EZRA 9:1 - Jinghpaw Common Language Bible 2009

¹ Ndai amu ni galaw ngut ai hpang, Israela amyu masha ni a ningbaw nkau mi ngai kaw sa nna, amyu masha ni, hkinjawng ni hte Lewi masha ni nan htingbu mungdan ni rai nga ai Amon, Moba, hte Egutu, shing n rai Hkanani, Hiti, Perizi, Yebusi hte Amori masha ni hte shanhte nan n daw n hka ai sha nga nga ma ai rai nna, dai masha ni galaw ai matsat shabat amu ni hte maren shanhte hkan galaw nga ma ai lam tsun dan mi ai.

Jinghpaw Hanson Version Bible

¹ Ya dai amu ni ngut wa ai hpang, agyi salang ni ngai hpang de sit sa nna, Israela masha ni, hkinjawng ni, Lewi masha ni gaw, ndai mung ni e de nga ai amyu masha ni hta, tinang hkum hpe n daw n hka ai sha, Hkanan, Hiti, Perizi, Yebusi, Ammon, Moba, Egutu hte Amori masha ni a matsat shabat lam shagu hte maren hkan galaw nga ma ai.

EZRA 9:1 ပူးပေါင်းရင်းမြစ်များ

NINGPAWT NINGHPANG 15:16

Prat mali lai ai hpang, na a amyu matu ni ndai shara de bai nhtang wa na mara ai; hpa majaw nga yang, Amori masha ni ari ahpri hkrum mu ga, shanhte grai n hkru n shawp ai ni tai mat wa ai aten du hkra, ngai shaden kau na nngai n rai.

1 HKAWHKAM 11:1

Shawlumon gaw maigan numsha law law hpe tsaw ra wu ai. Egutu hkawhkam a shayi sha hta kaga, Hiti numsha ni, Moba, Amon, Edom hte Sidon mung na numsha ni hpe hkungran la wu ai.

2 HKAWHKAM LABAU 33:2

Dai Madu gaw shi a amyu masha ni rawt lung wa ai shaloi shaden shapraw kau dat sai masha amyu baw ni hkan nga ai matsat shabat re ai arawn alai hta hkan let, Manashe gaw dai Madu hpe shut kau wu ai.

2 HKAWHKAM LABAU 8:7

Shawlumon gaw Israela masha ni mungdan madu la mu yang, shanhte n sat kau da ai Hkanan masha ni a amyu matu ni hpe magam bungli galaw shangun da ma ai. Dai amyu matu ni hta Amori, Hiti, Perizi, Hiwi hte Yebusi masha ni lawm nga ma ai rai nna dai ni du hkra dai amyu ni hpe mayam shatai da nga ma ai.

EZRA 10:2

Dai hpang Elam amyu lakung na Yehiela a kasha Shehkania gaw Ezra hpe, “Anhte gaw maigan numsha ni hpe hkungran la ai hte Karai Kasang hta kam sham nga ai lam hpe jahten sharun kau saga ai; rai ti mung Israela a matu myit mada shara naw nga nga ai.

EZRA 10:8

Masum ya laman n du ai wa kadai hpe mung shi a sut gan yawng magawn la ai hkrum nna rau nga ai hpung kaw na shapraw kau hkrum na rai wu ai.

NEHEMIA 13:23

Dai aten e, Yuda lasha law law ni mung Ashdod, Amon hte Moba numsha ni hpe hkungran la nga ma ai hpe ngai mu nngai.

NEHEMIA 4:3

Tobia mung dai yang, shi a makau e tsap nga nhtawm, “Shanhte gaw kaning sha san ai bunghku galaw lu na ma ai kun? Chyahkyawn langai e sha ahtu kadawng kau lu ai baw she n rai nga a dawng!,” ngu nna tsun jat ya wu ai.

NEHEMIA 4:7

Anhte mung Yerusalem mare bunghku gaw ai lam hte waw malawng mat ai bunghku ni hpe bai pat shachyip ai lam hta gaw sharawt da lu saga ai hpe Sanbalat, Tobia yan hte Arab, Amon hte Ashdod masha ni na jang, shanhte masin grai pawt ma ai.

SHAKAWN KUNGDAWN 106:35

maigan amyu masha ni hte shanhte dinghku de ma ai hte maigan htung tara ni hpe shanhte hkap la nga mu ai.

PRU MAT 13:5

Dai Hkanan, Hiti, Amori, Hiwi hte Yebusi masha ni nga ai lamu ga, dai Madu gaw nanhte hpe jaw na matu nga, nanhte a kaji kawa ni hta dagam let ga sadi shagrin da nu ai dai sut su ngamu ngamai nna ga sau hte hpring ai mung de nanhte hpe woi shang wa ai shaloi, nanhte gaw shawng na shata shagu hta ndai poi hpe galaw na rai myit dai.

PRU MAT 23:23

Nye a lamu kasa gaw na a shawng e sa wa nna, Amori, Hiti, Hperizi, Hkanan, Hiwi hte Yebusi masha ni shanu nga ai mung de nang hpe woi wa nna dai ni hpe ngai jahten kau na we ai.

PRU MAT 33:16

Nang anhte hte rau n hkan sa ai rai yang, na a amyu masha ni hte mung, ngai hte mung nang kaning rai awng sharawng nga ai hpe kadai wa chye lu na rai nga a ta? Anhte hte rau nga nga ai na a hpung shingkang gaw ginding aga ntsa e nga ai kaga masha ni hta na anhte hpe garan ginhka da na rai nga ndai,” ngu nna htan wu ai.

ESAIA 52:11

Nawku Htingnu arung arai hpai ai nanhte yawng hte e, Babelon mung kaw na teng sha pru wa mu. Hkum da ai arung arai hpe hkum hkra myit; nanhte a hkum ni hpe shachyoi shapra ai hte pru wa mu.

YEREMIA 26:10

Yuda ningbaw ni gaw byin lai wa sai lam hpe na ma ai shaloi, shanhte gaw hkawhkam htingnu kaw nna dai Madu a Nawku Htingnu de tin tin sa wa nhtawm Chyinghka Ningnan hta shanhte wa nga nga ma ai.

YEREMIA 26:16

Dai hpang, ningbaw ni hte amyu masha ni gaw hkinjawng ni hte myihtoi ni hpe, “Ndai wa gaw dai Madu anhte a Karai Kasang a amying hta anhte hpe tsun mi ai; shi si ging ai wa n rai,” nga nna tsun ma ai.

JAW JAU 18:3

Nanhte kalang mi nga lai wa yu sai Egutu mung na masha ni hte ya ngai nanhte hpe woi tawn da nga ai Hkanan mung na masha ni a arawn alai htung lailen hkan lu na myit dai n rai.

MALAHKI 2:11

Yuda amyu masha ni gaw Karai Kasang hpe jaw ai shanhte a ga sadi hpe run kau nhtawm Yerusalem hte mungdan ting hta matsat shabat amu galaw ma ai. Dai Madu tsaw ra ai Nawku Htingnu hpe shanhte awu asin di kau mu ai. Lasha ni gaw maigan karai ni hpe nawku ai numsha ni hpe hkungran la ma ai.

BU HKAWM 23:9

Tsaw ai lunghkrung ni kaw na ngai shanhte hpe mu nngai; Ngai gaw shanhte hpe kawng ni kaw na mada lu nngai; Shanhte gaw alak mi re ai amyu baw langai mi rai nga ai; Shanhte gaw kaga amyu baw ni hta shaman chyeju grau nna lu la nga ma ai hpe shanhte chye ma ai.

BU HKAWM 25:6

Israela masha langai mi Mawshe a man hte dai Madu a hpung shingkang shanu nga ai Sum Chyinghka lam hta hkrap sharung nga ai shawa hpung ting a man e, Midian numsha langai mi hpe shi a sum de woi shang wa wu ai.

TARA JAHPRANG 18:9

“Dai Madu nanhte a Karai Kasang nanhte hpe jaw ai mung de shang sha myit dai shaloi, dai yang na masha amyu baw ni a matsat shabat re ai arawn alai ni hta hkum hkan nga myit.

TARA JAHPRANG 23:8

Ban masum a hpang pra sa wa ai shanhte a matu mara ni mahtang dai Madu a amyu masha hpawng hta lawm mai na rai ma ai.

TARA JAHPRANG 7:1

Dai Madu nanhte a Karai Kasang gaw nanhte madu la na mungdan de woi shawn nna, dai mung na amyu baw law law hte hpe gawt shapraw kau na rai wu ai. Nanhte rawt lung wa myit yang, shi gaw nanhte hta grau galu kaba nna n-gun grau rawng ai amyu sanit rai nga ai Hiti, Girgashi, Amori, Hkanani, Perizi, Hiwi hte Yebusi masha ni hpe gawt shapraw kau na ra ai.

YAWSHU 23:12

Nanhte mahtang sadi n dung ai sha, dai ni du hkra nanhte hta naw ngam nga ai kaga amyu baw ni hte makyit mahkai let num la num ya rai myit yang chyawm gaw,