EZRA 8:1 - Jinghpaw Common Language Bible 2009

¹ Ndai gaw Artazazi hkaw dung nga yang, Babelon mung hta bawng dung hkrum nna Ezra hte rau Yerusalem mare de nhtang wa ai amyu lakung ni a ningbaw ni a jahpan rai nga ai:

Jinghpaw Hanson Version Bible

¹ Da ndai gaw hkawhkam Artahkere a aprat e Babelon mare na ngai hte rau lung wa ai dap lakung ni a agyi ni hte shanhte a ahtik labau jahpan laika ni rai nga ai.

EZRA 8:1 ပူးပေါင်းရင်းမြစ်များ

1 HKAWHKAM LABAU 24:31

Shanhte gaw Arun kaw na yu hkrat wa ai amyu matu hkinjawng dinghku ni zawn dinghku shagu na ningbaw hte shi a kanau ni hta na langai mi gaw shanhte a daw jau amu bungli ni a matu hpaida da ma ai. Dai rai nna Hkawhkam Dawi mung, Zadok hte Ahimelek mung, hkinjawng dinghku ni a ningbaw ni hte Lewi masha ni gaw sakse ni rai ma ai.

1 HKAWHKAM LABAU 26:32

Hkawhkam Dawi gaw Yeria a amyu abaw apa ni hta na laklai share shagan ai dinghku a baw tai ya ai masha hkying lahkawng sanit tsa hpe lata la nhtawm Yawdan hka a sinpraw maga Rubin, Gad hte Sinpraw Manashe lamu ga na Israela mung hta nawku htung hte mung shawa hte seng ai up hkang lam yawng hpe woi hpareng nga ma ai.

1 HKAWHKAM LABAU 4:33

grup yin kahtawng ni hte sinna dingda maga Balat mare du hkra rai nga ai. Dai gaw shanhte a dinghku masha ni hte shanhte nga ai buga shara ni hpe ka mazing da ai rai nga ai.

1 HKAWHKAM LABAU 9:1

Israela amyu masha ni yawng hpe dinghku ni hte dinghku hku hkan nna ka da nga ai; dai hpe Israela Hkawhkam ni a Laika hta ka da nga ai. Yuda amyu masha ni chyawm gaw shanhte galaw ai yubak ari a majaw Babelon mung de bawng rim woi mat wa hkrum ma ai.

1 HKAWHKAM LABAU 9:34

Shanhte a kaji kawa lakung lama ni hte maren, lahta e mying rawng ai masha ni gaw Lewi dinghku masha ni yawng hta na ningbaw ni hkrai rai ma ai. Shanhte gaw ningbaw ni rai nna Yerusalem mare e nga nga ma ai.

2 HKAWHKAM LABAU 26:12

Dai luksuk hpe up hkang ai du salang ni 2,600 rai nga ai.

EZRA 1:5

Dai hpang, tinang myit masin hta Karai Kasang e shamu shamawt ya hkrum sai Yuda hte Benyamin amyu bawsang hta na lakung ni a ningbaw ni, hkinjawng ni hte Lewi masha ni gaw Yerusalem mare na dai Madu a Nawku Htingnu bai sa gap na matu jin jin rai ma ai.

EZRA 2:2

Shanhte a ningbaw ni gaw Zerubabela, Yawshu, Nehemia, Seraia, Relaia, Mordehkai, Bilshan, Mispa, Bigawai, Rehum hte Bana hte rai ma ai. Ndai gaw bawng dung ai kaw nna nhtang wa ai Israela lakung lama shagu a jahpan rai nga ai:

EZRA 2:3

Parosha - 2,172 Shepatia - 372 Ara - 775 Pahat Moba (Yeshua hte Yoab yan a amyu matu ni) - 2,812 Elam - 1,254 Zatu - 945 Zahkai - 760 Bani - 642 Bebai - 623 Azgad - 1,222 Adonikam - 666 Bigwai - 2,056 Adin - 454 Atera (Hezekia mung ngu ai) - 98 Bezai - 323 Yora - 112 Hashum - 223 Gibara - 95

EZRA 7:13

“Nye a hkawseng mungdan ting na Israela amyu masha ni yawng, hkinjawng ni hte Lewi masha ni nang hte rau Yerusalem mare de wa na grai sharawng ma yang, ahkang jaw ya na matu ngai hkang da nngai.

EZRA 7:28

Karai Kasang a chyeju gawp e, hkawseng wa, shi a hpaji jaw ni, daru magam atsam hte hpring ai du salang ni yawng a man e ngai hpe myi man pa shangun nga sai. Dai Madu nye a Karai Kasang ngai hpe nden marai jaw ya ni ai majaw ngai hte rau nhtang wa na Israela amyu lakung ni a ningbaw law law ni hpe ngai alau la lu nngai.”

EZRA 7:6

Ezra gaw dai Madu Israela Karai Kasang Mawshe hpe jaw ya ai Tara hpe azin ayang chye chyang ai hpaji ninghkrin wa rai nga ai. Ezra gaw dai Madu shi a Karai Kasang a shaman chyeju hkam la nu ai majaw hkawseng wa mung shi hpyi mahpyi lam magup jaw ya wu ai. Artazazi hkaw dung ai sanit ning hta Ezra gaw Israela masha ni hta hkinjawng ni, Lewi masha ni, htingnu mahkawn mangoi masha ni, Nawku Htingnu sin ai ni hte amu galaw masha ni lawm ai hpung mi hte Babelon mung kaw nna Yerusalem mare de wa ma ai.

EZRA 8:2

Hpineha amyu lakung hta na Gershom, Ihtama amyu lakung hta na Daniela, Dawi amyu lakung hta na Shehkania a kasha Hatu, Parusha amyu lakung na Zehkaria hte shi a lakung na lasha 150 (Dai ni gaw shanhte a kaji kawa jahpan hta lawm nga ai.) Pahat Moba lakung na Zerahia a kasha Elihonai hte lasha 200, Zatu lakung na Yahaziela a kasha Shehkania hte lasha 300, Adin amyu lakung na Yonahtan a kasha Ebed hte lasha 50, Elam amyu lakung na Ahtalia a kasha Yeshaia hte lasha 70, Shehpatia amyu lakung na Mihkaela a kasha Zebadia hte lasha 80, Yoab amyu lakung hta na Yehiela a kasha Obadia hte lasha 218, Bani amyu lakung na Yosihpia a kasha Shelomit hte lasha 160, Bebai amyu lakung na Bebai a kasha Zehkaria hte lasha 28, Azgad amyu lakung na Hakatan a kasha Yohanan hte lasha 110, Adonikam amyu lakung na Elihpelet, Yeuela hte Shemaia hte lasha 60, ni rai ma ai. (Shanhte gaw hpang jahtum nhtang wa ai ni rai ma ai.) Bigwai amyu lakung hta na Uhtai yan Zakura hte lasha 70.