EZRA 9:10 - Jinghpaw Common Language Bible 2009

¹⁰ “Rai ti mung, ya chyawm gaw, O Karai Kasang e, dai lam yawng mayawng byin ngut sai majaw anhte hpa naw tsun lu na rai nga ga ta?

Jinghpaw Hanson Version Bible

¹⁰ Ya chyawm gaw, anhte a Karai Kasang e, anhte hpa naw tsun lu na ga ta? Nang mahtang, Nanhte sa madu lu na mungdan gaw,

EZRA 9:10 ပူးပေါင်းရင်းမြစ်များ

NINGPAWT NINGHPANG 44:16

Yuda chyawm gaw, “Madu e, nang hpe anhte hpa tsun lu na rai nga ga ta? Anhte kaning rai ndang hkat lu na ga ta? Anhte gaw tinang hkum hpe kaning rai jasan shapra lu na rai nga ga ta? Karai Kasang mung anhte a mara n magap da ya mani ai. Ya chyawm gaw dai gawm mu hkrum ai wa sha n-ga, anhte yawng mung na a mayam ni rai nga saga ai,” ngu nna htan wu ai.

EZRA 9:11

Anhte mahtang na a shangun ma ni, myihtoi ni hku nna jaw ai hkang da ai ga ni hpe bai lale kau saga ai. Anhte shang madu la hkyen ai mungdan gaw n san n seng nga ai hte dai mung e shanu nga ai masha amyu ni gaw jahtum shara mi kaw nna maga mi de hpring chyat rai nga ai matsat shabat re ai amu ni a majaw awu asin rai nga ai lam shanhte anhte hpe tsun dan mi ai.

EZRA 9:9

Anhte gaw mayam ni rai nga ga tim, nang gaw anhte hpe mayam amu hta kau da nga ndai n rai. Yuda mung hte Yerusalem mare hta shim lum ai lam mu tam la nhtawm matut nna shanu nga lu na ahkang mung, hten run mat sai na a Nawku Htingnu hpe bai gaw gap na matu mung, Persi hkawseng a jaw e nang anhte hpe myi man pa shangun nga nit dai.

NEHEMIA 9:30

Nang gaw shanhte hpe laning hte laning hkam sharang ai hte shadum jahprang nga ndai. Nang gaw na a myihtoi ni ga shaga na matu wenyi n-gun jaw ya nga ndai, rai ti mung na a amyu masha ni madat ai n rai, dai rai nna nang gaw shanhte hpe kaga amyu ni a lata de ap kau nga ndai.

NEHEMIA 9:34

Anhte a kaji kawa ni, anhte a hkawhkam ni, ningbaw ni hte hkinjawng ni na a Tara hkan shatup nga ma ai n rai. Shanhte gaw na a hkang da ai ga ni hte shadum jahprang ga ni hpe madat ma ai n rai.

SHAKAWN KUNGDAWN 106:6

Anhte gaw anhte a kaji kawa ni galaw lai wa sai zawn yubak galaw kau saga ai; shing rai, anhte gaw tara n lang ai ni hte n hkru n shawp ai ni tai mat nga saga ai.

SHARUNG SHAYAWT 3:22

Dai Madu a n htum n wai ai tsaw ra myit hte matsan dum ai gaw ya du hkra matut manoi rai nga ai,

ROMA 3:19

Dai jep ai Tara hta rawng ai hkang da ai lam shagu gaw jep ai Tara a npu e nga ai ni a matu rai nga ai hpe ya anhte chye saga ai; ndai hku byin wa ai lam gaw masha a tsun jahpai ai ga ni yawng hpe jahkring sha-ip kau shangun na hte mungkan ting gaw Karai Kasang jeyang daw dan ai hpe hkam la shangun na matu rai nga ai.

YAWSHU 7:8

O Madu e, ya chyawm gaw Israela mahtang gumlau hpyen a lata kaw na htingnut mat wa ai hpe ngai kaning ngu tsun lu na rai ta?