EZRA 9:2 - Jinghpaw Common Language Bible 2009

² Yuda lasha ni mung maigan numsha ni hpe hkungran la ma ai majaw Karai Kasang a chyoi pra ai amyu masha ni awu asin tai mat wa masai. Ningbaw ni hte du salang ni grau nna shut hpyit nga ma ai.

Jinghpaw Hanson Version Bible

² Kaning rai nme law, dai amyu masha ni a shayi sha ni hpe, tinang a matu mung, kashu kasha ni a matu mung, shanhte hkungran la nna, dai chyoi pra ai amyu gaw, maigan amyu ni hte kayau kaya nga ai hta n-ga, mung du ni hte agyi salang ni, grau nna dai lam hta shut hpyit nga ma ai, nga nna ngai hpe tsun dan mi ai.

EZRA 9:2 ပူးပေါင်းရင်းမြစ်များ

NINGPAWT NINGHPANG 6:2

sumsing shadang sha ni ni gaw dai shayi sha ni tsawm htap nga ma ai hpe mu ma ai rai nna, shanhte yu ra nga ma ai hte maren la ma ai.

1 HKAWHKAM 11:1

Shawlumon gaw maigan numsha law law hpe tsaw ra wu ai. Egutu hkawhkam a shayi sha hta kaga, Hiti numsha ni, Moba, Amon, Edom hte Sidon mung na numsha ni hpe hkungran la wu ai.

EZRA 10:2

Dai hpang Elam amyu lakung na Yehiela a kasha Shehkania gaw Ezra hpe, “Anhte gaw maigan numsha ni hpe hkungran la ai hte Karai Kasang hta kam sham nga ai lam hpe jahten sharun kau saga ai; rai ti mung Israela a matu myit mada shara naw nga nga ai.

EZRA 9:12

Shanhte anhte a amyu matu ni dai mungdan hta kabu gara ai hte htani htana madu la shangun na matu rai yang, shanhte gaw dai masha amyu ni hte kayau kaya rai dinghku galoi mung n de na matu mung, shanhte a ngamu ngamai lam hte awng dang ai amu ni hta galoi mung n shang karum la na lam mung anhte hpe tsun mi ai.

EZRA 9:14

Dai hpang, ndai n hkru ai masha amyu ni hte kayau kaya dinghku rawn sha let, na a hkang da ai ga ni hpe anhte kaning rai bai n sawn n sang di lu na rai ga ta? Anhte bai galaw hkrup ga ai rai yang, nang masin grai pawt wa nna, kadai mung n lawt lu mat hkra, anhte hpe atsai awai shamyit kau na rai ndai.

NEHEMIA 13:17

Ngai mung Yuda ningbaw ni hpe, “Nanhte galaw nga ai n hkru ai amu hpe yu yu mu! Nanhte gaw Bansa Nhtoi hpe n chyoi n pra shangun nga myit hka!

NEHEMIA 13:28

Yoiada gaw Hkinjawng Kaba Eliashib a kasha rai nga ai, rai ti mung Yoiada a shadang sha langai mi gaw Bet Horon mare na Sanbalat a shayi sha hpe hkungran la nga ai; dai rai nna ngai gaw Yoiada hpe Yerusalem kaw nna pru mat wa shangun nngai.

PRU MAT 19:6

ngai hta chyu sha ap nawng da ai amyu masha ni tai ai hte nanhte gaw hkinjawng ni zawn ngai hpe daw jau na rai myit dai.”

PRU MAT 22:31

“Nanhte gaw nye a amyu masha ni rai nga myit dai, dai rai nna matse labye dusat ni e kawa sat da ai yam nga shan hpe sha lu na n rai; shing rai sha na malai, gwi ni hpe kabai jaw kau na rai ndai.

PRU MAT 34:16

Nanhte a shadang sha ni mung maigan num ni hpe la nhtawm ngai hta sadi n dung shangun ai hte shanhte a tara maigan hpara ni hpe woi nawku shangun na mara ai.

ESAIA 6:13

Dai mungdan hta marai shi kaw na langai mi naw ngam nga tim pyi, dai wa mung shaza kau ai hkrum na wu ai; shi gaw kran kadawng kau sai wamyi hpun a hpundu zawn tai na ra ai,” ngu nna htan wu ai. (Hpundu gaw Karai Kasang a amyu masha ni a matu nnan hpang la ai ngu ai hpe shaleng dan ai.)

JAW JAU 21:15

Shing n rai yang, chyoi pra ging ai shi a kashu kasha ni n san n seng na rai ma ai. Ngai gaw dai Madu rai nga nngai hte maren shi hpe Hkinjawng Kaba hku jahka san da ni ai,” ngu nna tsun wu ai.

MALAHKI 2:11

Yuda amyu masha ni gaw Karai Kasang hpe jaw ai shanhte a ga sadi hpe run kau nhtawm Yerusalem hte mungdan ting hta matsat shabat amu galaw ma ai. Dai Madu tsaw ra ai Nawku Htingnu hpe shanhte awu asin di kau mu ai. Lasha ni gaw maigan karai ni hpe nawku ai numsha ni hpe hkungran la ma ai.

MALAHKI 2:15

Karai Kasang gaw nang hpe shi hte hkum shan wenyi langai sha di hpan da sai n rai ni? Ndai lam hta shi a yaw shada ai gaw hpa rai nga a ta? Dai gaw jet ai Karai Kasang a amyu masha ni rai nga ai kashu kasha ni hpe nang shangai nga ndai. Dai re ai majaw nanhte kadai mung tinang madu jan hpe jaw da ai tinang a ga sadi hpe teng teng run lu na n rai.

1 KORINHTU 7:14

Hpa majaw nga yang, n kam n sham ai madu wa gaw, kam sham ai madu jan a jaw e mung, n kam n sham ai madu jan gaw, kam sham ai madu wa a jaw e mung, shachyoi shapra ai hkrum nna Karai Kasang e hkap la ging ai ni tai wa lu ma ai; dai hku n rai yang gaw, nanhte a kashu kasha ni n san n seng ai maigan kashu kasha ni tai na ma ai; ya chyawm gaw, Karai Kasang e hkap la ging ai ni shanhte tai ma ai.

2 KORINHTU 6:14

N kam n sham ai ni hte rau ginrun nna amu bungli hkum jawm gun hpai nga mu, hpa majaw nga yang, rau ginrun nna gun hpai na n mai byin ai. Jaw ai hte shut ai gaw kaning rai nna rau ginrun nga lu na rai ta? Nhtoi hte nsin gaw kaning rai nna rau nga lu a ta?

TARA JAHPRANG 14:2

Ga ntsa hta nga nga ai masha amyu ni yawng hta na shi a amyu masha ni tai nga na matu shi nanhte hpe lata la nu ai majaw dai Madu nanhte a Karai Kasang gaw nanhte hpe madu da nga ai.

TARA JAHPRANG 7:6

Dai Madu nanhte a Karai Kasang gaw nanhte hpe madu da nga myit dai majaw dai amu galaw mu. Shi hte seng ai laksan amyu masha majing shatai na nga, ginding aga ntsa ting na masha amyu yawng hta na nanhte hpe lata la manit dai.

YAWSHU 22:15

Rubin, Gad hte sinpraw hkran na Manashe amyu bawsang ni nga ai Gilead mung de shanhte sa mat wa nhtawm,

YAWSHU 23:12

Nanhte mahtang sadi n dung ai sha, dai ni du hkra nanhte hta naw ngam nga ai kaga amyu baw ni hte makyit mahkai let num la num ya rai myit yang chyawm gaw,