GALATI 4:6 - Jinghpaw Common Language Bible 2009

⁶ Ya nanhte gaw Karai Kasang a kasha ni rai nga ai hpe sakse madun na matu “Wa e, nye Wa e,” nga nna shaga chye ai shi a kasha a Wenyi hpe anhte a kraw lawang kata de shangun dat nu ai.

Jinghpaw Hanson Version Bible

⁶ Ya nanhte gaw kashu kasha rai nga myit dai majaw, Karai Kasang gaw, Aba Wa e, nga nna shaga chye nga ai, shi a Kasha a Wenyi hpe anhte a kraw lawang de shangun dat nu ai.

GALATI 4:6 ပူးပေါင်းရင်းမြစ်များ

YEREMIA 3:19

Dai Madu gaw, “Israela e, ngai gaw nang hpe nye a kasha zawn hkap la mayu nngai ngai gaw nang hpe mungkan ting hta awng sharawng mai ai hte grau nna tsawm htum ai mungdan hpe jaw nngai. Ngai gaw nang hpe ngai hpe wa ngu shaga shangun mayu ai hte ngai kaw na galoi mung bai n kayin mat wa shangun mayu nngai.

YEREMIA 3:4

“Ya chyawm gaw, nang ngai hpe, ‘Nang gaw nye wa rai nga ndai, ngai naw kaji ai ma aten kaw nna nang ngai hpe tsaw ra nga nit dai.

MARKU 14:36

“Wa e, nye a Wa e! Nang gaw yawng mayawng hpe dang di lu nga ndai; ndai nni nkri ngu ai gawm hpe ngai kaw na shalai kau ya rit. Rai ti mung, Ngai ra ai hku n rai, na a myit ra ai hku she rai u ga,” ngu nna akyu hpyi wu ai.

LUKA 11:13

Nanhte n hkru n kaja nga myit dai ni pyi, tinang a kasha ni hpe kaja ai kumhpa chye jaw myit yang gaw, dai hta grau nna sumsing lamu na Kawa gaw shi e hpyi ai ni hpe dai Chyoi Pra Ai Wenyi jaw na n rai hka!,” ngu nna tsun wu ai.

LUKA 11:2

Yesu gaw shanhte hpe, “Nanhte akyu hpyi yang ning ngu mu: ‘Wa e: Na a mying nsang chyoi pra nga lit ga; na a mungdan du wa ru ga.

YAWHAN 14:16

Wa kaw ngai hpyi na we ai rai nna, shi mung, nanhte hte prat tup rau nga na ra ai; Shing rai nanhte hpe karum na wa langai mi hpe jaw ya na ra ai.

YAWHAN 15:26

Karai Kasang hte seng ai teng man ai lam hpe shadan dan ai dai Karum Ai Wa ngu ai Wenyi gaw Wa kaw na du sa na ra ai. Shi hpe nye Wa kaw na nanhte hpang de ngai shangun dat na we ai rai nna, shi gaw nye a lam sakse hkam ya na ra ai.

YAWHAN 16:7

Rai ti mung ngai nanhte hpe teng man ai lam tsun made ga, ngai wa ai gaw nanhte a matu grau nna kaja nga ai; hpa majaw nga yang, ngai n wa yang gaw, dai Shalan Shabran ai hte Karum Ai Wa nanhte kaw du sa na n rai; ngai wa jang gaw, ngai shi hpe nanhte hpang de shangun dat na we ai.

YAWHAN 3:34

Karai Kasang e shangun dat ai wa gaw Karai Kasang a mungga ni hpe tsun nga ai, hpa majaw nga yang, Karai Kasang gaw shi shangun dat ai wa hpe hkum tsup re ai Wenyi jaw wu ai.

YAWHAN 7:39

Yesu gaw, shi hpe kam sham ai ni hkam la lu na rai nga ai Wenyi a lam hpe sha-ang nna ndai lam tsun nga ai. Hpa majaw nga yang, Yesu gaw shi a hpung shingkang garai n dan hkung ai majaw, shi hpe kam sham ai ni hpe dai Wenyi garai n jaw wu ai.

KASA 16:7

Musi mung na ga jarit de du magang yang, Bihtuni mung de shang sa wa na shakut yu ma ai.

ROMA 5:5

Dai myit mada ai lam chyawm gaw anhte hpe myit daw shangun mi ai n rai; hpa majaw nga yang anhte hpe Karai Kasang jaw da sai kumhpaw kumhpa ngu ai dai Chyoi Pra ai Wenyi e Karai Kasang a tsaw ra ai myit hpe anhte a kraw lawang hta e ru bang ya mani ai.

ROMA 8:9

Rai ti mung, nanhte a hkum shan myit e hkang ai hku n re ai sha nanhte hta Wenyi nan shanu nga yang gaw Wenyi e hkang ai hku galaw hkawm sa myit mang lu na rai myit dai. Kadai rai ti mung Hkristu a Wenyi n rawng ai wa gaw Hkristu hte n seng nga ai.

1 KORINHTU 15:45

Chyum laika hta tsun ai hte maren, “Shawng na masha Adam gaw asak hkrung ai shinggyim masha hku nna hpan da hkrum sai,” rai ti mung, hpang jahtum na Adam chyawm gaw, asak jahkrung ya ai Wenyi rai nga ai.

2 KORINHTU 1:22

Karai Kasang shi nan anhte hpe kaga san di lata la nna, shi a amyu masha ni re ai lam masat dazik dawk shakap da mani ai hte, du na ra ai ten hta anhte hkam la na chyeju nlang a matu hkam dahka galaw ai hku nna anhte a myit masin ni hta dai chyoi pra ai Wenyi ru jaw bang ya mi ai.

2 KORINHTU 3:17

Ya “Madu” ngu ai gaw dai Wenyi hpe ngu ai rai nga ai. Madu a Wenyi shanu ai shara hta shanglawt ahkang mung nga nga ai.

EHPESU 1:13

Nanhte hpe hkye hkrang la ai lam jaw ya ai dai teng man ai mungga ngu ai Kabu Gara Shiga hpe nanhte maigan masha ni na la lu ai shaloi e, nanhte mung Karai Kasang a amyu masha ni tai wa manit dai. Hkristu hpe nanhte kam sham myit dai rai nna shi ndat da ai Chyoi Pra ai Wenyi hpe jaw ya ai a marang e shi gaw nanhte a Madu rai nga ai lam dazik dawk da nu ai.

EHPESU 2:18

Maigan masha ni hte Yuda masha ni rai nga ai anhte yawng gaw, Hkristu a marang e dai Wenyi langai sha hte Kawa a man de shang wa lu saga ai.

EHPESU 4:30

Dai hta n ga Chyoi Pra ai Wenyi hpe hkum shayawn kau nga myit; hpa majaw nga yang dai Chyoi Pra ai Wenyi gaw nanhte hpe Karai Kasang madu nga ai lam sakse masat dazik rai nna hpang jahtum nhtoi e nanhte hpe Karai Kasang shalawt dat hkrum na ra ai hpe pahkam hkam ya ai lam langai mi mung rai nga ai.

EHPESU 6:18

Karai Kasang kaw na karum ai lam lu la u ga, hpyi nem let akyu hpyi ai hta ndai lam yawng hte hpe agalaw nga mu. Ndai lam a majaw amaja nga mu; galoi mung myit shayaw asum hkum jaw myit; Karai Kasang a masha ni a matu tut tut akyu hpyi nga mu.

HPILIPI 1:19

Hpa majaw nga yang, nanhte a akyu hpyi ai ga ni a majaw mung, Yesu Hkristu kaw na Wenyi a karum madi shadaw ai lam a majaw mung, ngai ndai bawng dung ai kaw nna shalawt dat hkrum na nngai,

1 HTESALONI 4:8

Dai rai nna, ndai sharin shaga ai lam hpe ningdang kau ai wa kadai mung, masha hpe n rai, Chyoi Pra ai Wenyi jaw ya ai Karai Kasang hpe mahtang ningdang kau ai wa rai nga ai.

1 PETRU 1:11

Dai hkye hkrang la ai hte seng ai chyeju gaw gara aten aprat hta gara lai hku nna du sa na ra ai lam hpe tam shakut ma ai. Shanhte hta shanu nga ai Hkristu a Wenyi gaw dai aten hta Hkristu hkam na rai nga ai nni nkri lam hpe mung, shing rai hkam ngut ai hpang hkam la na rai nga ai hpung shingkang hpe mung tau hkrau nna madun dan da nga sai.

YUDA 1:20

Rai ti mung nanhte chyawm gaw, tsaw ra ai ni e, nanhte a chyoi pra dik ai nawku makam masham hta npawt de nna tinang dai matut nna galu kaba sa wa mu. Chyoi pra ai wenyi n-gun atsam hta shamyet nna akyu hpyi mu.

SHINGRAN 19:10

Shaloi, ngai gaw shi hpe nawku na ngu, shi a lagaw nhpang e dingnyawm dagup dat nngai. Rai ti mung, dai lamu kasa gaw, “Shing hkum rai et! Ngai gaw nang hte na nhpu nnau ni hte hpawn, Madu Yesu shadan dan ai dai teng man ai mungga hta jung noi nga ai ni a shingdep shingtau shangun ma manang she rai nngai. Karai Kasang hpe nawku u!” Hpa majaw nga yang, Madu Yesu sakse hkam shadan shaleng dan ai dai teng man ai mungga nan myihtoi ni hpe shung ya nga ai.