EZRA 9:3 - Jinghpaw Common Language Bible 2009

³ Dai lam hpe ngai na jang, myit htum ai hte nye a hpun palawng ni gang je kau nna, nye a kara hte nhka mun ni hpe baw kau nhtawm gawng run yawn hkyen let dung nga nngai.

Jinghpaw Hanson Version Bible

³ Dai lam hpe ngai na jang, nye a palawng hte lawai ai nba hpe ngai gang je kau nna, kara hte nhka mun ni hpe baw kau ai hte, myit mak let dung nga nngai.

EZRA 9:3 ပူးပေါင်းရင်းမြစ်များ

2 SAMUELA 1:11

Dawi gaw yawn hkyen ai hte shi a palawng ni hpe gang je kau nga ai rai nna shi a masha ni yawng mung dai hte maren galaw ma ai.

2 HKAWHKAM 18:37

Dai hpang Eliakim, Shebna, hte Yoa hte gaw yawn ai myit hte shanhte a hpun palawng ni hpe gang je kau nhtawm Asuri du salang wa tsun ai ga ni hpe hkawhkam wa a man e tang madun nga ma ai.

NEHEMIA 1:4

Ndai lam yawng hpe ngai na ai shaloi, dung let hkrap nga nngai. Ngai gaw nhtoi tsawmra mi na mat hkra sharung shayawt ai hte lusha n sha nngai. Ngai gaw Karai Kasang hpe,

NEHEMIA 13:25

Ngai gaw dai lasha ni hpe daru sharin ai, shanhte hpe matsa dagam ai, anu kayat ai hte shanhte a kara ni hpe gang baw kau ya we ai. Dai hpang ngai gaw shanhte mung, shanhte a kashu kasha ni mung, maigan masha ni hte kayau kaya rai dinghku galoi mung n de shajang na matu Karai Kasang a mying nsang hta shanhte hpe dagam shaka shangun nngai.

YOBA 1:20

Dai hpang Yoba gaw rawt tsap nna shi a hpun palawng ni hpe yawn hkyen ai hte gang je kau wu ai. Shi a baw shangun kau let ga de myi man yawng nhtawm gum dagup nga ai.

SHAKAWN KUNGDAWN 119:53

Tara n lang ai ni na a tara hpe n hkan ai sha, jahten nga ma ai hpe ngai mu ai shaloi; ngai masin kahtet nga nngai.

SHAKAWN KUNGDAWN 143:4

Dai majaw, ngai asum jaw kau na matu, jin jin rai nga nngai; myit chyum myit htum, mung hkrum sha nga nngai.

SHAKAWN KUNGDAWN 66:3

“Nang galaw ai amu ni gaw kade wa mauhpa rai nga a hka! Na a daru magam n-gun grai galu kaba nga ai majaw, na a gumlau hpyen ni gaw na a man e, hkrit ai hte gum dagup nga ma ai.

ESAIA 15:2

Dibon masha ni gaw nawku shara hta wa hkrap na matu kawng de lung wa ma ai. Moba masha ni gaw Nebo hte Medeba mare ni a matu sharung shayawt nga ma ai; shanhte gaw yawn hkyen ai hte shanhte a baw ni hte nhka mun ni hpe shangun kau ma ai.

YEREMIA 36:24

Rai ti mung, ndai lam yawng hpe na ai hkawhkam wa mung, shi a du salang ni mung hkrit nga ma ai n rai; yawn hkyen ai kumla hpa mung n madun dan ma ai.

YEREMIA 7:29

“Yerusalem amyu masha ni e, sharung shayawt nga mu; na a kara zen di nna kabai kau u. Kawng pungding ntsa hkan e makoi mayang mahkawn hkawn mu, hpa majaw nga yang, dai Madu ngai gaw pawt sindawng nngai hte nye a amyu masha ni hpe ningdang kau ni ai.

EZEKELA 3:15

Dai rai nna, ngai gaw Hkebara hka nu makau na bawng dung ai masha ni shanu nga ai Telabiba shara de sa du nhtawm, ngai mu ai hte na sai lam ni hpe mau mat ai majaw, dai shara hta nhtoi sanit ya tup ngai sa nga nga nngai.

EZEKELA 7:18

Shanhte gaw lachyit nba lawai nna yawng hkrit gari mat na mara ai. Shanhte a baw ni mung doi kau hkrum nna yawng gaw jahpoi hkrum na mara ai.

Daniela 4:19

Dai aten hta, Belteshaza mying ai Daniela gaw hpa mung n lu tsun mat hkra grai hkrit kajawng mat wu ai. Hkawhkam wa chyawm gaw shi hpe, “Belteshaza e, yup mang hte de a lachyum majaw nang hpe n kajawng shangun u ga,” ngu nna tsun wu ai. Belteshaza mung, “Madu hkawhkam e, yup mang hte de a lachyum htai ai gaw nang hpe n rai; na a gumlau hpyen ni hta mahtang ta tut du wa na, ngai ra sharawng nngai.

Daniela 8:27

Ngai gaw myit hten mat ai hte nhtoi law law machyi hkrum nga nngai. Dai hpang ngai bai rawt nna hkawhkam wa ngai hpe lit jaw ai amu de nhtang sa mat wa nngai; rai ti mung dai shingran a majaw ngai mau ung ang ai hte dai hpe n chye na lu nngai.

JAW JAU 21:5

“Hkinjawng kadai mung tinang a baw shangun lu na n rai; tinang a nhka mun ahkut shara lu na n rai. Tinang a sharung shayawt lam madun dan na matu tinang hkum hpe gadoi jahpye lu na wu ai n rai.

MIHKA 1:16

Yuda amyu masha ni e, nanhte tsaw ra ai kashu kasha ni a matu sharung shayawt ai hta nanhte a kara ni hpe shakrin kau mu. Nanhte a kashu kasha ni tsan ai mungdan de bawng dung hkrum mat nga masai majaw, langda baw ni zawn shakrin kau mu.

YAWSHU 7:6

Yawshu hte Israela ningbaw ni gaw lahpawt dum ai myit hte yawn hkyen let shanhte a hpun palawng ni hpe gang je kau nhtawm dai Madu a Ga Shaka Sumpu man e galeng nga nna, shanhte a baw hta nhpu hte bun nhtawm shana de du hkra yawn hkyen ai kumla madun nga ma ai.