EZRA 8:18 - Jinghpaw Common Language Bible 2009

¹⁸ Shanhte mung Karai Kasang a chyeju hte Sherebia, marai rawng ai masha langai, Mali amyu lakung na Lewi masha langai hte rau shi a kasha ni hte kahpu kanau ni marai shi matsat hte hpe shangun dat ma ai.

Jinghpaw Hanson Version Bible

¹⁸ Ya Karai Kasang a chyeju anhte hte rau rai nga ai majaw, shanhte gaw, Israela, Lewi hte Mali dap lakung ni a nyan rawng ai wa langai mi hte rau,

EZRA 8:18 ပူးပေါင်းရင်းမြစ်များ

1 HKAWHKAM LABAU 6:1

Lewi gaw shadang sha masum lu ai: dai ni gaw Gershon, Kohat hte Merari ni rai nga ai.

1 HKAWHKAM LABAU 6:19

Merari gaw Mali hte Mushi yan a kawa rai nga ai.

1 HKAWHKAM LABAU 6:4

Eleaza kaw na ban hte ban pra hkrat wa ai amyu matu ni gaw Hpineha, Abishua,

2 HKAWHKAM LABAU 30:22

Hezekia mung dai Madu hpe nawku daw jau ai hta chye chyang kungkyang ai Lewi masha ni hpe shakawn shagrau nga wu ai. Ya shanhte gaw sanit ya tup dai Madu shanhte a kaji kawa ni a Karai Kasang hpe shakawn kungdawn let shagu hkungga ni nawng ya ngut jang,

EZRA 7:28

Karai Kasang a chyeju gawp e, hkawseng wa, shi a hpaji jaw ni, daru magam atsam hte hpring ai du salang ni yawng a man e ngai hpe myi man pa shangun nga sai. Dai Madu nye a Karai Kasang ngai hpe nden marai jaw ya ni ai majaw ngai hte rau nhtang wa na Israela amyu lakung ni a ningbaw law law ni hpe ngai alau la lu nngai.”

EZRA 7:6

Ezra gaw dai Madu Israela Karai Kasang Mawshe hpe jaw ya ai Tara hpe azin ayang chye chyang ai hpaji ninghkrin wa rai nga ai. Ezra gaw dai Madu shi a Karai Kasang a shaman chyeju hkam la nu ai majaw hkawseng wa mung shi hpyi mahpyi lam magup jaw ya wu ai. Artazazi hkaw dung ai sanit ning hta Ezra gaw Israela masha ni hta hkinjawng ni, Lewi masha ni, htingnu mahkawn mangoi masha ni, Nawku Htingnu sin ai ni hte amu galaw masha ni lawm ai hpung mi hte Babelon mung kaw nna Yerusalem mare de wa ma ai.

EZRA 8:16

Ngai gaw ningbaw jahku hpe shangun dat nngai: shanhte gaw Elieza, Ariela, Shemaia, Elnahtan, Yarib, Elnahtan, Nahtan, Zehkaria, Meshulam, sara lahkawng rai nga ai Yoiarib yan Elnahtan ni rai ma ai.

EZRA 8:19

Shanhte gaw Merari amyu lakung na Hashabia hte Yeshaia ni hte rau shanhte a ru sai daw hkrang ai kahpu kanau hkun hte hpe mung shangun dat ya ma ai.

EZRA 8:22

Anhte a Karai Kasang gaw shi hpe kam sham ai masha shagu hte hpe shaman ya nga ti mung, shi kaw na kayin mat wa ai kadai hpe mung shi n ra sharawng ai hte ari jaw nga ai ngu shi hpe ngai tsun kau ni ai majaw, anhte hkrun lam hkawm nga yang, anhte hpe gumlau hpyen a lata kaw nna mung, bau sin makawp maga ya na matu gumra dap hpyen hpung mi hkawseng wa kaw hpyi na, ngai kaya mat ni ai.

EZRA 8:24

Woi awn hkinjawng ni hta na Sherebia, Hashabia hte kaga marai shi hte hpe ngai lata la nngai.

NEHEMIA 12:24

Hashabia, Sherebia, Yeshua, Binui hte Kadmiela ni lam madun matsun ai npu hta taw let, Lewi masha ni hpe hpung hpaw da nga ai. Dai rai nna Karai Kasang a masha, Hkawhkam Dawi jaw da ai sharin matsun ga ni hte maren, aten mi hta hpung lahkawng gaw gahti galai rai Karai Kasang hpe chyeju dum shakawn kungdawn nga ma ai.

NEHEMIA 2:8

Ngai gaw hkawhkam wa a maling ni hpe up ai Asap hpang de, Nawku Htingnu sin ai hpyen dap chyinghka ni a matu mung, mare bunghku ni a matu mung, ngai rawng na dum nta a matu mung hpunpyen jaw lu na matu shi hpe matsun dat ai laika langai hpyi we ai. Karai Kasang gaw ngai hte rau nga nga ai majaw dai hkawseng wa mung ngai hpyi ai lam yawng jaw ya nga ai.

NEHEMIA 8:7

Dai hpang shanhte gaw shanhte a shara ni hta rawt tsap nga ma yang, ndai Lewi masha ni rai nga ai Yeshua, Bani, Sherebia, Yamin, Akub, Shabehtai, Hodia, Masea, Kelita, Azaria, Yozabad, Haman, Pelaia hte gaw Tara a lam shanhte hpe tsun shaleng dan ma ai.

GA SHAGAWP 24:3

Hpaji byeng-ya hte chye chyang ai hpaji hta dum nta ni hpe gaw gap da nga ai.

GA SHAGAWP 3:6

Nang galaw ai lam shagu hte hta, dai Madu hpe dum nga u; shing rai yang, shi gaw ding man ai lam, nang hpe madun dan na ra ai.

YEREMIA 3:15

Ngai gaw nye a ga madat mara chye ai mung du ni nanhte hpe jaw na nngai, shanhte gaw nang hpe hpaji byeng-ya hte mung, chye na hkawn hkrang ai nyan hte mung up na mara ai.

Daniela 1:20

Ndai marai mali gaw hkawhkam wa san ai kaning re ai ga san hpe mung, manghkang hpe mung shi a mungdan ting hta nga ai lakle sara ni hte mandan bau ai kadai hta mung htam shi grau nna chye nga ai.

1 KORINHTU 14:20

Hpu nau ni e, myit mang ai lam hta ma kaji hkum tai myit: n hkru n kaja ai lam hta she ma kaji tai nga mu; myit mang ai lam hta chyawm gaw, asak kaba nna myit su ai ni zawn rai nga mu.