GALATI 3:7 - Jinghpaw Common Language Bible 2009

⁷ Dai re ai majaw Karai Kasang hpe kam sham ai ni gaw Karai Kasang a kashu kasha ni majing rai nga ma ai hpe nanhte chye nga mu.

Jinghpaw Hanson Version Bible

⁷ Dai re ai majaw, makam masham hte seng ai ni gaw Abraham a kashu kasha ni rai nga ma ai, chye nga mu.

GALATI 3:7 ပူးပေါင်းရင်းမြစ်များ

SHAKAWN KUNGDAWN 100:3

Dai Madu gaw Karai Kasang rai nga ai hpe yin la mu. Shi anhte hpe hpan da mi ai rai nna, anhte mung shi hte seng ai ni rai nga ga ai; anhte gaw shi a amyu masha ni rai nna, shi a sagu hpung ni rai nga ga ai.

LUKA 19:9

Shaloi Yesu gaw, “Dai ni ndai nta hta hkye hkrang la ai lam pru sai, hpa majaw nga yang, shi mung Abraham a kasha rai nga ai.

LUKA 21:31

Dai hte maren, dai lam ni byin hpang wa ai hpe nanhte mu myit yang, Karai Kasang a Mungdan du ra ai hpe chye na nga mu.

YAWHAN 8:39

Shaloi shanhte gaw, “Abraham gaw anhte a kawa rai nga mali ai,” ngu nna shi hpe htan mu ai. Yesu gaw, “Nanhte Abraham a kashu kasha ni kaja wa rai myit yang gaw, Abraham a lai len hku hkan galaw na myit dai.

ROMA 4:24

Anhte a Madu Yesu hpe si mat ai ni kaw na hkrung sharawt la ai wa hpe kam sham ga ai majaw, ding hpring ai ngu nna hkap la hkrum sai anhte a matu mung sha-ang nna ka da nga ai.

GALATI 3:9

Dai rai nna Abraham gaw Karai Kasang hpe kam sham ai majaw shaman chyeju hkam la lu ai hte maren kam sham ai ni yawng mung gumring gumrat ai shaman chyeju hkam la lu ma ai.

GALATI 6:16

Ndai arawn alai hkrang tara hpe tinang a asak hkrung lam hta hkan sa ai ni yawng a ntsa e mung, Karai Kasang a amyu masha ni a ntsa e mung, ngwi pyaw ai hte matsan dum ai gaw anga nga u ga law!

HEBRE 13:23

Anhte a hpu nau wa Timohti gaw htawng kaw na lawt pru wa ra ai lam nanhte hpe chye shangun mayu nngai. Shi ngai hpang de aten dep du sa wa ai rai yang, nanhte hte hkrum na matu ngai sa du ai shaloi shi hpe ngai hte rau woi sa wa na nngai.