GALATI 2:4 - Jinghpaw Common Language Bible 2009

⁴ Dai masha ni gaw anhte Hkristu Yesu hte langai sha tai nna asak hkrung ai a marang e anhte lu la ai shanglawt ahkang hpe kin-yu yu na matu Hkristan hpu nau ni tai masu let anhte a hpawng de mayun shang wa ai ni rai ma ai. Shanhte gaw anhte hpe mayam shatai mayu da mi ai.

Jinghpaw Hanson Version Bible

⁴ Lagyim jashawn ai masu ai hpunau ni a majaw, dai lam ngai galaw nngai n rai; Hkristu Yesu hta e anhte lu la ai lawt wa ai lam hpe kin-yu yu nna, anhte hpe mayam shayam na shanhte shang wa ma ai;

GALATI 2:4 ပူးပေါင်းရင်းမြစ်များ

SHAKAWN KUNGDAWN 119:45

Na a sharin achyin ai hpe ngai madat mara hkan nang shakut nga nngai majaw, hkum tsup ai shanglawt ahkaw ahkang hta ngai hkawm sa nga na nngai.

SHAKAWN KUNGDAWN 51:12

Na a hkye hkrang la ai kaw na lu la ai kabu gara ai lam, ngai hpe bai jaw ya e; nang hpe madat mara mayu ai myit ngai hta bang ya e.

ESAIA 51:23

Ngai gaw dai hpe nang hpe dip gamyet nga ai ni hpe mung, nmaw lam ni hta nang hpe kaleng shangun nna, nang hpe ga nhpu zawn nawn da ai hte na ntsa e kabye anut lai wa shangun ai ni hpe jaw na nngai.”

LUKA 5:38

Sabyi nnan hpe sabyi ndum nnan hta bang da na rai nga ai.

KASA 15:1

Ya Yuda mung na ni nkau mi Antioki mare de sa du nna, kam sham ai hpu nau ni hpe, “Nanhte Mawshe a jep ai Tara hte maren matu gadoi lam n hkan myit yang gaw, hkye hkrang la ai kaw n du lu na myit dai,” ngu nna sa sharin mu ai.

KASA 15:24

Anhte kaw na masha nkau mi gaw, anhte a hkang matsun dat ai lam n lu la ai sha nanhte hpang de sa nna ga hte nanhte a myit hpe sharu shatsang ga li ga law di ya nga ma ai lam anhte na lu sagaw ai.

KASA 20:30

Nanhte hta na masha nkau mi gaw masu hkalem ai ga tsun nna kam sham ai ni hpe shanhte hpang de lau la ai aten mung du na ra ai.

ROMA 8:15

Hpa majaw nga yang Karai Kasang nanhte hpe jaw ya ai Wenyi gaw nanhte hpe mayam shatai myit dai n rai, hkrit myit mung rawng shangun myit dai n rai, shing rai na malai dai Wenyi gaw nanhte hpe Karai Kasang a kashu kasha tai shangun manit dai hta n ga, dai Wenyi a n-gun atsam hte shi hpe Wa e! Nye a Wa e! ngu nna nanhte gang shaga lu na ahkang lu nga ai.

2 KORINHTU 11:13

Dai masha ni gaw teng man ai “Kasa ni” n rai ma ai. Shanhte gaw Hkristu a kasa jet ni zawn san hkra hpyi hpun nhtawm masu hkalem bungli galaw ai ni rai ma ai.

2 KORINHTU 11:17

Teng sha nga yang, ya ngai tsun gumrawng nga ai lam gaw Karai Kasang tsun shangun mayu ai lam n rai nga ai; ndai tsun gumrawng ai lam hta ngai gaw kaja wa angawk ai wa langai mi zawn ngai tsun nga nngai.

2 KORINHTU 11:20

Nanhte gaw, nanhte hpe reng sha ai ni, nanhte a ntsa e ahkaw ahkang la ai ni, nanhte hpe mahkam hte rim la ai ni, nanhte hpe yu kaji ai ni, nanhte a myi man kahpret ya ai ni kadai hpe mung nanhte hkam mana nga myit dai.

2 KORINHTU 11:26

Ngai law law lang bu hkawm sa ai hta hka tung wa nna hkrum ai tsin yam, damya hkrum ai tsin yam, nye a Yuda amyu masha ni di ai tsin yam, maigan amyu ni e di ai tsin yam, mare kahtawng hkan hkrum ai tsin yam nam mali hkan hkrum ai tsin yam, nammukdara e hkrum ai tsin-yam, masu ai hpu nau ni e di ai tsin yam ni hpe hkrum katut lai wa ni ai.

2 KORINHTU 3:17

Ya “Madu” ngu ai gaw dai Wenyi hpe ngu ai rai nga ai. Madu a Wenyi shanu ai shara hta shanglawt ahkang mung nga nga ai.

GALATI 1:7

Kaja wa nga yang Kabu Gara Shiga kaga mi n nga sai; rai ti mung ndai ya ngai tsun nga ai gaw, Hkristu a Kabu Gara Shiga hpe galai jashai shabyak kau na matu shakut nga ai masha nkau mi nanhte hpe myit ung ang mat hkra sharu shatsang nga ma`ai majaw tsun ai re.

GALATI 4:25

Hagara gaw Arabi mung e nga ai Sina bum a malai tai nga ai. Shi gaw ya mayam tai nga ai Yerusalem mare hte mare masha ni a matu kumla tai ya nga ai.

GALATI 4:3

Dai hte maren anhte mung Wenyi lam hta myit su kung hpan ai masha ni garai n tai ai laman e, mungkan danghta hpe up nga ai Nat minla ni a mayam tai nga ga ai.

GALATI 5:1

Hkristu gaw anhte hpe mayam kaw nna shalawt dat mi ai rai nna, anhte mayam n rai saga ai. Dai re majaw shanglawt masha ni re ai hku nna tsap nga ga ai. Mayam a kandang npu e bai hkum ahkang nga masa.

GALATI 5:10

Rai ti mung, ngai gaw ya du hkra nanhte hpe myit kam ding yang naw rai nga nngai. Ngai hte nanhte gaw dai Madu hta langai sha rai nga ga ai majaw, nanhte gaw nhtan shai ai masa hpe n hkap la na myit dai ngu nna ngai myit kam nga nngai. Nanhte hpe myit ung ang hkra sharu shatsang ai kadai hpe rai ti mung, Karai Kasang e jeyang ari jaw na ra ai.

2 TIMOHTI 3:6

Shanhte hta na nkau mi gaw masha ni a nta ni hta hkan shang nhtawm mayun de nna machye machyang n law nna gawng kya ai num ni hpe shanhte a lata hta shang hkra galaw ma ai. Dai num ni gaw tinang tawt lai kau ai yubak mara majaw myit lit li nna myit n pyaw let, ngang kayut ai lam amyu myu hta len nang mat wa nna,

YAKU 1:25

Rai ti mung masha ni hpe shalawt la ai hkum tsup re ai tara hta azi yu ai wa gaw dai tara hpe na la nna bai malap kau ai wa n re ai sha, matut nna hkan galaw ai wa rai nga ai majaw, shi galaw ai hpe Karai Kasang shaman ya ai hkam la na ru ai.

1 PETRU 2:16

Nanhte gaw shanglawt lu ai masha re ai hku nga mu; rai ti mung n hkru n kaja ai lam hpe magap shinggang kau na matu nanhte a shang lawt ahkang hpe hkum jai lang myit, Nanhte gaw Karai Kasang a mayam ni zawn rai nna nga mu.

2 PETRU 2:19

Shanhte gaw shanhte nan hten bya ai arawn alai ni a mayam rai nga da nna kaga masha ni hpe shalawt dat ai ga sadi jaw ma ai. Hpa majaw nga yang, masha gaw tinang hpe dang ka up kau ai arai nga manga a mayam rai nga ai.

1 YAWHAN 4:1

Tsaw ra ai ni e, Wenyi hkam la lu ga ai nga nna tsun ai ni yawng hpe hkum kam nga myit; shanhte hkam la ai ngu ai wenyi gaw Karai Kasang kaw na yu wa ai wenyi rai nga ai kun? jep yu mu; hpa majaw nga yang, masu ai myihtoi ni law law wa shara shagu hkan du taw nga masai.

YUDA 1:4

Hpa majaw nga yang tara n hkungga ai masha ni n dum shami anhte kaw mayun shang nga ma ai. Shanhte gaw, shanhte a pyaw hpa lam hkan ai n kaja ai arawn alai ni hpe lu magap shalawt na matu anhte a Karai Kasang a chyeju hte seng ai mungga hpe kam ai hku manai makai di kau ma ai hta n-ga, anhte a langai sha rai nga ai Madu Yesu Hkristu hpe mung ningdang kau ma ai. Shanhte hkam la masai daw dan lam hpe moi chyaloi nhkoi kaw nna chyum mungga ni hta tau tsun da nga sai.