EZRA 9:12 - Jinghpaw Common Language Bible 2009

¹² Shanhte anhte a amyu matu ni dai mungdan hta kabu gara ai hte htani htana madu la shangun na matu rai yang, shanhte gaw dai masha amyu ni hte kayau kaya rai dinghku galoi mung n de na matu mung, shanhte a ngamu ngamai lam hte awng dang ai amu ni hta galoi mung n shang karum la na lam mung anhte hpe tsun mi ai.

Jinghpaw Hanson Version Bible

¹² nanhte a shayi sha ni hpe shanhte a shadang sha ni hte, shanhte a shayi sha ni hpe nanhte a shadang sha ni hte, hkum ya sha myit; nanhte n-gun ja lu na hte, dai mungdan a ngamai na hpe lusha lu nna, nanhte a kashu kasha ni hpe prat dingsa du hkra madu lu shangun na matu, shanhte a ngwipyaw ai hte ngamu ngamai ai lam galoi mung hkum tam myit, nga nna na a shangun ma myihtoi ni a n-gup hta nang hkang da ai ga hpe, anhte kau da sagaw ai.

EZRA 9:12 ပူးပေါင်းရင်းမြစ်များ

1 HKAWHKAM LABAU 28:8

“Ya chyawm gaw nye a amyu masha ni e, ndai mai kaja ai mungdan hpe nanhte a matu madu lu nna, ban hte ban htani htana nanhte a lata hta arai nga lu na matu anhte a Karai Kasang a man e mung, dai Madu a amyu masha ngu ai Israela masha ni yawng a ndai shawa hpawng a man e mung, dai Madu anhte a Karai Kasang anhte hpe hkang da mada lam magup hpe sadi sahka hte hkan sa madat mara na matu, ngai nanhte hpe tsun shadut nngai law.”

2 HKAWHKAM LABAU 19:2

Hkawhkam wa hpe sa hkrum na nga, Hanani a kasha myihtoi Yehu sa wa nhtawm, “N hkru ai ni hpe karum nna dai Madu hpe n dawng ai ni a maga de tsap nang ai gaw jaw ai ngu nang myit nawn da wu ni? Nang galaw kau nit dai amu gaw dai Madu a masin kahtet ai lam na a ntsa e du shangun nga nit dai.

EZRA 9:2

Yuda lasha ni mung maigan numsha ni hpe hkungran la ma ai majaw Karai Kasang a chyoi pra ai amyu masha ni awu asin tai mat wa masai. Ningbaw ni hte du salang ni grau nna shut hpyit nga ma ai.

PRU MAT 23:32

Shanhte hte mung, shanhte a hpara ni hte mung myit hkrum ga shaka tawn da lu na myit dai n rai.

GA SHAGAWP 13:22

Mai kaja ai masha wa gaw shi a kashu ni a matu sut gan sali wunli ngam da ya na ra ai; rai ti mung, yubak kap ai wa a sut gan chyawm gaw ding hpring ai masha ni hpang de du mat na ra ai.

GA SHAGAWP 20:7

Myit malang nna jaw ai amu hpe galaw ai kawa hpe lu la ai kasha ni gaw a nga ai.

ESAIA 1:19

Nanhte gaw nye a ga hpe sha madat mara nga myit dai rai yang, dai lamu ga na pru ai nsi naisi kaja ni hpe nanhte sha lu na marin dai.

TARA JAHPRANG 23:6

Nanhte gaw amyu baw hku grin nga dingsa, ndai masha amyu baw ni hpe karum la na matu mung, shanhte hpe ngamu ngamai shangun ai lam galoi mung hkum galaw ya myit.

TARA JAHPRANG 23:7

“Edom masha ni hpe chyawm gaw n kaw n law hkum rai myit; shanhte gaw nanhte a kahpu kanau ni rai ma ai. Egutu masha ni hpe mung n sawn n sang hkum rai myit; shanhte a mungdan hta nanhte nga yu manit dai.

TARA JAHPRANG 7:3

Shanhte hta na kadai hpe mung la lu na n rai; nanhte a ma ni kadai mung shanhte hta na kadai hte mung la shangun lu na myit dai n rai;