daw jau na ngai nang hpe tsun shadut nngai. Anhte a myit mang ai lam hte ra sharawng ai lam yawng mayawng hpe shi chye ya nga ai. Nang shi kaw sa ai rai yang, shi nang hpe hkap la na ra ai; rai ti mung, nang shi hpe kayin kau da ndai rai yang, shi nang hpe htani htana kau da na ra ai.

SHAKAWN KUNGDAWN 1:6

Ding hpring ai ni gaw dai Madu kaw nna lam woi ai hte makawp maga la ai hkrum nga ma ai; n hkru ai ni chyawm gaw htum mat wa na mara ai.

SHAKAWN KUNGDAWN 9:10

Madu e, nang hpe chye ai ni gaw nang hpe kam hpa na mara ai; nang kaw sa ai ni kadai hpe mung, nang kau da nga ndai n rai.

PRU MAT 33:17

Dai Madu gaw Mawshe hpe, “Ngai nang hpe kaja wa grai chye ai hte nang hpe awng sharawng nga nngai majaw nang hpyi lajin ai hte maren ngai hkan galaw na nngai,” ngu nna tsun wu ai.

GA SHAGAWP 2:5

Shing rai yang, dai gaw, “Dai Madu hpe hkrit hkungga ai ngu ai lachyum hpe nang chye wa nna; Karai Kasang a lam sharin la ai lam hta nang awng dang wa na ndai.

YEREMIA 31:34

Kaji htum ai kaw na kaba htum ai du hkra, nlang hte gaw ngai hpe chye wa na mara ai majaw, dai Madu a lam chye na na matu shanhte kaw na langai wa mi mung shi a htingbu ni hpe sharin achyin ya ra na n rai. Ngai gaw shanhte a yubak mara ni hpe raw dat kau ya nna shanhte a shut hpyit ai amu ni hpe galoi mung dum nga na nngai n rai. Dai Madu ngai nan tsun ni ai.”

HABAKU 2:14

Rai ti mung, Panglai ni gaw hka hte hpring nga ai zawn ginding aga gaw dai Madu a hpung shingkang a machye machyang hpaji hte hpring nga na ra ai.

MAHTE 11:27

Nye Wa gaw arai yawng mayawng ngai hpe ap ya ni ai; Wa hta kaga, dai Kasha hpe kadai mung n chye lu ai: dai Kasha hte, dai Kasha shadan dan mayu ai ni hta kaga kadai n chye lu ai.

LUKA 5:38

Sabyi nnan hpe sabyi ndum nnan hta bang da na rai nga ai.

YAWHAN 10:14

Ngai gaw sagu rem wa kaja rai nngai; nye Wa gaw ngai hpe chye ai rai nna ngai mung Wa hpe chye nngai zawn,

YAWHAN 10:27

Nye a sagu ni gaw, nye a nsen madat ma ai rai nna, ngai shanhte hpe chye nngai, shanhte mung nye a hpang hkan nang ma ai.

YAWHAN 17:3

Htani htana asak ngu ai chyawm gaw, langai sha rai nga ai, teng man ai Karai Kasang hpe mung, nang shangun dat ai Yesu Hkristu hpe mung, chye chyang lu ai hpe ngu ai rai nga ai.

ROMA 8:29

Shi a Kasha gaw kahpu kanau lanlak hta e kasha alat ningshawng tai u ga, Karai Kasang gaw shi lata san da sai ni hpe mung, shi a Kasha a gawng shingyan hte bung wa na masha lata san da mu ai.

ROMA 8:3

Shinggyim hkum shan n-gun kya ai majaw jep ai Tara e n shabyin ya lu ai amu hpe Karai Kasang kaw nna shabyin ya nga ai. Karai Kasang gaw shinggyim hkum shan hta asak hkrung shamu shamawt nga ai yubak tara hpe shi a Kasha hpe nan shangun dat ai hte daw dan kau nu ai. Dai gaw yubak hpe jahten sharun kau na matu yubak kap ai shinggyim hkum shan hte bung ai hkum shan dagraw la nna du sa ai lam rai nga ai.

1 KORINHTU 13:12

Ya anhte mu lu ai gaw, jamna kaw dan pru ai sumla ni hpe mu ai zawn n dan n leng ai hku sha mu ga ai. Hpang de anhte myi man chyaw mu lu na ga ai. Ya ngai chye ai gaw daw chyen mi sha rai nga ai; dai shaloi e, Karai Kasang ngai hpe chye chyang ai zawn, tsep kawp ngai mung chye chyang na ring ngai.

1 KORINHTU 15:34

Ding man ai hpe hkan na dum hprang mu, matut nna yubak lam hkum galaw myit. Nanhte hta na nkau mi Karai Kasang hpe n chye ma ai: nanhte kaya dum myit ga, ngai ning ngu tsun nngai.

1 KORINHTU 8:3

Rai ti mung Karai Kasang hpe tsaw ra ai wa gaw, Karai Kasang e chye chyap masat da ai hpe hkam la nga ai.

2 KORINHTU 11:20

Nanhte gaw, nanhte hpe reng sha ai ni, nanhte a ntsa e ahkaw ahkang la ai ni, nanhte hpe mahkam hte rim la ai ni, nanhte hpe yu kaji ai ni, nanhte a myi man kahpret ya ai ni kadai hpe mung nanhte hkam mana nga myit dai.

2 KORINHTU 4:6

Yesu Hkristu a myi man hta htoi tu ai hpung shingkang a lam nanhte chye chyang u ga, anhte a myit masin hta nhtoi jahtoi ya ai Karai Kasang gaw, “Nsin hta na nhtoi htoi na ra ai,” nga nna tsun ai Karai Kasang shi nan rai nga ai.

GALATI 3:3

Nanhte kaning rai nna wa ndai hte wa angawk si bu nga myit ta? Nanhte gaw dai wenyi hta kam hpa nna npawt hpang wa nhtawm me, ya gaw nanhte a hkum shan n-gun atsam marai hta kam hpa nna shangut mayu nga myit ni?

GALATI 4:3

Dai hte maren anhte mung Wenyi lam hta myit su kung hpan ai masha ni garai n tai ai laman e, mungkan danghta hpe up nga ai Nat minla ni a mayam tai nga ga ai.

EHPESU 1:17

Nanhte Karai Kasang hpe grau nna chye chyap wa myit ga, anhte a Madu Yesu Hkristu a Karai Kasang ngu ai hpung shingkang rawng ai Karai Kasang gaw hpaji byeng-ya hte tau hkrau mu chye lu ai shingran atsam jaw lu ai Wenyi nanhte hpe jaw ya myit ga, Wa Karai Kasang kaw ngai ahpyi nga nngai.

2 TIMOHTI 2:19

Rai ti mung Karai Kasang e jahkrat da sai ngang kang ai npawt nhpang hkridun chyawm gaw shamu shamawt shangun lu ai n rai; dai npawt nhpang a ntsa e dai Madu gaw, “Shi a masha rai nga ai ni hpe chye chyap nga ai,” nga nna mung, “Madu hte seng ai wa rai nngai nga nna tsun matsun yawng hte gaw shut hpyit ai amu hpe tawn kau da mu ga,” nga nna masat dazik ka shakap da nga ai.

HEBRE 7:18

Shawng na tara gaw n-gun kya nna akyu n nga mat sai majaw yeng seng kau ai hkrum sai.

2 PETRU 2:20

Lama rai nna masha ni gaw nanhte a hkye hkrang la ai Madu Yesu Hkristu hpe chye chyang ai a marang e mungkan ga a matsat shabat n-gun atsam kata na lawt lu sai hpang kalang mi bai matsat shabat lam e dang kau hkrum ai rai yang, dai ni a hpang na byin da gaw shawng na hta grau sawng mat wa sai.

1 YAWHAN 5:20

Karai Kasang a Kasha gaw du sa ra ai rai nna, teng man ai Karai Kasang hpe chye chyang lu ai myit, shi anhte hpe jaw da mi ai hpe anhte chye ga ai. Anhte gaw Kasha Yesu Hkristu hte langai sha tai nna hkrung nga ga ai majaw, teng man ai Karai Kasang hte mung langai sha tai nna hkrung nga ga ai. Dai wa gaw teng man ai Karai Kasang hte n htum n wai asak mung rai nga ai.