EZRA 7:8 - Jinghpaw Common Language Bible 2009

^8-9 Shanhte gaw shawng na shata a shawng shani e, Babelon mung kaw nna pru wa nhtawm Karai Kasang karum la ai hte shata manga a shawng shani e Yerusalem mare de shanhte du shang wa ma ai.

Jinghpaw Hanson Version Bible

⁸ Ya Ezra gaw, hkawhkam hkaw dung ai sanit ning a shata manga hta Yerusalem mare de du ai.

EZRA 7:8 ပူးပေါင်းရင်းမြစ်များ

EZRA 10:9

Masum ya laman ngu na shata jahku a hkun ya shani e, Yuda hte Benyamin lamu ga hta nga nga ai lasha ni yawng Yerusalem mare de sa nna, Nawku Htingnu a dam lada ai ndaw yang e zup hpawng ma ai. Shaloi, du hkra ladaw a majaw marang ja ja htu nga ai rai nna ahkyak ai zuphpawng hta shang lawm nga ai masha shagu hte wa gari ashun nga ma ai.

EZRA 8:32

Anhte gaw Yerusalem de du ga ai rai nna masum ya tup ban sa la shajang ga ai.

EZRA 9:9

Anhte gaw mayam ni rai nga ga tim, nang gaw anhte hpe mayam amu hta kau da nga ndai n rai. Yuda mung hte Yerusalem mare hta shim lum ai lam mu tam la nhtawm matut nna shanu nga lu na ahkang mung, hten run mat sai na a Nawku Htingnu hpe bai gaw gap na matu mung, Persi hkawseng a jaw e nang anhte hpe myi man pa shangun nga nit dai.

ESHTA 2:16

Dai rai nna Hkawhkam Ahasuru hkaw dung ai sanit ning na Tebet ngu ai shata shi hta, Eshta gaw hkawhkam htingnu Hkawhkam Ahasuru hpang de jashawn la ai hkrum wu ai.

Daniela 9:25

Dai hpe matsing da ai hte dai hpe chye tawn u. Yerusalem hpe bai gaw gap na hkang da ai ga pru wa ai aten kaw nna Karai Kasang lata la hkrum ai ningbaw du sa ai aten du hkra sanit ning sanit lang gaw lai mat wa na ra ai. Yerusalem mung mare lam ni hte ngang ai dahpran shara ni hte bai gaw gap da ai gaw shi lahkawng ning sanit lang na na rai nga ai, rai ti mung dai gaw ru yak tsin-yam tsindam hkrum ai aten rai na ra ai.