EZRA 9:5 - Jinghpaw Common Language Bible 2009

⁵ Ya, shana de na shagu hkungga nawng jau na aten du jang, ngai yawn hkyen nga ai shara kaw nna rawt nhtawm, gang je kau sai hpun palawng ni hpe bu hpun ai hte lahput hput di let, dai Madu nye a Karai Kasang hpang de lata ladawn nna akyu hpyi nngai.

Jinghpaw Hanson Version Bible

⁵ Ya shana na dumhpung hkungga jaw na aten du jang, nye a myit yawn ai kaw na ngai rawt nna, palawng hte lawai ai nba shaje hte lahput hput di let, nye a Karai Kasang Yehowa man e nye a lata ladawn nna,

EZRA 9:5 ပူးပေါင်းရင်းမြစ်များ

1 HKAWHKAM 8:22

Shaloi Shawlumon gaw amyu masha ni a man hte tawn hkungri a man e sa tsap let shi a lata sharawt nna,

1 HKAWHKAM 8:38

ana ahkya hte machyi makaw shanhte hta hkrum sha yang, shanhte a akyu hpyi ga ni hpe madat mara ya u. Na a amyu masha Israela hta na kadai rai ti mung tinang a yawn hkyen ai myit hpe shapraw let ndai Nawku Htingnu de shanhte a lata sharawt nna akyu hpyi ai rai yang,

1 HKAWHKAM 8:54

Shawlumon gaw dai Madu hpe akyu hpyi ngut jang, tawn hkungri man e lahput hput di ai kaw na lata ladawn let rawt tsap wu ai.

2 HKAWHKAM LABAU 6:13

(Shawlumon gaw magri mang pinra langai galaw nhtawm dai hpe wang ka-ang e tawn da wu ai; dai gaw man mali bung nna galu maga de pe matsat, tsaw maga de pe manga rai nga ai. Dai pinra de shi lung nna masha shagu shi hpe mu lu ai shara hta lahput hput di let sumsing lamu de shi a lata sharawt da wu ai.)

NEHEMIA 1:4

Ndai lam yawng hpe ngai na ai shaloi, dung let hkrap nga nngai. Ngai gaw nhtoi tsawmra mi na mat hkra sharung shayawt ai hte lusha n sha nngai. Ngai gaw Karai Kasang hpe,

SHAKAWN KUNGDAWN 141:2

Nye a akyu hpyi ai ga hpe manam pyaw ai baw lawban zawn; nye a lata sharawt ai gaw shana de na hkungga hpe zawn, hkap la ya e.

SHAKAWN KUNGDAWN 143:6

Nye a lata hpe nang kaw ladawn nna, akyu hpyi nga nngai; hkun hkraw nga ai lamu ga gaw hka hpe marit ai zawn, nye a wenyi mung, nang hpe gara nga nngai.

SHAKAWN KUNGDAWN 95:6

Sa marit, anhte shi hpe dingnyawm ai hte nawku daw jau ga; anhte a Madu Hpan Wa Ningsang Wa a man e, lahput hput di ga.

PRU MAT 9:29

Mawshe gaw shi hpe, “Mare kaw nna ngai pru mat wa ai shaloi jang, nye a lata hpe sharawt nhtawm dai Madu hpe hpyi nem ya na nngai; shaloi jang mu ngoi ai gaw hkring mat nna sin marang ni mung dai hkan e htu sana n rai. Dai Madu gaw ginding aga hpe madu nga ai hpe nang chye lu na rai ndai.

PRU MAT 9:33

Mawshe gaw hkawhkam wa kaw na pru wa nhtawm, mare shinggan de du jang, dai Madu hpe hpyi nem na matu shi a lata sharawt da wu ai rai nna mu hte sin marang ni yawng sim mat nga ai.

ESAIA 1:15

Nanhte gaw lata sharawt nna akyu hpyi myit yang, ngai nanhte hpe yu na nngai n rai. Nanhte kade wa mi akyu hpyi myit dai rai tim, ngai madat ya na made ai n rai, hpa majaw nga yang, nanhte a lata sai kap nga myit dai.

Daniela 10:2

Dai aten hta, ngai gaw bat masum tup yawn hkyen hkrum nga nngai.

LUKA 22:41

Dai hpang shi gaw, sape ni nga ai kaw nna nlung kabai hkap daram gang hkra sa nhtawm, lahput hput di let,

KASA 21:5

Nhtoi sanit ya lai jang, anhte bai pru wa ga ai. Shanhte mung madu jan kasha ni hte rau mare shinggan du hkra hkan sa dat ma ai rai nna, hka kau e hput di let, akyu hpyi ga ai.

EHPESU 3:14

Ndai lam a majaw sumsing lamu hte ginding aga ntsa e nga ai nta dinghku shagu a teng man ai npawt daju rai nga ai