GALATI 2:16 - Jinghpaw Common Language Bible 2009

¹⁶ Rai ti mung masha gaw jep ai tara hpe hkan sa shadik ai magam bungli hte Karai Kasang a man e ding hpring wa lu ai n rai; Yesu Hkristu hpe kam sham ai hte sha ding hpring wa lu ga ai hpe anhte chye ga ai majaw anhte mung jep ai Tara hpe hkan sa shadik ai magam bungli hte n rai, Hkristu Yesu hpe kam sham ai a marang e Karai Kasang a man e ding hpring ai ni tai wa lu u ga, anhte pyi Hkristu Yesu hta e kam sham saga ai; hpa majaw nga yang, dai jep ai Tara hpe hkan sa shadik ai magam bungli hte kadai mung Karai Kasang a man e ding hpring ai kaw n du wa lu ma ai.

Jinghpaw Hanson Version Bible

¹⁶ masha gaw jep ai tara a magam amu hte n rai, Hkristu Yesu a makam masham hta sha dinghpring lu ai gaw, anhte chye nga ga ai majaw, jep ai tara a magam bungli hte n rai, Hkristu hta kamsham ai hte anhte dinghpring lu u ga, anhte pyi Hkristu Yesu hta e kamsham saga ai: kaning rai nme law, jep ai tara a magam bungli hte kadai mung dinghpring ai kaw n du lu ma ai.

GALATI 2:16 ပူးပေါင်းရင်းမြစ်များ

HPILIPI 3:9

Ngai gaw jep ai Tara hpe madat mara hkan sa shadik ai hku nna nye a ding hpring ai hpe n lu la lu nngai. Ya gaw Hkristu hpe kam sham ai a marang e jaw ya ai ding hpring ai hpe ngai lu la nngai. Dai gaw makam masham a marang e Karai Kasang e matsan dum nna jaw ya ai chyeju kumhpa rai nga ai.

SHAKAWN KUNGDAWN 143:2

Na a shangun ma wa, ngai hpe, tara jeyang ai hpe hkum hkrum shangun nga et; na a man e, mara n kap ai masha langai mi mung n nga nga ai.

ROMA 9:30

Dai re ai majaw anhte tsun mayu ai lam gaw ndai hku rai nga ai. Karai Kasang a man e ding hpring ai ni tai lu na matu n shakut ai maigan amyu ni gaw, shi hpe kam sham ai a marang e Karai Kasang a man e ding hpring wa lu ma ai.

1 PETRU 3:18

Hpa majaw nga yang, Hkristu gaw anhte a yubak mara ni a majaw kalang mi hte yawng a matu ngut hkra si hkam sai. Shi gaw kaja ai masha langai mi rai nga da nna yubak lu ai ni a malai si hkam nu ai. Shing rai galaw ai lam gaw nanhte hpe Karai Kasang hpang de woi wa na matu rai nga ai. Shi gaw hkum shan hku nna sat kau ai hkrum timung, wenyi hta Karai Kasang jahkrung la sai.

ROMA 4:2

Lama wa Abraham gaw tinang galaw ai magam bungli ni a majaw Karai Kasang a man e ding hpring ai lu la a yang gaw shi hta gumrawng gumtawng na lam nga lu ai. Rai ti mung shi gaw Karai Kasang a man e gumrawng gumtawng ai lam n galaw lu wu ai.

1 PETRU 2:24

Anhte gaw yubak mara hpe kau da nna ding hpring ai hta e hkrung nga lu u ga, shi gaw shi hkum hta nanhte dai hpun ntsa e anhte a yubak mara ni hpe gun la kau nu ai. Shi a nma ni a gawp e nanhte shamai shatsai ai hkrum manit dai.

ROMA 8:3

Shinggyim hkum shan n-gun kya ai majaw jep ai Tara e n shabyin ya lu ai amu hpe Karai Kasang kaw nna shabyin ya nga ai. Karai Kasang gaw shinggyim hkum shan hta asak hkrung shamu shamawt nga ai yubak tara hpe shi a Kasha hpe nan shangun dat ai hte daw dan kau nu ai. Dai gaw yubak hpe jahten sharun kau na matu yubak kap ai shinggyim hkum shan hte bung ai hkum shan dagraw la nna du sa ai lam rai nga ai.

ROMA 3:30

Karai Kasang gaw langai sha re ai Karai Kasang rai nga ai rai nna matu gadoi hkam ai Yuda masha ni hpe mung, matu gadoi n hkam ai maigan masha ni hpe mung, shanhte a kam sham ai a marang e, shi a man e ding hpring ai ni re ai nga nna hkap la mu ai rai nga ai.

ROMA 1:17

Dai hta kaga, “Karai Kasang hta ding hpring ai wa gaw kam sham ai hte hkrung nga lu na ra ai,” nga nna Chyum ga hta ka da nga ai hte maren Karai Kasang gaw masha ni hpe gara lai hku nna sharawng awng hkap la nga ai lam dai Kabu Gara Shiga hta shadan dan nga ai. Dai gaw shawng ningpawt kaw nna jahtum du hkra kam sham ai lam rai nga ai.

1 YAWHAN 1:7

Rai ti mung shi gaw nhtoi hta nga nga ai zawn, anhte mung Nhtoi hta asak hkrung hkawm sa nga ga yang gaw, anhte langai hte langai shada da kanawn mazum ai ni rai nga ga ai hte shi Kasha Yesu a asai gaw anhte hta na yubak nlang hte hpe jasan jaseng kau ya mi ai.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte hkye hkrang la ai Madu Yesu Hkristu a ding hpring ai lam hta anhte zawn hpu la ai makam masham lu la nga ai ni hpang de ga shana dat nngai.

SHINGRAN 7:9

Dai hpang ngai yu dat yang, dai masha ni yawng mayawng hpe kadai mung n dang hti lu ai masha wunawng wuwa kaba langai mi hpe dai yang e ngai mu nngai. Shanhte gaw masha amyu baw shagu hta na mung, amyu shagu hta na mung, amyu mungdan shagu hta na mung, ga amyu shagu hta na mung, sa du ai ni rai nga ma ai. Dai ni gaw hpraw ai hpun palawng bu hpun nna, shanhte a lata ni hta tsanlun lakung ni hpe lang let, dai tingnyang a man e mung, Sagu Kasha a man e mung tsap nga ma ai.

GALATI 5:4

Jep ai Tara hpe shatup shadik ai hku nna Karai Kasang a man e ding hpring ai hpe lu la na shakut ai ni nanhte gaw Hkristu hte daw hka wa nna Karai Kasang a chyeju hta na hkrat mat wa manit dai.

1 KORINHTU 6:11

Nanhte nkau mi gaw shing rai chyalu ni rai nga myit dai, rai ti mung nanhte gaw anhte a Madu Yesu Hkristu a amying nsang hte mung, anhte a Karai Kasang a Wenyi hte mung, kashin kamun jasan jaseng kau nna, Karai Kasang kaw ap nawng kau ai ni, Karai Kasang a man e ding hpring ai ni, ngu ai hpe hkam la ai ni tai wa manit dai.

YAWHAN 20:31

Rai ti mung, Yesu gaw Karai Kasang a Kasha ngu ai Meshia rai nga ai hpe, nanhte kam sham lu nna, shi hpe kam sham ai a marang e asak hkrung ai lu la myit ga, ngu nna ndai hte wa ka tawn da nga ai.

YOBA 25:4

Kadai wa ding man lu a ta? Karai Kasang a man e kadai wa san seng lu na rai ta?

GALATI 4:5

dai kasha wa gaw jep ai Tara a npu e rai nga ai masha ni hpe hkrang shaw la na matu shinggyim kanu hta shangai wa nna Yuda ni a jep ai Tara npu e prat pra wa sai.

YOBA 9:29

Ngai nan mara kap nga nngai mi, hpa majaw ngai myit hkra na rai ta?

SHINGRAN 7:14

Ngai gaw, “Nye a Madu e, ngai n chye nngai, nang gaw chye nga ndai,” ngu nna htan we ai. Shaloi shi gaw, “Shanhte gaw hkrit hpa zingri zingrat hkrum ai kaw na lawt pru wa ai masha ni rai nga ma ai. Shanhte gaw tinang a hpun palawng ni hpe dai Sagu Kasha a asai hta hkrut jahpraw la manu ai.

1 PETRU 1:2

Shi a Wenyi hta chyoi pra ai amyu masha shatai la nna, Yesu Hkristu a ga madat mara na hte shi a sai hte shachyoi shapra la na matu Kawa Karai Kasang a moi kaw nna shatawng shada da sai hte maren nanhte hpe lata la manit dai. Chyeju hte ngwi pyaw ai gaw nanhte hta hpring tsup nga malit ga law.

ROMA 4:24

Anhte a Madu Yesu hpe si mat ai ni kaw na hkrung sharawt la ai wa hpe kam sham ga ai majaw, ding hpring ai ngu nna hkap la hkrum sai anhte a matu mung sha-ang nna ka da nga ai.

KASA 4:12

Shi hta shaje hkye hkrang la ai lam n nga sai. Anhte hkye hkrang la ai kaw du lu na matu sumsing lamu a npu shinggyim masha ni hta jaw ya ai mying nsang shaje kanang mung n nga sai,” ngu nna htan wu ai.