GALATI 1:4 - Jinghpaw Common Language Bible 2009

⁴ Ndai ya na n hkru n kaja ai prat kaw na mawai la u ga, anhte a Kawa Karai Kasang myit ra ai hte maren madat mara let anhte a yubak mara a matu mara Hkristu gaw shi hkum hpe nan ap ya kau nu ai.

Jinghpaw Hanson Version Bible

⁴ Dai Madu gaw, anhte a Kawa Karai Kasang a myit ra ai hte maren, ya e rai nga ai n hkru ai mungkan ga na anhte hpe mawai la u ga, anhte a yubak a matu mara shi hkum hpe nan ap kau ya wu ai.

GALATI 1:4 ပူးပေါင်းရင်းမြစ်များ

SHAKAWN KUNGDAWN 40:8

Nye a Karai Kasang e, na a myit ra ai hku galaw na, ngai kade wa tsaw nga a hka! Na a sharin shaga ai lam hpe nye a myit kraw lawang hta ngai mazing da nga nngai,” ngu nna ngai htan ni ai.

ESAIA 65:17

Dai Madu gaw, “Ngai gaw ginding aga ningnan hte sumsing lamu ningnan ni hpe hpan da nga nngai. Lai sai aten na mabyin lam ni gaw atsai awai malap kau ai hkrum na ra ai.

MAHTE 13:22

Ju hpun hta hkrat ai nli tum ni gaw, dai ga hpe na la ti mung, ndai prat na myit tsang ai hte sut gan marin myit gaw, dai mungga hpe lim kau nna asi n si lu ai hte bung nga ma ai.

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

MAHTE 26:28

Ndai gaw yubak hpe raw dat kau myit ga, law law a matu ru kau ya ai, dai ga shaka hte seng ai, nye a asai rai nga li ai.

MAHTE 26:42

Lang mi bai sa nna, “Wa e, ndai nni nkri gawm hpe ngai n lu ai sha, ngai kaw na shalai kau lu yang gaw, na a myit ra ai hku rai u ga law,” ngu nna akyu hpyi nga ai.

MAHTE 6:9

Dai rai nna nanhte ning ngu akyu hpyi mu: ‘Sumsing lamu na anhte a Wa e, Na a mying nsang chyoi pra nga lit ga,

MARKU 10:45

Hpa majaw nga yang, dai Masha Kasha wa pyi, masha hpe yam sha na nga nna du sa ai n rai; Masha hpe galaw daw ya na hte shi a asak hpe nawng ya kau nna masha law law hpe hkye mawai shaw la na matu du sa ai,” ngu nna tsun mu ai.

LUKA 22:19

Shaloi shi muk tawng la nna shakawn ngut jang, dai hpe ahkyep alep nna shanhte hpe jaw let, “Ndai gaw nanhte a matu ya kau ai, nye a hkum rai li ai, ngai hpe adum nga na matu, ndai galaw mu,” ngu mu ai.

LUKA 22:42

“Wa e, nang ra n yang gaw, ndai nni nkri ngu ai gawm hpe ngai kaw na shalai kau ya e; rai ti mung ngai ra ai hku n rai, nang ra ai hku she rai u ga,” ngu nna hpyi wu ai.

YAWHAN 10:11

Ngai gaw sagu rem wa kaja rai nngai. Sagu rem wa kaja gaw sagu ni a matu tinang a asak nawng kau ya lu ai.

YAWHAN 12:31

Ndai mungkan ga gaw, ya jang pyi tara jeyang ai hkrum, nga sai. Ya ndai mungkan up ai Duwa gaw shinggan de kabai kau ai hkrum na rai sai.

YAWHAN 5:30

Ngai gaw nye a myit hte hpa mung n galaw lu nngai; ngai gaw Karai Kasang tsun ai hte maren sha jeyang nngai; nye a jeyang daw dan ai lam mung ding man li ai; hpa majaw nga yang, ngai gaw ngai ra ai lam hkan galaw na matu shakut nga nngai n rai, ngai e shangun dat ai wa a ra ai lam hkan galaw na matu chyu sha tam shakut nga nngai.

YAWHAN 6:38

Hpa majaw nga yang, sumsing lamu nna ngai yu sa ai gaw, nye a myit ra ai hku hkan galaw na matu yu sa nngai n rai; ngai hpe shangun dat ai wa a myit ra ai hku hkan galaw na she, yu sa ai rai nngai.

ROMA 1:7

Karai Kasang e tsaw ra nna shi a amyu masha tai na matu shaga la hkrum sai Roma hpung masha ni yawng hpang de ndai laika ka dat nngai. Anhte a Wa Karai Kasang hte Madu Yesu Hkristu kaw na chyeju hte ngwi pyaw ai gaw, nanhte hta e anga nga u ga law.

ROMA 12:2

Nanhte gaw ndai dinghta mungkan a lai madang ni hpe n hkan dagraw ai sha, nanhte gaw Karai Kasang hku nna nanhte a kata lam myit masin hpe tsep kawp galai shai kau shangun mu. Dai shaloi nanhte gaw Karai Kasang a myit ra ai lam, mai kaja ai lam, shi hpe sharawng awng shangun ai lam, hkum tsup re ai lam gaw, hpa rai nga ai ngu ai hpe chye ginhka lu na marin dai.

ROMA 4:25

Hpa majaw nga yang ding hpring ai ngu nna Karai Kasang e hkap la lu na matu Madu Yesu gaw, anhte a shut hpyit ai yubak mara ni a majaw si hkam na matu ap kau hkrum nna shi hpe bai sharawt la ai hkrum nu ai.

ROMA 8:27

Anhte a kraw lawang ni hpe sawk yu nna mu chye ya nga ai Karai Kasang chyawm gaw Wenyi a myit hpa rai nga ai gaw chye ya nga ai; hpa majaw nga yang, dai Wenyi gaw Karai Kasang myit ra ai lam hte maren shi a amyu masha ni a matu mara Karai Kasang kaw hpyi htinglu ya nga ai.

ROMA 8:3

Shinggyim hkum shan n-gun kya ai majaw jep ai Tara e n shabyin ya lu ai amu hpe Karai Kasang kaw nna shabyin ya nga ai. Karai Kasang gaw shinggyim hkum shan hta asak hkrung shamu shamawt nga ai yubak tara hpe shi a Kasha hpe nan shangun dat ai hte daw dan kau nu ai. Dai gaw yubak hpe jahten sharun kau na matu yubak kap ai shinggyim hkum shan hte bung ai hkum shan dagraw la nna du sa ai lam rai nga ai.

ROMA 8:32

Kaja wa Karai Kasang hta dai hku n rai, shi a Kasha hpe pyi n lahpawt dum ai sha anhte mahkra a matu mara shagu hkungga di nna nawng kau ai Karai Kasang gaw nga manga hpe mung shi anhte hpe n jaw ai nga na a ni?

1 KORINHTU 15:3

Hpa majaw nga yang, ngai hkam la sai ahkyak dik ai lam ni hpe, ngai nanhte hpe ap ya made ai. Dai gaw, Chyum Laika ni hta ka da nga ai hte maren, Hkristu gaw anhte a yubak mara a matu si hkam sai lam,

2 KORINHTU 4:4

Ndai mungkan ga a n hkru n kaja ai karai wa ngu ai Nat Satan wa gaw shanhte a myit ni hpe ningsin hte ka-up shamak tawn kau ya manu ai majaw, shanhte n kam n sham ma ai. Shi gaw dai Karai Kasang a hkrang bung sumla nan rai nga ai. Hkristu a hpung shingkang a lam dai Kabu Gara Shiga kaw na pru ai nhtoi hpe n mu lu shangun mu ai.

GALATI 2:20

Dai rai nna ngai hkum nan naw hkrung nga nngai n rai; Hkristu she ngai hta e asak hkrung nga ai. Ndai ya e ngai hkrung nga ai asak gaw, ngai hpe tsaw ra nna nye a matu mara shi a asak nawng kau ai Karai Kasang a Kasha hpe kam sham ai a marang e hkrung nga ai asak rai nga ai.

GALATI 6:14

Ngai chyawm gaw, anhte a Madu Yesu Hkristu a wudang hta kaga hpa lam hta mung arawng mala gumrawng na nngai n rai, hpa majaw nga yang, shi wudang hta jen sat hkrum ai a majaw, mungkan ga gaw nye a matu jasi tai mat nna, ngai mung mungkan ga a matu jasi tai mat ni ai.

EHPESU 1:11

Yawng mayawng hte chyawm gaw, Karai Kasang a yaw shada da ai lam hte myit daw dan da sai hku hte maren byin wa sai; bai nna shi a shawng npawt kaw nna daw dan sai lam hta npawt shatai nhtawm Hkristu hta langai sha rai nga ga ai a marang e shi a shatawng shada ai hku nna anhte hpe shi a amyu masha ni tai na matu lata san da mani ai.

EHPESU 2:2

Dai ten hta nanhte gaw mungkan a n hkru n kaja ai lam hta hkan sa nna lamu ganghkau hpe up ai wenyi numla hte seng ai n- gun atsam a npu e taw nga myit dai. Karai Kasang hpe n madat n mara ai ni gaw, ya ten hta dai wenyi numla a hkang ai kata hta nga nga ma ai.

EHPESU 5:16

Ya na nhtoi ladaw ni gaw n shawp nga ai majaw, nanhte lu ai ahkaw ahkang shagu hpe atsawm sha akyu rawng hkra jai lang mu.

EHPESU 5:2

Hkristu gaw anhte hpe tsaw ra ai hte anhte a matu shi a hkum hpe Karai Kasang sharawng awng ai manam pyaw ai shagu hkungga shatai nna nawng kau nu ai zawn, nanhte mung tsaw ra myit e hkang ai kata hta ahkawm nga mu.

EHPESU 6:12

Hpa majaw nga yang, anhte shinggyim masha ni hte gasat hkat nga ai n rai; sumsing lamu lahta tang e nga ai n hkru n hkra ai nat luksuk ni hte mung, ndai sin mak ai mungkan hpe up hkang nga ai du ni, ahkang aya lu ai ni hte gasat gala hkat nga ga ai.

HPILIPI 4:20

Ya, anhte a Wa ngu ai Karai Kasang kaw htani htana prat dingsa e hpung shingkang anga nga u ga law! Amen.

1 HTESALONI 1:3

Hpa majaw nga yang, nanhte a makam masham hta ta tut gara hku hkan sa nga myit dai hpe mung, nanhte a tsaw ra ai myit a majaw gade daram amu galaw shakut shaja nga myit dai hpe mung, Madu Yesu Hkristu hta nanhte a myit mada ai lam gade ngang kang nga malit dai hpe mung, anhte a Wa Karai Kasang a man e anhte myit dum nga ga ai.

1 HTESALONI 3:11

Anhte a Wa Karai Kasang shi nan hte Madu Yesu Hkristu gaw anhte a matu nanhte hpang de sa wa na lam lajang ya u ga.

1 HTESALONI 3:13

Ndai lam hku nna shi nanhte hpe shadaw shangang na ra ai. Anhte a Madu Yesu gaw shi a chyoi pra ai ni yawng hte rau bai du sa ai shaloi e, nanhte gaw anhte a Kawa Karai Kasang a man e hkum tsup nna chyoi pra san seng ai ni tai wa na marin dai.

2 HTESALONI 2:16

Anhte a Madu Yesu Hkristu shi nan hte anhte hpe tsaw ra nna shi a chyeju hte anhte hpe htani htana grin ai nden marai hte ngang kang ai myit mada shara jaw ai Wa Karai Kasang gaw,

1 TIMOHTI 2:6

Shi gaw masha amyu yawng hpe hkye hkrang la na matu shi hkum nan lala hpe ap kau nu ai; Dai gaw anhte aten ladaw du jang Karai Kasang gaw masha hpe hkye hkrang la mayu ai sakse madun ai lam rai nga ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

HEBRE 2:5

Karai Kasang gaw, ya anhte tsun nga ga ai du na ra ai mungkan ga ningnan hpe lamu kasa ni a up hkang ai npu e tawn da wu ai n rai.

HEBRE 6:5

Bai nna shanhte gaw Karai Kasang a mungga gaw mai kaja nga ai hpe mung, htawm hpang prat hte seng ai hpung shingkang atsam hpe mung, tinang nan mu hkrum hkam sha nna chye sai ni rai ma ai.

HEBRE 9:14

Hkristu a sai gaw dai hta grau nna shachyoi shapra ya lu ai n rai ni? Hkristu gaw dai htani htana Wenyi hte tinang a hkum hpe ra n rawng ai hkungga hku nna Karai Kasang kaw nawng ya kau sai. Hkrung nga ai Karai Kasang hpe anhte nawku daw jau lu hkra Hkristu a asai gaw anhte a myit masin hpe akyu n rawng ai nawku htung lai chyasi ni hta hkan nang ai kaw na shachyoi shapra la na ra ai.

YAKU 4:4

Nanhte gaw sadi n dung ai masha ni rai nga myit hka! Mungkan ga hte jinghku hku ai ngu ai gaw Karai Kasang a hpyen tai nga ai ngu ai hpe nanhte n chye nga myit ni? Mungkan ga a jinghku tai mayu ai wa kadai mung tinang a hkum hpe Karai Kasang a hpyen shatai nga ai.

1 PETRU 2:24

Anhte gaw yubak mara hpe kau da nna ding hpring ai hta e hkrung nga lu u ga, shi gaw shi hkum hta nanhte dai hpun ntsa e anhte a yubak mara ni hpe gun la kau nu ai. Shi a nma ni a gawp e nanhte shamai shatsai ai hkrum manit dai.

1 PETRU 3:18

Hpa majaw nga yang, Hkristu gaw anhte a yubak mara ni a majaw kalang mi hte yawng a matu ngut hkra si hkam sai. Shi gaw kaja ai masha langai mi rai nga da nna yubak lu ai ni a malai si hkam nu ai. Shing rai galaw ai lam gaw nanhte hpe Karai Kasang hpang de woi wa na matu rai nga ai. Shi gaw hkum shan hku nna sat kau ai hkrum timung, wenyi hta Karai Kasang jahkrung la sai.

1 YAWHAN 2:2

Yesu Hkristu shi nan, anhte a yubak mara a matu mara gawng malai hkungga rai nga ai rai nna, shi a marang e anhte a yubak mara ni hpe raw dat kau ya mi ai hta n ga, masha shagu a yubak mara hpe mung raw dat kau ya sai.

1 YAWHAN 3:16

Hkristu gaw nanhte a matu mara shi a asak nawng kau wu ai majaw, tsaw ra ai myit majing ngu ai gaw hpa re ai lam anhte chye nga ga ai. Dai re ai majaw, anhte mung hpu nau ni a matu mara anhte a asak nawng kau na sut nga ai.

SHINGRAN 1:5

Kangka re ai sakse wa, si mat ai ni hta na shawng numshawn hkrung rawt wa ai wa, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwi pyaw ai gaw nanhte hta anga nga malit ga law. Anhte hpe tsaw ra nna, shi hkum nan hpe hkungga nawng si hkam ai hte anhte a yubak kaw na raw dat mi ai hte,

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.

SHINGRAN 7:9

Dai hpang ngai yu dat yang, dai masha ni yawng mayawng hpe kadai mung n dang hti lu ai masha wunawng wuwa kaba langai mi hpe dai yang e ngai mu nngai. Shanhte gaw masha amyu baw shagu hta na mung, amyu shagu hta na mung, amyu mungdan shagu hta na mung, ga amyu shagu hta na mung, sa du ai ni rai nga ma ai. Dai ni gaw hpraw ai hpun palawng bu hpun nna, shanhte a lata ni hta tsanlun lakung ni hpe lang let, dai tingnyang a man e mung, Sagu Kasha a man e mung tsap nga ma ai.