GALATI 3:3 - Jinghpaw Common Language Bible 2009

³ Nanhte kaning rai nna wa ndai hte wa angawk si bu nga myit ta? Nanhte gaw dai wenyi hta kam hpa nna npawt hpang wa nhtawm me, ya gaw nanhte a hkum shan n-gun atsam marai hta kam hpa nna shangut mayu nga myit ni?

Jinghpaw Hanson Version Bible

³ Nanhte ndai hte wa angawk angak nga myit ni? Dai Wenyi hta hpa nna galaw hpang myit htawm e, hkum shan hta hpa nna ya shangut na myit ni?

GALATI 3:3 ပူးပေါင်းရင်းမြစ်များ

EZEKELA 18:24

“Rai ti mung, ding hpring ai masha langai ngai, mai kaja ai amu galaw nga ai kaw na htak mat ai hte n hkru ai masha ni galaw nga ai matsat shabat amu mahkra hpe hkan galaw ai rai yang, dai wa gaw matut nna hkrung nga lu na rai nga a ni? N rai law, shi galaw yu sai mai kaja ai amu langai mi hpe mung matsing da ya na n rai. Shi galaw ai kang n ka ai amu hte yubak ni a majaw shi si na ra ai.

GALATI 3:2

Dai Wenyi hpe nanhte lu la ai gaw jep ai Tara hpe hkan sa shadik ai magam bungli a majaw rai kun? Dai lam langai sha nanhte a n-gup na ngai chye la mayu nngai.

GALATI 3:4

Nanhte nan mu hkrum hkam sha lai wa sai ning san ai nni nkri hpe nanhte kaman sha hkam kau manu ni? Kaja wa dai mahkrum madup gaw nanhte a matu kaman n mai rai mat nga ai.

HEBRE 9:2

Hpa majaw nga yang, sum langai mi gap da nga ai. De a shawng na gawk hta pyengdin shadun hte Karai Kasang kaw nawng ya ai hkungga, muk mara da ai ku nga nga ai. Dai hpe Chyoi Pra ai shara ngu mu ai.