GALATI 4:8 - Jinghpaw Common Language Bible 2009

⁸ Lai mat wa sai ten hta nanhte gaw Karai Kasang hpe n chye nga myit dai majaw n teng n man ai hpara ni a mayam tai nga myit dai.

Jinghpaw Hanson Version Bible

⁸ Rai timung, dai aten e nanhte Karai Kasang hpe n chye nga myit dai majaw, hking madung hku yu yang, Hpara n mai ngu ai ni a npu e, nanhte yamnga myit dai.

GALATI 4:8 ပူးပေါင်းရင်းမြစ်များ

2 HKAWHKAM LABAU 13:9

Nanhte gaw dai Madu a hkinjawng ni rai nga ai Arun a amyu matu ni hpe mung, Lewi masha ni hpe mung gau shapraw kau nhtawm, shanhte a shara hta maigan amyu baw ni galaw ai hte maren hkinjawng ni hpe dang da nga myit dai. Kadai mung usu langai shing n rai sagu sanit dun sa nhtawm shi nan sat nawng ya ai wa hpe nanhte a karai mying ai ni a hkinjawng tai lu nga ai.

PRU MAT 5:2

Hkawhkam wa mahtang, “Dai Madu gaw kadai wa rai nga a ta? Ngai gaw hpa majaw shi tsun ai ga hpe madat nna Israela amyu masha ni hpe dat dat na rai ni? Dai Madu hpe ngai n chye nngai. Israela amyu masha ni hpe mung ngai n dat ya lu na nngai,” ngu nna tsun wu ai.

ESAIA 37:19

karai ni n rai nga ai shanhte a karai ni hpe nat kau ma ai; dai ni gaw masha a lata hte galaw ai hpun nlung hpara sumla ni sha rai nga ai hpe anhte yawng chye ga ai.

YEREMIA 10:25

Nang hpe n nawku ai hte nang hpe ningdang kau ai masha amyu baw ni a ntsa e, na a masin kahtet ai ru jaw bun u. Shanhte gaw na a amyu masha ni hpe sat kau manu ai; shanhte gaw anhte hpe atsai awai shamyit kau manu ai hte anhte a mungdan hpe jahten sharun kau da manu ai.

YEREMIA 16:20

Masha gaw shi a matu hpara sumla ni hpe galaw lu nga a ni? N rai law, shi galaw ai rai yang, dai ni gaw kaja wa teng teng hpara sumla ni rai na mara ai n rai,” nga nna tsun ai.

YEREMIA 2:11

Kaga amyu baw gaw shanhte a karai ni ajet n rai nga tim pyi galoi mung n galai kau yu ma ai. Rai ti mung nye a amyu masha ni chyawm gaw shanhte hpe arawng sadang jaw ya ai Karai Kasang hpe shanhte a matu hpa mung n galaw ya lu ai karai ni hte ngai hpe galai kau manu ai.

YEREMIA 5:7

Dai Madu gaw, “Ngai gaw hpa majaw nye a amyu masha ni a yubak ni hpe raw ya ang nga a ni? Shanhte gaw ngai hpe kau da ai hte karai ajet n rai nga ai ni hpe nawku manu ai. Ngai gaw nye a amyu masha ni hkru kat ai aten du hkra jaw sha ni ai, rai ti mung, shanhte gaw lashaw numshaw amu shut hpyit nhtawm shawa num ni hte shanhte a aten shama nga ma ai.

YAWHAN 1:10

Mungga gaw mungkan ga e nga nga ai hte, Karai Kasang gaw mungkan ga hpe dai Mungga hku nna hpan da nu ai; rai ti mung mungkan ga mahtang dai Mungga hpe n chye wu ai.

KASA 14:12

Shanhte gaw Barnaba hpe Zeu, Pawlu hpe ga shaga ai lam hta ningbaw tai nna woi awn ai wa re majaw Herme ngu nna shamying mu ai.

KASA 17:23

Hpa majaw nga yang, nanhte a mare hpe ngai ga lai hkawm wa nna, nanhte nawku ai shara ni hpe mada yu yang, ‘N chye gaw ai Karai wa a matu,’ nga nna ka tawn ai hkungri langai mi mung, ngai mu hkrup we ai. Dai nanhte n chye let nawku ai wa a lam ngai nanhte hpe hkai dan made ga.

ROMA 1:23

N si n mat chye ai Karai Kasang hpe nawku na malai si mat chye ai baw shinggyim masha, u ni, lagaw mali tu ai baw dusat ni shing n rai gumrawt hkawm ai baw dusat ni a hkrang sumla ni hpe nawku nga ma ai.

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

1 KORINHTU 1:21

Hpa majaw nga yang, masha gaw tinang a hpaji byeng-ya hte Karai Kasang hpe n chye lu mu ga nga, Karai Kasang gaw shi a hpaji daw ai hte maren galaw lajang da nu ai. Shing rai na malai anhte hkaw dan ai angawk angak mungga ngu ai ga hpe kam sham ai ni hpe hkye hkrang la na matu Karai Kasang gaw myit daw dan da nu ai.

1 KORINHTU 12:2

Nanhte gaw maigan masha ni naw rai nga ai shaloi e, lam amyu myu hku nna lam dam ai hte asak n rawng ai sumla ni hpe naw lai wa manit dai hpe nanhte nan chye nga myit dai.

1 KORINHTU 8:4

Dai rai nna, sumla ni hpe nawng ai hkungga lusha a lam hte seng nna tsun ga nga yang, sumla ngu ai gaw kaja wa asak hkrung shamu shamawt ai lam n nga ai, hpa n re ai rai nga ai hpe mung, langai sha rai nga ai Karai Kasang hta kaga shaje n nga ai hpe mung, anhte dum chye ga ai.

GALATI 4:3

Dai hte maren anhte mung Wenyi lam hta myit su kung hpan ai masha ni garai n tai ai laman e, mungkan danghta hpe up nga ai Nat minla ni a mayam tai nga ga ai.

EHPESU 4:18

Shanhte a chye chyang ai nyan sin mak nga nna tsep kawp angawk angak re ai hte du ja nga ma ai majaw, Karai Kasang jaw ai asak kamhtaw hta n lawm mat ai ni rai nga ma ai.

1 HTESALONI 1:9

Nanhte kaw anhte sa du ai shaloi, nanhte gara hku anhte hpe hkap hkalum la myit dai hpe mung, nanhte gaw ahkrung nga ai hte teng man ai Karai Kasang hpe daw jau lu na matu gawkngu sumla ni hpe shinggan kau nhtawm, Karai Kasang hpang de kaning rai kayin wa myit dai mung,

1 HTESALONI 4:5

Karai Kasang hpe n chye ai maigan masha ni zawn ra kasit kayut ai myit n mai rawng ai.

YAWSHU 24:15

Nanhte shi hpe daw jau na n ra sharawng myit yang chyawm gaw Mesopotamia mung e nanhte a nji nwa ni nawku ai hpara ni, shing n rai ya nanhte nga nga ai mung na Amori hpara ni hta gara hpe mahtang jaw jau na gaw, dai ni jang daw dan la mu. Ngai hte nye a nta masha ni chyawm gaw dai Madu hpe nawku daw jau na ga ai law,” ngu nna tsun wu ai.

YAWSHU 24:2

Yawshu gaw amyu masha ni yawng hpe, “Dai Madu Israela a Karai Kasang tsun ai ga ning nga nga ai: ‘Moi prat e, nanhte a kaji kawa ni gaw Uhprat hka nu a wora hkran de nga nna kaga hpara shaje ni hpe nawku ma ai. Dai kaji kawa ni hta Abraham hte Nahora yan a kawa rai nga ai Htera langai lawm nga ai.

1 PETRU 4:3

Nanhte gaw lai wa sai aten hta ram ram wa na hkra maigan masha ni galaw mayu ai baw hkan galaw lai wa manit dai. Nanhte a asak hkrung lam hpe tara n hkan ai n htap n htuk ai amu, marin marit ai amu, chyaru nang ai, n se n sa galaw ai, nang ai baw malu masha sha ai, tsa lu poi ni galaw ai, hta jai lang manit dai. Dai ni hta grau matsat shabat hkyet rung hpa gaw, sumla ni hpe nawku ai lam rai nga ai.

1 YAWHAN 3:1

Yu mu Karai Kasang gaw anhte hpe gade wa tsaw ra nga a hka! Shi a tsaw ra myit gaw grai kaba la nga ai rai nna anhte hpe Karai Kasang a kashu kasha ni ngu nna shamying mi ai hte maren kaja wa mung anhte Karai Kasang a kashu kasha ni rai nga ga ai. Rai ti mung mungkan ga gaw Karai Kasang hpe n chye wu ai majaw anhte hpe mung n chye mi ai.