GALATI 1:5 - Jinghpaw Common Language Bible 2009

⁵ Dai Kawa Karai Kasang kaw htani htana prat dingsa e hpung shingkang anga nga u ga law, Amen.

Jinghpaw Hanson Version Bible

⁵ Dai Kawa Karai Kasang kaw, htani htana prat dingsa e hpung shingkang anga nga u ga law. Amen.

GALATI 1:5 ပူးပေါင်းရင်းမြစ်များ

1 HKAWHKAM LABAU 29:13

Ya chyawm gaw anhte a Karai Kasang e, anhte nang hpe chyeju dum ga ai, na a hpung shingkang mying ningsang hpe anhte shakawn kungdawn nga ga ai law.

SHAKAWN KUNGDAWN 41:13

Dai Madu Israela a Karai Kasang hpe shakawn mu! Ya kaw nna htani htana shi hpe shakawn ga law! Amen! Amen!

SHAKAWN KUNGDAWN 72:19

Shi a hpung shingkang hte seng ai mying nsang hpe htani htana shakawn mu! Shi a hpung shingkang gaw mungkan ting hta pri rai nga u ga law. Amen! Amen!

ESAIA 24:15

Sinpraw maga de nga ai ni gaw shi hpe kungdawn na mara ai. Panglai mayan hku nga ai ni chyawm gaw dai Madu Israela a Karai Kasang hpe shakawn kungdawn wa na mara ai.

ESAIA 42:12

Sumtsan mung ni hta nga ai ni gaw dai Madu hpe shakawn kungdawn ai hte shi a hpung shingkang hpe shagrau nga mu ga!

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, lamu ga aprat htum hkra ngai nanhte hte rau dinggrin anga nga na nngai law,” ngu nna shanhte hpe matsun dat mu ai.

MAHTE 6:13

Agung alau nga ai de anhte hpe n sa shangun ai sha, n kaja ai lam hta na mung shaw la mi law, (N gawn tawa hpe hkang ai ahkang hte hpung shingkang arawng sadang gaw, htani htana nang hta anga nga u ga law) Amen.

LUKA 2:14

“Matsaw lahta tang e Karai Kasang gaw hpung shingkang rawng nga u ga; Ga ntsa e mung, shi sharawng awng ai masha ni hta, ngwi pyaw ai gaw anga nga nu ga law!” nga ma ai.

ROMA 11:36

Hpa majaw nga yang arai yawng mayawng hte hpe shi hpan da nu ai rai nna yawng mayawng hte gaw shi a matu mara pra nga ai a majaw shi kaw e htani htana hpung shingkang anga nga u ga law! Amen.

ROMA 16:27

Langai sha rai nga ai, shi chyu sha hpaji rawng htum ai Karai Kasang hta, Yesu Hkristu a marang e htani htana hpung shingkang anga nga u ga law. Amen.

1 KORINHTU 8:13

Dai rai nna, shahpa a majaw nye hpu nau wa hpe myit kataw nna mara galaw shangun na she rai yang gaw, nye a hpu nau wa hpe n kataw shangun na matu, ngai prat dingsa e shan n sha na ni ai.

EHPESU 1:12

Dai rai yang gaw nanhte Hkristu hta shawng nnan myit mada ai lam lu la sai ni gaw Karai Kasang a hpung shingkang hpe shakawn kungdawn nga ga law.

HPILIPI 4:20

Ya, anhte a Wa ngu ai Karai Kasang kaw htani htana prat dingsa e hpung shingkang anga nga u ga law! Amen.

1 TIMOHTI 1:17

Ya htani htana Hkawhkam rai nna, n hten n mat chye ai hpe myi hte n mu lu ai, langai sha rai nga ai Karai Kasang kaw arawng sadang hte hpung shingkang gaw htani htana prat dingsa e anga nga u ga law! Amen.

2 TIMOHTI 4:18

Dai Madu gaw n hkru n hkra ai lam yawng hta na ngai hpe mawai la nna, shi a sumsing lamu Mungdan de hkap hkra shim lam jaw let woi la na ring ngai. Shi hta htani htana prat dingsa e hpung shingkang anga nga u ga law! Amen.

HEBRE 13:21

Nanhte gaw shi a myit ra ai lam hkan galaw lu na matu nanhte hta ra kadawn nga ai mai kaja ai lam shagu hpe ngwi pyaw ai Karai Kasang gaw nanhte hpe jaw ya myit ga; Madu gaw shi a myit ra ai hku hte maren, Hkristu a marang e anhte hpe jahkum shatsup ya mi ai. Yesu Hkristu a marang e, shi a sharawng awng ai lam hpe anhte shabyin shatai u ga, Hkristu hta htani htana prat dingsa hpung shingkang anga nga u ga law. Amen.

1 PETRU 5:11

Shi kaw htani htana n-gawn tawa n-gun atsam anga nga u ga law. Amen.

2 PETRU 3:18

Nanhte gaw anhte a hkye hkrang la ai Madu Yesu Hkristu a chyeju hte shi hpe chye chyang ai lam hta matut nna galu kaba kunghpan sa wa myit ga; ya e mung, htani htana prat ding sa e mung, Yesu Hkristu kaw hpung shingkang anga nga u ga law.

YUDA 1:25

anhte a langai sha rai nga ai Karai Kasang hkye hkrang la ai Madu kaw anhte a Madu Yesu Hkristu a marang e, hpung shingkang daru magam hpung dagu hte ahkang aya, chyi nma pri npra aten kaw nna, ya e rai ti mung, htani htana prat dingsa e rai ti mung anga nga u ga law. Amen.

SHINGRAN 14:7

Dai lamu kasa gaw, “Shinggyim masha amyu baw shagu hpe tara dara na aten du ra ai. Dai majaw, Karai Kasang hpe hkrit hkungga mu! Shi a htani htana galu kaba ai hpung shingkang hpe shagrau sha-a mu! Sumsing lamu hte ginding aga, panglai hte hka hpawk ni hpe hpan tawn da ai wa hpe nawku nga mu!,” nga nna nsen kaba hte tsun nga ai.

SHINGRAN 5:12

Shanhte gaw, “Sat kau hkrum ai Sagu Kasha gaw, hpung dagu, sut gan, hpaji atsam, n-gun lagaw arawng sadang, hpung shingkang hte, shakawn kungdawn ai hpe hkam la ging nga ai law!,” nga nna nsen kaba hte shakawn nga ma ai.

SHINGRAN 7:12

“Amen! Shakawn kungdawn ai, hpung shingkang, hpaji byeng-ya, chyeju dum shakawn ai, arawng sadang, hpung dagu hte n-gun lagaw gaw, htani htana prat dingsa e anhte a Karai Kasang kaw anga nga u ga law, Amen,” nga nna tsun ma ai.