GALATI 4:2 - Jinghpaw Common Language Bible 2009

² Kawa e madat da ai ten du hkra shi naw kaji nga ai laman shi hpe bau sin sharin ya ai ni hte shi a ra mara lam ni hpe yu lajang ya ai nta up ai masha ni a npu e shi naw rawng nga ai.

Jinghpaw Hanson Version Bible

² kawa madat da ai nhtoi du hkra, bau sin ai wa hte, nta up ai wa a npu e, shi naw rawng nga ai.

GALATI 4:2 ပူးပေါင်းရင်းမြစ်များ

Daniela 11:29

“Dai hpang Egutu mung hpe shi bai shang gasat na ra ai; rai ti mung ndai aten shawng na hte shai ai hku byin wa na ra ai.

HABAKU 2:3

Dai hpe ka tawn u, hpa majaw nga yang dai gaw teng teng byin wa na aten garai n du nga ai. Rai ti mung aten gaw alawan du nga sai, ngai nang hpe madun ai lam gaw teng wa na ra ai. Dai du wa na aten gaw lanyan ai zawn rai nga ai, rai ti mung dai hpe la nga u; dai gaw teng teng byin wa na ra ai, dai gaw na taw nga na ra ai n rai.

YAWHAN 15:7

Nanhte ngai hta noi nga nna, nye ga mung nanhte hta noi nga ai rai yang gaw, nanhte hpa hpyi mayu yang hpyi mu, hpyi ai hte maren nanhte lu na myit dai.

1 KORINHTU 4:15

Hpa majaw nga yang, nanhte a Hkristan asak hkrung lam hta nanhte hpe sharin achyin ya na sara mun mi dang lu myit ti mung, nanhte kawa langai sha lu myit dai. Ngai gaw dai Kabu Gara Shiga hkaw dan ai hku nna, nanhte hpe Hkristu hte kahkyin gumdin ai asak hkrung lam de du wa shangun ai nanhte a shangai kawa tai wa ni ai.

GALATI 3:24

Dai rai nna anhte gaw makam masham a marang e ding hpring wa u ga, jep ai tara gaw sharin ai wa hku nna Hkristu du sa ai aten du hkra anhte hpe sharin sara tai ya mani ai.

GALATI 4:1

Ya matut nna naw tsun na lam nga ai. Kasha wa gaw kawa kaw na sutgan sali wunli nga manga hpe hkam la na wa rai nna, kaja wa hkam la na teng nga ai rai ti mung, shi ma naw rai nga ai ten laman hte hta mayam langai mi zawn di nna tawn da ai hkrum wu ai.

GALATI 4:3

Dai hte maren anhte mung Wenyi lam hta myit su kung hpan ai masha ni garai n tai ai laman e, mungkan danghta hpe up nga ai Nat minla ni a mayam tai nga ga ai.