GALATI 4:4 - Jinghpaw Common Language Bible 2009

⁴ Rai ti mung aten ladaw gu jang Karai Kasang gaw shi a kasha hpe shangun dat wu ai; anhte gaw Karai Kasang e kasha yin la ai chyeju hkam la lu u ga,

Jinghpaw Hanson Version Bible

⁴ Rai timung, aten ladaw gu jang, dai jep ai tara npu e rai nga ai ni hpe hkrang shaw la nna, anhte kasha yin la ai chyeju hkam la lu u ga,

GALATI 4:4 ပူးပေါင်းရင်းမြစ်များ

NINGPAWT NINGHPANG 3:15

Ngai gaw nang hte shinggyim numsha a lapran hta mung, na a amyu matu hte shi a myu matu hpe mung n ju n dawng shangun nna galoi mung gumlau hpyen atai shangun nga na nngai. Shi a amyu matu gaw na a baw hpe abrep nna nang mung shanhte a lahtin hpe achye na ra ai,” ngu nna tsun wu ai.

NINGPAWT NINGHPANG 49:10

Yuda gaw hkawhkam sumdoi lang lu na ra ai, Shi a amyu matu ni tut nawng a up nga na mara ai. Amyu baw ni shi hpe shagrau kumhpa jaw ai hte Shi a man e madat mara let gum dagup na mara ai.

ESAIA 48:16

“Ya chyawm gaw ngai hpang de sit sa wa mi, ngai tsun ai ga na la mu. Shawng npawt kaw nna ngai gaw dan dan leng leng tsun ni ai hte nye a ga tut nawng teng man nga li ai,” ngu nna tsun ai. (Ya chyawm gaw Tsaw Htum ai dai Madu gaw ngai hpe shi a daru magam n-gun jaw ya ai hte ngai hpe shangun dat ni ai.)

ESAIA 7:14

Dai rai nna, Madu shi nan nanhte hpe kumla langai jaw ya na ra ai; hkawn sek shayi sha gaw hkum gawng li nna shadang sha shangai na ra ai; shi hpe ‘Emanuela’ ngu nna shamying na ra ai.

YEREMIA 31:22

Sadi n dung ai amyu masha ni e, galoi aten du hkra kanung nga na ngu myit ni? Ngai gaw ningnan re ai hte shai ai lam lama mi hpe hpan da ni ai, dai gaw numsha gaw lasha hpe makawp maga nga ai zawn shai nga ai,” ngu nna tsun ai.

ZEHKARIA 6:12

Chyahtum Chyalai N-gun rawng ai dai Madu gaw shi hpe, ‘Lakung ngu shaga hkrum ai wa gaw shi nga ai shara hta galu kaba ringchying wa nna dai Madu a Nawku Htingnu hpe gaw gap na ra ai.

MALAHKI 3:1

Chyahtum Chyalai N-gun rawng ai dai Madu gaw, “Nye a matu lam lajang ya na kasa hpe ngai shangun dat na nngai. Dai hpang nanhte hkan tam nga ai Madu gaw shi a Nawku Htingnu de akajawng sha sa wa na ra ai. Nanhte mu mayu nna marit nga ai dai kasa wa gaw du sa nhtawm nye a ga shaka htawn tsun na ra ai,” ngu nna htan wu ai.

BU HKAWM 28:22

Htingrai hkungga a matu bainam la langai mi hpe mung nawng ya na rai myit dai. Ndai hku nna amyu masha ni a matu jasan jaseng ai amu galaw na rai myit dai.

MAHTE 1:23

Shi gaw, “Yu u, dai hkawn sek gaw na-um nasin rai wa nna, shadang sha shangai na ra ai, shi a mying, Emanuela ngu shamying ya na maru ai,” nga ai. De a lachyum gaw, “Karai Kasang anhte hte rau rai nga ai!,” nga ai re.

MAHTE 3:15

Shaloi Yesu gaw, “Ya dai shabyin ya rit, hpa majaw nga yang, ding man ai lam shagu hpe shadik lu u ga, an a matu sut nga mali ai,” ngu nna shi hpe htan wu ai: shaloi shi hpe dai lam shabyin ya wu ai.

MAHTE 5:17

Mawshe a Jep ai Tara hte myihtoi ni a sharin shaga ai ga ni hpe run jahten kau na matu ngai sa du ai zawn hkum nawn nga myit. Dai ni hpe run jahten kau na matu n rai, shanhte a sharin shaga ai lam ni hpe shadik na matu she, ngai sa du ring ngai.

MARKU 1:15

Shi gaw, “Dai aten ladaw dik wa ai hte, Karai Kasang a mungdan gaw ni wa magang ra ai! Nanhte a yubak mara ni kaw na kayin wa nna Karai Kasang a Kabu Gara Shiga hpe kam sham nga mu!,” ngu nna hkaw dan mu ai.

LUKA 1:31

Yu u, nang na-um nasin rai wa nna shadang sha shangai na rin dai; shi a mying hpe Yesu ngu nna shamying ya na ru ai.

LUKA 1:35

Dai lamu kasa gaw, “Chyoi Pra ai Wenyi na a ntsa e du nna, Karai Kasang a atsam nang hpe shingnip ka-up na ra ai; dai re ai majaw, shangai wa na ra ai wa hpe Karai Kasang a Kasha ngu nna shamying ai hkam la na ra ai.

LUKA 2:7

Shi gaw shadang sha alat shangai nu ai: nbat hte kayawp nhtawm ushat wakang hta kaleng tawn da wu ai; kaning rai nme law, manam jarawp hta shanhte a matu nga shara n nga malu ai.

LUKA 20:44

Dawi gaw, Meshia hpe, ‘Madu’ ngu ai rai yang, shi a kashu kasha kaning rai nna me rai lu na a ta?,” ngu nna tsun mu ai.

YAWHAN 1:14

Mungga gaw shinggyim hkum hkrang dagraw la nna, chyeju hte teng man ai hpring let anhte hta nga nga yu sai. Anhte gaw shi a hpung shingkang hpe mu lu sagaw ai. Dai hpung shingkang gaw Kawa Karai Kasang a Kasha shingtai ngu ai hpe shi hkam la lu ai lam rai nga ai.

YAWHAN 10:36

Ngai chyawm gaw, nye Wa ngai hpe lata la nna ndai mungkan de shangun dat ni ai. Dai rai yang, Ngai gaw Karai Kasang a Kasha rai nngai,’ nga nna tsun ai shaloi, ngai gaw Karai Kasang hpe shatan nhkan ai wa re, ngu nna nanhte gara hku tsun lu myit ta?

YAWHAN 3:16

Kaning rai nme law, Karai Kasang a Kasha hpe kam sham ai ni nlang hte gaw, hten bya n hkrum ai sha htani htana asak lu la mu ga nga, Karai Kasang gaw shi a kasha shingtai hpe jaw kau ai kaw du hkra mungkan ga hpe grai tsaw ra wu ai.

YAWHAN 6:38

Hpa majaw nga yang, sumsing lamu nna ngai yu sa ai gaw, nye a myit ra ai hku hkan galaw na matu yu sa nngai n rai; ngai hpe shangun dat ai wa a myit ra ai hku hkan galaw na she, yu sa ai rai nngai.

YAWHAN 8:42

Shaloi Yesu gaw, “Karai Kasang gaw nanhte a kawa re ai teng nga malit yang gaw ngai hpe tsaw ra na myit dai. Hpa majaw nga yang, ngai gaw Karai Kasang kaw na du sa nna, ya ndai shara e nga nga nngai. Ngai gaw nye a myit hte ngai du sa ai n rai, shi gaw ngai hpe shangun dat nngai.

KASA 1:7

Yesu gaw, “Wa gaw shi a ahkaw ahkang hte daw dan masat da ai aten ahkying ladaw hpe nanhte chye lu na ahkang n nga ai,” ngu nna tsun mu ai.

ROMA 1:3

Dai Kabu Gara Shiga gaw Karai Kasang shi a Kasha anhte a Madu Yesu Hkristu a lam rai nga ai. Dai Madu gaw shinggyim masha labau hku gawn yang, Dawi a aru arat kaw na rai nga ai.

ROMA 15:8

Hpa majaw nga yang Karai Kasang gaw ga sadi dung ai wa re ai lam hpe shadan dan na matu, lam mi hku tsun ga nga yang, ji wa ni hpe jaw da ai ga ndat hpe shadik shatup na matu Madu Yesu gaw matu gadoi hkam ai Yuda amyu masha ni a mai kaja ai lam a matu mara du sa ra ai ngu nna ngai tsun nngai.

ROMA 5:6

Anhte kam hpa na shara kata nga ga yang Hkristu gaw Karai Kasang ladaw da ai ahkying hta tara n hkungga ai, n hkru n kaja ai ni a matu si hkam sai.

ROMA 8:3

Shinggyim hkum shan n-gun kya ai majaw jep ai Tara e n shabyin ya lu ai amu hpe Karai Kasang kaw nna shabyin ya nga ai. Karai Kasang gaw shinggyim hkum shan hta asak hkrung shamu shamawt nga ai yubak tara hpe shi a Kasha hpe nan shangun dat ai hte daw dan kau nu ai. Dai gaw yubak hpe jahten sharun kau na matu yubak kap ai shinggyim hkum shan hte bung ai hkum shan dagraw la nna du sa ai lam rai nga ai.

ROMA 9:5

Shanhte gaw mying gumhkawng ai Hebre kaji kawa ni kaw na yu hkrat wa ai ni rai ma ai rai nna masha labau hku gawn yang Hkristu gaw shanhte kaw na rai nga ai. Yawng mayawng a ntsa e up nga ai Karai Kasang hpe htani htana shagrau sha-a nga ga law! Amen.

EHPESU 1:10

Aten ladaw gu jang Karai Kasang e jahkum shatsup na ra ai dai yaw lajang da ai lam gaw, sumsing lamu lahta tang hte ginding aga ntsa na hpan da ai arai yawng mayawng hte hpe Hkristu hpe baw shatai nna shabawn gumhpawn da na lam rai nga ai.

KOLOSE 2:14

Shi gaw anhte a n hpru n mai ai yubak mara a hka jahpan hpe mung, dai hte seng ai jep da ai tara ni hpe mung wudang ntsa e hpri hte dit shakap nna yeng seng kau nu ai.

1 TIMOHTI 2:6

Shi gaw masha amyu yawng hpe hkye hkrang la na matu shi hkum nan lala hpe ap kau nu ai; Dai gaw anhte aten ladaw du jang Karai Kasang gaw masha hpe hkye hkrang la mayu ai sakse madun ai lam rai nga ai.

1 TIMOHTI 3:16

Anhte a nawku htung makam masham a sung htum ai lam gaw gade kaba la nga ai hpe kadai mung ningdang shara n nga ai gaw lawu de na hte maren rai nga ai. Shinggyim masha a hkum hkrang hte dan pru wa ai hte ding hpring ai wa rai nga ai lam dai Chyoi pra ai Wenyi e shadan dan sai, lamu kasa ni mung shi hpe mu lu manu ai. Shi a lam masha amyu yawng hpe htawn tsun dan manu ai. Mungkan masha ni shi hpe kam sham masai, shing rai shi gaw sumsing lamu de shalun la ai hkrum nu ai.

HEBRE 2:14

Kasha ni ngu nna shi shanhte hpe shamying wu ai hte maren, asai ashan dagraw ai masha ni rai nga ma ai. Yesu shi hkum nan mung shanhte zawn asai ashan dagraw ai shinggyim masha hkum hkrang rau rum hkam la wu ai. Shing rai hkam la ai lam gaw si hkrung si htan hpe up ai nat wa a atsam hpe jahten shabyak kau na matu rai nga ai.

HEBRE 9:10

Dai lam ni gaw shahpa luhpa hte jasan jaseng ai htung lai amyu myu hte seng nna galaw ai lam ni sha rai nga ai. Dai ni gaw, Karai Kasang e ningnan bai gram lajang na ra ai aprat garai n du ai laman gan tawn da ai ntsa lam hte seng ai hkan sa tara ni rai nga ma ai.

1 YAWHAN 4:14

Mungkan ga a hkye hkrang la ai Madu tai u ga, Kawa gaw dai Kasha hpe shangun dat wu ai lam anhte mu lu sagaw ai hte sakse hkam ga ai.

1 YAWHAN 4:2

Karai Kasang a Wenyi rai n rai chye lu na lam da ndai rai nga ai. Yesu Hkristu gaw shinggyim hkum shan dagraw nna du sa ai, nga nna yin la ai ni kadai mung Karai Kasang kaw na Wenyi hkam la lu ai ni rai ma ai.