GALATI 2:9 - Jinghpaw Common Language Bible 2009

⁹ Shing rai ngai hpe jaw da ai chyeju hpe mu ma ai shaloi, nawku hpung a daw hpum ningbaw ningla ni ngu ging na n san ai Yaku, Petru hte Yawhan hte gaw Karai Kasang ngai hpe jaw ya sai laksan lit hpe masat masa galaw ya masai; dai rai nna anhte yawng gaw magam gun kanawn manang ni re ai lam kumla madun ai hku nna shanhte gaw Barnaba hte ngai hpe hkra lata matut shakram la mani ai; anhte gaw maigan masha ni kaw magam gun na hte, shanhte gaw Yuda masha ni kaw magam gun na matu myit hkrum da saga ai.

Jinghpaw Hanson Version Bible

⁹ Shing rai ngai hpe jaw da ai chyeju mu ma ai shaloi, dawhpum ngu ging na nsan ai Yaku, Kehpa hte Yawhan hte gaw, shanhte nan matu gadoi ai ni hpang de sa na ma ai rai nna, anhte gaw maigan amyu ni hpang de sa u ga, kanawn manang ngu ai hkra lata gaw ngai hte Barnaba an hpe jaw mi ai.

GALATI 2:9 ပူးပေါင်းရင်းမြစ်များ

2 HKAWHKAM 10:15

Yehu bai pru sa wa wu yang, Rehkab a kasha Yonadab hte hkrun lam e hkrum wu ai. Yehu mung shi hpe shakram la nhtawm, “Nang hte ngai myit mang ai lam langai sha rai nga ga ai majaw nang ngai hpe madi shadaw lu na n ni?,” ngu nna tsun wu ai. Yonadab mung, “Karum lu na nngai,” ngu nna htan wu ai. Yehu gaw, “Dai rai yang na a lata ngai hpe jaw e,” ngu nna tsun htang wu ai shaloi shan gaw lata matut nna Yehu mahtang shi hpe leng ntsa de woi jashawn la let,

MAHTE 16:18

Bai, nang hpe ngai tsun de ga, lunghkrung ngu ai lachyum pru ai Petru rai nga ndai hte dai lunghkrung ngu ai npawt nhpang ntsa e nye a hpung hpe ngai de da na we ai rai nna, si hkrung si htan pyi gaw dai hpe dang kau lu na n rai.

LUKA 22:8

Yesu gaw, Petru yan Yawhan hpe, “Anhte sha na matu Shalai wa ai Poi hpe sa shachyip lajang magang mu,” ngu nna shangun dat mu ai.

YAWHAN 1:42

Dai hpang shi gaw Simun hpe Yesu hpang de woi sa wu ai. Yesu gaw shi hpe hkap yu nna, “Nang gaw Yawhan a kasha Simun rai nga ndai; rai ti mung nang hpe Kehpa ngu nna shamying na rai nga ai,” ngu wu ai. (Kehpa ngu ai gaw Petru (Nlung) ngu ai lachyum re.

KASA 12:17

Petru gaw shanhte atsin sha rai nga na matu lata dingsi nhtawm shi hpe Madu e htawng hta na kaning rai shaw la ai lam, shanhte hpe tsun dan nna, “Ndai lam ni Yaku hte kam sham ai kahpu kanau ni hpe tsun shana dan mu,” ngu mu ai; shaloi shi pru nna shara kaga de sa mat wa ai.

KASA 15:13

Shan ga shaga htum jang, Yaku mung “Hpu nau ni e, Nye ga madat ya yu mi!

KASA 15:7

Dai lam hpe galu galang san htai lai hkat ai hpang, Petru rawt nna shanhte hpe, “Hpu nau ni e, maigan masha ni dai Kabu Gara Shiga na la nna kam sham wa na matu Karai Kasang gaw lai wa sai tsawmra na sai aten kaw nna dai Kabu Gara Shiga hpe tsun shana dan na nanhte a kata kaw na Karai Kasang ngai hpe lata san da sai gaw nanhte chye nga myit dai.

KASA 4:36

Dai shaloi Kupru mung na Lewi masha Yosep ngu ai wa nga ai. Shi hpe kasa ni e Barnaba ngu nna mying hkawt shamying mu ai. (De a lachyum gaw shalan shabran n-gun jaw ai wa ngu ai re)

ROMA 1:5

Masha amyu baw shagu gaw Yesu Hkristu hpe kam sham nna madat mara mu ga she Karai Kasang gaw shi a mying nsang a marang e Hkristu a matu mara Kasa langai mi tai na ahkang chyeju ngai hpe jaw ni ai.

ROMA 12:3

Dai rai nna, kadai mung tinang hkum hpe mai myit ai hta jan nna nau wa n rai dum na matu Karai Kasang ngai hpe jaw ai Wenyi chyeju kumhpa a marang e nanhte langai hte langai hpe ngai htet shana dat nngai. Shing rai na malai nanhte langai hte langai hpe makam masham ren di nna garan jaw da sai hte maren tinang a hkum hpe sari rawng ai hku myit yu nna daw dan la u ga

ROMA 15:15

Rai ti mung, ndai laika hta ginlam nkau mi hte seng nna nanhte hpe sadi jaw ai hta ngai gaw Karai Kasang jaw ai chyalai ahkaw ahkang a majaw nden ja ai hte ka dat nngai.

1 KORINHTU 15:10

Rai ti mung, Karai Kasang a chyeju majaw, ngai gaw ngai wa rai nga nngai; ngai hpe Karai Kasang jaw ai chyeju mung kaman lila n rai nga ai sha, kaga kasa ni yawng hta, ngai grau nna bungli galaw gun hpai shaja nngai. Shing rai galaw lu ai gaw, nye a atsam majaw n rai, ngai hte rau amu galaw nga ai Karai Kasang a chyeju a majaw rai nga ai.

2 KORINHTU 11:5

Ngai gaw dai nanhte a kaba htum ai kasa ni ngu nna shagrau da ai kasa ni hta kachyi mi pyi grit ai wa n re ngu nna ngai nawn nga nngai.

2 KORINHTU 12:11

Ngai gaw angawk ai wa zawn rai nga nngai. Nanhte mahtang ngai hpe dai zawn rai shangun manit dai. Nanhte ni mahtang ngai hpe tau madi shadaw ai lam madun ang ai ni rai nga myit dai. Hpa majaw nga yang, ngai gaw hpa n re ai wa rai nga yang pyi gaw, nanhte a laksan ahkyak shatai ai “Kasa ni” hta gara hku nna mung n grit nga nngai.

2 KORINHTU 8:4

Shanhte gaw Yuda mung na Karai Kasang a masha ni hpe karum madi shadaw ai lam hta shang lawm mayu ma ai rai nna, shang lawm lu na ahkang jaw ya na matu shanhte a myit hku nna shanhte akroi anoi hpyi nem ma ai.

GALATI 1:16

Dai hpang maigan masha ni hpe shi a kasha a lam Kabu Gara Shiga hkaw tsun dan lu u ga matu shi a kasha hpe ngai e shadan dan ni ai. Dai shaloi e ngai gaw kade a hpaji jaw ai lam hpe mung n hpyi n hkam la nngai.

GALATI 1:18

Dai hpang masum ning lai yang she, Kehpa ngu ai Petru hte hkrum nna shi kaw na shiga lu la na matu Yerusalem mare de lung wa nna shi hte shi manga ya tup rau nga kau da nngai.

GALATI 2:1

Dai hpang shi mali ning lai yang she Titu hpe mung woi shalawm let Barnaba hte rau Yerusalem mare de ngai bai lung wa nngai.

GALATI 2:2

Ning rai ngai lung wa ai gaw Karai Kasang jaw ai shingran ga hte maren rai nga ai. Ningbaw ningla ni san san hte hpawng ai zuphpawng hta maigan masha ni hpe ngai hkaw tsun ai Kabu Gara Shiga a lam tsun sanglang dan nngai. Ndai zawn tsun sang lang dan ra ai lam gaw, shawng de rai ti mung, ya e rai ti mung ngai galaw gun hpai shakut nga ai magam amu hpe kaman lila sum mat ai lam n byin shangun mayu ai majaw rai nga ai.

GALATI 6:3

Masha langai ngai gaw ahkyak ai masha kaja garai n tai yang ahkyak ai masha rai ni ai nga nna tinang hkum hpe rai dum ai wa gaw, tinang a hkum hpe hkalem kau da wu ai.

EHPESU 2:20

Nanhte gaw kasa ni hte myihtoi ni gaw da ai npawt nhpang hta de kahtap myit dai; Hkristu chyawm gaw shi nan njut jahtum na nlung rai nga ai.

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

KOLOSE 1:29

Shing rai dai lam byin lu hkra, ngai gaw Hkristu jaw ya ai mauhpa n-gun atsam hte jam jau hkam nna galaw shakut nngai. Dai n-gun atsam ngai hta amu galaw nga ai gaw, ngai galaw ai bungli hta dan dawng nga ai.

1 TIMOHTI 3:15

Rai ti mung lama wa ngai alawan n lu du sa wa ai rai yang hkrung nga ai Karai Kasang a hpung ngu ai dai teng man ai lam a npawt hkridun rai nga ai Karai Kasang a nta dinghku hta anhte kaning re ai arawn asam sat lawat hkan sa mai ai lam chye lu u ga, ndai laika hpe ka dat nngai.

1 YAWHAN 1:3

Anhte gaw Kawa Karai Kasang hte mung, Kasha Yesu Hkristu hte mung, kanawn mazum nga ga ai rai nna nanhte mung anhte hte rau kanawn mazum lu myit ga, anhte mu yu na yu sai lam nanhte hpe anhte tsun ndau dan ga ai.

SHINGRAN 3:12

Awng padang lu ai wa hpe nye a Karai Kasang a nawku htingnu hta dawhpum dawnu langai mi ngai shatai na we ai: shi galoi mung dai kaw na shinggan de pru na n rai. Nye a Karai Kasang a mying nsang hpe mung, nye a Karai Kasang kaw na pru nna, sumsing lamu na yu hkrat wa ai Yerusalem mare ningnan ngu ai, nye a Karai Kasang a mare a mying hpe mung, ngai hkum nan a amying nnan hpe mung, dai wa a ntsa e ngai ka shakap ya na we ai.