EZRA 8:31 - Jinghpaw Common Language Bible 2009

³¹ Anhte gaw Yerusalem de sa wa na matu, Ahawa hka shi makau kaw na, shata langai a shi lahkawng ya shani e pru wa ga ai. Anhte a Karai Kasang gaw anhte hte rau nga nga ai rai nna anhte bu hkawm wa yang, gumlau hpyen ni makoi gyem let htim gasat ai kaw na mung anhte hpe makawp maga la mi ai.

Jinghpaw Hanson Version Bible

³¹ Dai hpang anhte gaw, Yerusalem mare de lung wa na nga, shata langai a shi mali ya shani e Ahawa hka kau na pru wa ga ai anhte a Karai Kasang a lata anhte a ntsa e nga nga ai rai nna, lam hkan e makoi nga ai hpyen ni a lata na anhte hpe mawai la mi ai.

EZRA 8:31 ပူးပေါင်းရင်းမြစ်များ

EZRA 7:28

Karai Kasang a chyeju gawp e, hkawseng wa, shi a hpaji jaw ni, daru magam atsam hte hpring ai du salang ni yawng a man e ngai hpe myi man pa shangun nga sai. Dai Madu nye a Karai Kasang ngai hpe nden marai jaw ya ni ai majaw ngai hte rau nhtang wa na Israela amyu lakung ni a ningbaw law law ni hpe ngai alau la lu nngai.”

EZRA 8:15

Ngai gaw Ahawa mare de lwi hkrat wa ai hka hkawng makau e hpung ting hpe jahpawng da nna, dai yang e masum ya tup anhte dap jung nga ga ai. Dai hpung hta hkinjawng ni nga nga ma tim, Lewi masha langai mi mung n lawm nga ai hpe ngai mu nngai.

ESAIA 66:14

Ndai zawn byin ai hpe nang mu ai shaloi, nang kabu gara na ndai; dai gaw nang hpe n-gun shaja ya ai hte hkam kaja shangun na ra ai. Dai hpang nang gaw dai Madu ngai nan nye a ga madat ai ni hpe karum ai mung, nye a gumlau hpyen ni hpe ninghkap na matu nye a masin kahtet ai hpe madun dan ai mung nang chye na rin dai,” ngu nna tsun wu ai.

KASA 25:3

Shanhte gaw Pawlu hpe lam e hkap gyam sat kau na matu makoi magap ai hku lajang da ma ai. Dai rai nna, shanhte hpe chyeju galaw ai hku nna, Pawlu hpe Yerusalem mare de sa dat ya na Hpestu kaw hpyi ma ai.

KASA 26:22

Rai ti mung Karai Kasang kaw nna karum ai lu la ai majaw sha, dai ni du hkra ngai asak hkrung nga lu ai hte kaji kaba n nga yawng a man e tsap let sakse hkam lu nga nngai.