GALATI 2:12 - Jinghpaw Common Language Bible 2009

¹² Yaku shangun dat ai masha nkau mi dai de garai n du sa wa ai shawng e Petru gaw maigan hpu nau ni hte rau shat sha nga ai, rai ti mung dai shangun dat hkrum ai masha ni du sa wa ai shaloi matu gadoi hkam ai ni hpe hkrit kang nga ai majaw maigan masha ni hte rau shat sha nga ai kaw na pru yen mat ai.

Jinghpaw Hanson Version Bible

¹² Kaning rai nme law, manang nkau mi gaw Yaku kaw na garai n du ma yang, shi gaw maigan masha ni hte rau shat sha nga ai; dai ni du ma yang, matu gadoi hkam ai ni hpe hkrit kang ai majaw, shi nan maigan ni hte hka nna tsan gang mat wa ai.

GALATI 2:12 ပူးပေါင်းရင်းမြစ်များ

KASA 10:28

Shaloi Petru gaw shanhte hpe, “Yuda masha langai mi gaw maigan masha ni hte htinglup htingshang n rai mai ai nga nna shi a nawku htung hta jep da nga ai lam nanhte nan mung chye nga myit dai. Dai rai tim kadai wa hpe mung nawku htung hku nna n ging n dan ai, n san n seng ai ngu nna ngai n mai myit ai lam gaw Karai Kasang ngai hpe madun dan ni ai.

LUKA 15:2

Hparishe ni mung, Tara sara ni mung, “Ndai wa gaw Yubak kap ai ni hpe hkap la nna, shanhte hte rau lu, rau sha nga ai!,” nga nna aput angun nga ma ai.

EHPESU 3:6

Dai sung htum ai lam gaw, Kabu Gara Shiga a marang e maigan masha ni gaw Yuda masha ni hte rau Karai Kasang a shaman chyeju ni hpe hkam la lu ai ahkang lu la lu ai lam rai nga ai. Shanhte hte Yuda masha ni gaw hkum hkrang langai sha hta na daw shan ni rai nna Hkristu Yesu a marang e Karai Kasang jaw ai ga ndat a sali wunli kamhtaw hkam la na ahkang lu la ma ai.

GALATI 2:9

Shing rai ngai hpe jaw da ai chyeju hpe mu ma ai shaloi, nawku hpung a daw hpum ningbaw ningla ni ngu ging na n san ai Yaku, Petru hte Yawhan hte gaw Karai Kasang ngai hpe jaw ya sai laksan lit hpe masat masa galaw ya masai; dai rai nna anhte yawng gaw magam gun kanawn manang ni re ai lam kumla madun ai hku nna shanhte gaw Barnaba hte ngai hpe hkra lata matut shakram la mani ai; anhte gaw maigan masha ni kaw magam gun na hte, shanhte gaw Yuda masha ni kaw magam gun na matu myit hkrum da saga ai.

1 HTESALONI 5:22

n hkru n kaja ai lam shagu hpe koi yen kau mu.

EHPESU 2:15

Shi gaw amyu lahkawng hpe Hkristu hte kahkyin gumdin nna amyu masha ningnan langai mi shabyin shalat na matu Yuda tara hte hpawn hkang da ai lam ni hte hkan sa tara ni hpe dawm shaprai kau nu ai. Ndai lai hku nna ngwi pyaw sim sa ai lam jaw ya sai.

ESAIA 65:5

Dai hpang shanhte gaw kaga ni hpe, ‘Anhte kaw na kran rai mat mu; Anhte gaw nanhte a matu nau wa chyoi pra nga ga ai majaw ahtawk hkra lu na myit dai n rai!,’ ngu nna tsun ma ai. Ngai gaw dai zawn re ai masha ni hpe n sharang lu nngai-shanhte hpe ninghkap na nye a masin kahtet ai gaw galoi mung n krip mat ai wan zawn rai nga li ai.

ESAIA 57:11

Dai Madu gaw, “Nanhte ngai hpe masu magaw ga tsun nna ngai hpe tsep kawp malap kau na matu nanhte hpe hkrit shangun ai ndai karai ni gaw kadai ni rai nga ma ta? Ngai na na wa atsin sha nga nga nngai majaw nanhte ngai hpe shagrau sha-a nga ai amu hpe jahkring kau myit dai n rai ni?

GA SHAGAWP 29:25

Kaga masha ni na a lam hpe myit yu ai lam hta sa ginchya nang ai gaw hkrit tsang shara rai nga ti mung, nang gaw dai Madu hta kamhpa lashum nga ai rai yang, nang shim nga lu nga ndai.

KASA 12:17

Petru gaw shanhte atsin sha rai nga na matu lata dingsi nhtawm shi hpe Madu e htawng hta na kaning rai shaw la ai lam, shanhte hpe tsun dan nna, “Ndai lam ni Yaku hte kam sham ai kahpu kanau ni hpe tsun shana dan mu,” ngu mu ai; shaloi shi pru nna shara kaga de sa mat wa ai.

GALATI 2:14

Ya shanhte Kabu Gara Shiga a teng man ai lam hta ding ding n hkawm n sa nga ma ai hpe ngai mu mawe ai shaloi, shanhte yawng a man e Petru hpe, “Nang gaw Yuda masha rai nga ninglen Yuda masha zawn n rai, maigan masha ni zawn rai nga nhtawm me, maigan masha ni hpe Yuda masha ni zawn sak hkrung nga lu hkra kaning di shadut shagwi lu na n ta?,” ngu nna ngai tsun we ai.

LUKA 5:38

Sabyi nnan hpe sabyi ndum nnan hta bang da na rai nga ai.