GALATI 2:8 - Jinghpaw Common Language Bible 2009

⁸ Hpa majaw nga yang, Karai Kasang a n-gun atsam hte Petru hpe Yuda masha ni a matu kasa aya hte dang da sai hte maren, ngai hpe mung maigan amyu ni a matu mara kasa aya hta dang da ni ai.

Jinghpaw Hanson Version Bible

⁸ Kaning rai nme law, matu gadoi hkam ai ni a matu mara Petru hpe kasa aya dang da ai wa gaw, maigan amyu ni a matu mara ngai hpe mung kasa aya dang da ni ai.

GALATI 2:8 ပူးပေါင်းရင်းမြစ်များ

KASA 1:25

Dai kasa aya hta ndai yan lahkawng hta na kadai hpe mahtang nang lata san da ndai gaw, anhte hpe madun dan mi,” nga nna akyu hpyi ma ai.

KASA 1:8

Rai ti mung dai Chyoi Pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga shingjut shingnaw ni htum hkra nye a sakse ni tai na marin dai,” ngu nna shanhte hpe tsun mu ai.

KASA 15:12

Barnaba yan Pawlu gaw shan a lata hte maigan amyu ni hta Karai Kasang galaw dan ai lamik kumla ni hte mauhpa amu ni yawng a lam hkai dan nga ma yang, shawa hpung ting atsin sha madat nga ma ai.

KASA 19:26

Rai ti mung ya ndai Pawlu ngu ai wa gaw Ehpesu mare e sha n rai sa, ganoi Asi mung ting ngu na wa masha lata hte galaw ai karai ni gaw Karai Kasang n re nga nna masha law law hpe gunglau ai hte myit shayit kau ya manu ai gaw, nanhte nan mu lu na lu nga myit dai.

KASA 21:19

Pawlu shanhte hpe shachyen ngut jang, shi gun hpai ai amu majaw kaga maigan masha ni hta Karai Kasang shabyin wa ai amu lam langai hte langai hkai dan mu ai.

KASA 22:21

Karai Kasang chyawm gaw, ‘Pru sa wa su, ngai nang hpe tsun ai tara maigan masha ni hpang de ngai nang hpe shangun dat na de ai,’” nga nna tsun ai ngu mu ai.

KASA 4:4

Rai ti mung, mungga na la ai ni law law wa kam sham ma ai rai nna, kam sham ai la sha yawng hkying manga daram jat wa ai.

KASA 8:17

Dai rai nna Petru yan Yawhan shanhte a ntsa e lata mara ya jang, shanhte dai Chyoi Pra ai Wenyi hkam la lu ma ai.

KASA 9:15

Rai ti mung Madu gaw, “She sa su, dai wa gaw maigan ni hte Hkawhkam ni a man e mung, Israela amyu masha ni a man e mung, nye a mying hpe hkaw tsun shana ya ai amu gun hpai na matu ngai lata la ai wa rai nga ai.

1 KORINHTU 15:10

Rai ti mung, Karai Kasang a chyeju majaw, ngai gaw ngai wa rai nga nngai; ngai hpe Karai Kasang jaw ai chyeju mung kaman lila n rai nga ai sha, kaga kasa ni yawng hta, ngai grau nna bungli galaw gun hpai shaja nngai. Shing rai galaw lu ai gaw, nye a atsam majaw n rai, ngai hte rau amu galaw nga ai Karai Kasang a chyeju a majaw rai nga ai.

1 KORINHTU 9:2

Kaga masha ni ngai hpe kasa langai mi hku nna n hkap la hkra rai tim, nanhte hkap la myit dai n rai ni? Hpa majaw nga yang, Hkristu hte langai sha tai nna asak hkrung nga ai nanhte nan ngai kasa langai mi teng nga ai lam a sakse masat dazik rai nga myit dai.

GALATI 3:5

Karai Kasang gaw nanhte hpe dai wenyi nanhte a ntsa e shayu ya nna mauhpa lamik kumla ni hpe madun dan ai gaw dai jep ai Tara hpe hkan shadik ai majaw rai ni? Shing n rai, dai Kabu Gara Shiga hpe nanhte na la nna kam sham ai majaw shabyin ya ai rai ni?

KOLOSE 1:29

Shing rai dai lam byin lu hkra, ngai gaw Hkristu jaw ya ai mauhpa n-gun atsam hte jam jau hkam nna galaw shakut nngai. Dai n-gun atsam ngai hta amu galaw nga ai gaw, ngai galaw ai bungli hta dan dawng nga ai.

1 HTESALONI 2:13

Bai Karai Kasang a chyeju hpe n sim n sa shakawn na lam kaga langai mi naw nga nga mali ai. Nanhte hpang de anhte dai Karai Kasang a mungga sa hkaw tsun dan ai shaloi masha a mungga hpe zawn n rai, Karai Kasang a mungga re ai hku nanhte na nna kam sham ai hte hkap la manit dai. Dai mungga gaw nanhte kam sham ai ni a kata hta bungli galaw ya nga ai majaw Karai Kasang a mungga majing nan rai nga ai.