EZRA 8:21 - Jinghpaw Common Language Bible 2009

²¹ Anhte a Karai Kasang a man e anhte yawng lusha gam nna tinang hkum hpe shagrit shanem na matu mung, anhte a hkrun lam hpe woi awn ya na hte anhte hpe mung anhte a kashu kasha ni hpe mung, anhte a sut gan ni hpe mung makawp maga ya na matu shi kaw hpyi nem na matu shanhte hpe Ahawa hka makau e hkang da ni ai.

Jinghpaw Hanson Version Bible

²¹ Shaloi e, anhte a Karai Kasang man e anhte myit nem lu nna, anhte a matu mung, anhte a ma kaji ni hte anhte lu ai arung arai mahkra a matu mung, malang pyaw ai lam shi hpe akyu hpyi na matu, Ahawa hka kau e lusha gam na aten, ngai hkang da nngai,

EZRA 8:21 ပူးပေါင်းရင်းမြစ်များ

2 HKAWHKAM LABAU 20:3

Yehoshahpat chyawm gaw hkrit kahpra ai hte lam madun la na matu dai Madu kaw akyu hpyi wu ai. Dai hpang Yuda mungdan ting lusha gam na matu hkang dat wu ai.

2 HKAWHKAM LABAU 20:4

Yuda mung mare shagu na masha ni gaw lam madun la na matu dai Madu kaw hpyi nem na nga, Yerusalem de tin tin sa wa shajang ma ai rai nna,

EZRA 8:15

Ngai gaw Ahawa mare de lwi hkrat wa ai hka hkawng makau e hpung ting hpe jahpawng da nna, dai yang e masum ya tup anhte dap jung nga ga ai. Dai hpung hta hkinjawng ni nga nga ma tim, Lewi masha langai mi mung n lawm nga ai hpe ngai mu nngai.

EZRA 8:31

Anhte gaw Yerusalem de sa wa na matu, Ahawa hka shi makau kaw na, shata langai a shi lahkawng ya shani e pru wa ga ai. Anhte a Karai Kasang gaw anhte hte rau nga nga ai rai nna anhte bu hkawm wa yang, gumlau hpyen ni makoi gyem let htim gasat ai kaw na mung anhte hpe makawp maga la mi ai.

NEHEMIA 9:1

Dai shata a hkun mali ya shani e, Israela amyu masha ni gaw shanhte galaw shut ai yubak mara ni a majaw yawn hkyen ai hpe madun nna lusha gam na matu hpawng nga ma ai. Dai rai nna shanhte gaw maigan masha ni yawng hte jahka kau ma ai. Shanhte gaw yawn hkyen ai kumla madun na nga, lachyit nba bu hpun nna shanhte a baw ntsa hkan e ga nhpu hte bun ma ai. Dai hpang shanhte hte shanhte a kaji kawa ni shut hpyit kau ai yubak mara ni a matu, shanhte rawt tsap let mara yin la hpang wa ma ai.

ESHTA 4:16

“Sa nna Susa mare hta nga ai Yuda masha ni yawng hpe jahpawng tawn u; lusha gam let nye a matu akyu hpyi ya mi. Masum ya tup shani shana hpa mung hkum lu hkum sha nga myit. Nye a shangun ma numsha ni hte ngai mung dai hte maren galaw na ga ai. Dai hpang tara tawt lai ti mung hkawhkam wa hpang de ngai shang na nngai. Ndai amu galaw ai a majaw ngai si lu na rai yang mung si na nngai.”

SHAKAWN KUNGDAWN 137:1

Ziun mare hpe anhte myit dum dat ga ai shaloi, anhte gaw Babelon mung na hka nu, hka shi ni a makau hkan dung nga let, hkrap nga ga ai.

SHAKAWN KUNGDAWN 5:8

Madu e, Ngai gaw gumlau hpyen law law lu nga nngai! Na myit ra ai hku, galaw lu u ga, ngai hpe lam woi la e; na a lam hkan lu hkra nye a matu na a lam hpe jasan ya rit.

SHAKAWN KUNGDAWN 5:9

Nye a gumlau hpyen ni tsun ai hpa lam hpe rai tim, galoi mung n mai kam nga ai; shanhte gaw jahten kau na matu sha, ra sharawng nga ma ai. Shanhte tsun shaga ai ga ni gaw dwi sau nna abawk shatsawm lu nga ma ti mung, dai ni gaw hkrit tsang mai ai hkalem ga ni hte hpring nga ai.

SHAKAWN KUNGDAWN 8:2

dai shakawn ga ni hpe ma kaji ni hte chyu chyu ai ma ngai ni mahkawn ma ai. Nang gaw na a gumlau hpyen ni yawng a lata kaw nna, shim ai hte sim sa nga ndai; nang hpe ninghkap ai kadai hpe mung, nang manga kau nga ndai.

GA SHAGAWP 3:6

Nang galaw ai lam shagu hte hta, dai Madu hpe dum nga u; shing rai yang, shi gaw ding man ai lam, nang hpe madun dan na ra ai.

ESAIA 30:21

Nanhte gaw hkra de, pai de lam yit wa ai rai yang, nanhte a shingdu e, “Ndai gaw lam rai nga ai, de a hpang hkan mu,” ngu nna shaga ai shi a nsen hpe na lu na rai myit dai.

ESAIA 35:8

Dai shara e ningmaw lam kaba langai nga na ra ai, dai hpe, “Chyoi Pra ai Lam Nmaw,” ngu shamying na mara ai. Yubak kap ai ni kadai mung dai lam de galoi mung hkawm sa lu na n rai; dai lam hkan ai ni hta angawk ai ni pyi dai lam yit na ma ai n rai.

ESAIA 42:16

“Myi kyaw ai nye a amyu masha ni hpe shanhte galoi mung garai n hkawm yu ai lam hku ngai woi lakawn wa na nngai. Ngai gaw shanhte a nsin hpe nhtoi shatai kau nna marawk marak re ai mung hpe shanhte a man e shatsawm shara da na nngai. Ndai ni gaw nye a ga sadi ni rai nga ai, ngai gaw dai ni hpe n hprai ai sha shatup na nngai.

ESAIA 49:10

shanhte gaw galoi mung kawsi hpang gara hkrum na mara ai n rai. Ajan hte zaibru jang a kahtet kang ai gaw shanhte hpe hkra na ra ai n rai, hpa majaw nga yang, shanhte hpe tsaw ra ai wa gaw shanhte hpe lam woi na ra ai. Shi gaw shanhte hpe hka hpawk ni nga ai de woi sa na ra ai.

ESAIA 58:3

Amyu masha ni gaw, “Dai Madu galoi mung n matsing ai mi, anhte hpa majaw lusha gam ang na ga ta? Shi myit n lawm ai mi, anhte hpa majaw lusha n lawm ai sa ang ga ta?,” ngu nna san ma ai. Dai Madu gaw shanhte hpe, “Dai teng man ai gaw dai nanhte lusha gam ai aten hta nan rai nga ai, nanhte gaw nanhte a amyat ni hpe hkan tam nna, nanhte a amu galaw masha ni hpe dip gamyet sha nga myit dai.

ESAIA 58:5

Nanhte lusha gam ai shaloi, nanhte a baw ni hpe tsingdu lap langai zawn gum dagup nna lachyit nba hpyan da let wan dap e galwi ai hku, nanhte a hkum ni hpe nni nkri hkrum shangun nga myit dai. Dai gaw lusha gam ai re ngu myit nawn da wu ni? Ngai gaw dai zawn re ai hpe awng sharawng nga ai ngu nanhte myit nawn da wu ni?

YEREMIA 10:23

Madu e, anhte hta na kadai mung anhte a hpang jahtum na lam hpe n up nga ai gaw ngai chye nngai; anhte kadai mung anhte a asak hpe n hkang lu nga ai.

YEREMIA 42:3

Anhte hkawm sa ang ai hkrun lam hte anhte hpa galaw ang ai amu hpe dai Madu anhte a Karai Kasang anhte hpe lam madun la mi ga, akyu hpyi ya mi law,” ngu nna tsun ma ai.

Daniela 9:3

Ngai gaw lusha gam let lachyit nba bu hpun nhtawm wan dap galu ai hte Madu Karai Kasang kaw akroi anoi akyu hpyi let hpyi nem nngai.

YOELA 1:14

Lusha gam na matu hkang dat mu; shawa zup hpawng shaga mu! Ningbaw ni hte Yuda amyu masha ni yawng shinggyin jahpawng nna dai Madu nanhte a Karai Kasang a Nawku Htingnu de shang nna, shi hpe hpyi jahtau mu!

JAW JAU 16:29

Ndai gaw prat mi hte prat mi hkan galaw na tara ni rai nga ai. Shata sanit a nhtoi shi ya shani e, Israela amyu masha ni hte shanhte kaw hkan nga ai maigan masha ni gaw amu bungli hpa mung n galaw ai sha lusha gam lu na rai ma ai.

JAW JAU 16:31

Dai shani gaw chyoi pra htum ai shani rai nna amu bungli hpa mung n galaw ai sha, lusha gam na rai ma ai. Ndai ni gaw prat mi hte prat mi hkan sa na tara ni rai nga ai.

JAW JAU 23:29

Dai shani hta lusha sha ai wa kadai hpe mung Karai Kasang a amyu masha hta na sumri dan kau ai hkrum lu na rai nga ai.

YONA 3:5

Ninewe mare masha ni gaw Karai Kasang a mungga hpe kam ma ai. Dai rai nna shanhte myit malai lu sai hpe madun na matu kaba grau ai kaw nna kaji htum ai wa kaw du hkra, masha shagu lachyit nba hpun let lusha gam na matu daw dan da nga ma ai.

YONA 3:7

Shi gaw Ninewe mare masha ni hpang de ning ngu tsun shana ndau dat wu ai: “Ndai gaw hkawhkam wa hte shi a du salang ni kaw na aming rai nga ai: Kadai mung hpa n sha lu na rai nga ai; masha yawng mung, dumsu hte sagu ni mung n lu n sha lu na rai nga ai.

BU HKAWM 14:3

Dai Madu gaw anhte hpe hpa majaw dai mungdan de woi wa nga a ni? Anhte mung majan hta sat kau ai hkrum nna anhte a num ni hte kashu kasha ni mung rim la ai hkrum na manu ai. Egutu mung de bai nhtang wa yang, grai mai na n rai ni?,” ngu nna shanhte tsun ma ai.

BU HKAWM 14:31

Nanhte a ma ni rim la hkrum na rai myit dai nga nna nanhte tsun myit ti mung, nanhte ningdang kau da ai mung de ngai shanhte hpe woi shang wa na nngai; dai mung gaw shanhte a dum nta tai na ra ai.

KASA 2:39

Hpa majaw nga yang, ga ndat dai gaw, nanhte hte mung nanhte a kashu kasha ni hte mung sumtsan ga e nga ai anhte a Madu Karai Kasang shaga la ai masha nga manga hte hte mung seng nga ai,” ngu nna tsun dan mu ai.

TARA AGYI 20:26

Dai hpang amyu masha ni yawng Behtela mare de lung wa nhtawm sharung shayawt nga ma ai. Shanhte gaw dai yang na dai Madu a man e dung nga let shana de du hkra n lu n sha rai ma ai. Shanhte gaw dai Madu a man e mahku hkungga ni hte hkum ting nat nawng ai shagu hkungga nkau mi nawng jau ma ai.

1 SAMUELA 7:6

Dai rai nna, shanhte yawng mung Mizpa shara e zup hpawng ma ai. Hka loi mi hpe mung shanhte ja la nhtawm dai Madu a matu hkungga nawng ya ai zawn dai hpe ru hkaw ma ai; shing rai shani tup lusha gam ma ai. Shaloi shanhte gaw, “Dai Madu hpe anhte shut kau saga ai law,” ngu nna tsun ma ai. (Ndai gaw Mizpa shara e Israela masha ni hpe Samuela tara dara ya ai lam rai nga ai.)